| 章節 | 全民台語聖經全羅經文 | 註釋 |
| 1:1 | I-é-su Ki-tok ê Ka-phó͘( Lk 3: 23-38)Che sī I-é-su Ki-tok ê Ka-phó͘, I-é-su sī Ta-bi̍t ê kiáⁿ-sun, Ta-bi̍t sī A-bu-la-hàm ê kiáⁿ-sun. | 註釋 串珠 盧華 盧導讀台 |
| 1:2 | A-bu-la-hàm seⁿ Í-sak; Í-sak seⁿ Iâ-kop; Iâ-kop seⁿ Iô-tah kah i ê hiaⁿ-tī; | 註釋 串珠 盧華 盧導讀台 |
| 1:3 | Iô-tah tùi Thâ-mal seⁿ Hoa-lè-suh kah Cha-la̍h; Hoa-lè-suh seⁿ Ê-su-lòm; Ê-su-lòm seⁿ A-lâm; | 註釋 串珠 盧華 盧導讀台 |
| 1:4 | A-lâm seⁿ A-mí-ná-tap; A-mí-ná-tap seⁿ Ná-sòng; ná-sòng seⁿ Sal-mòng; | 註釋 串珠 盧華 盧導讀台 |
| 1:5 | Sal-mòng seⁿ Pho-oh-chuh（ i ê lāu-bú sī La-ha̍t sī ）; Pho-oh-chuh tùi Lù-thuh seⁿ O͘-biat; O͘-biat seⁿ I-é-sái; | 註釋 串珠 盧華 盧導讀台 |
| 1:6 | I-é-sái seⁿ Ta-bi̍t ông; Ta-bi̍t tùi U-lī-a ê bó͘ seⁿ Só͘-lô-móng; | 註釋 串珠 盧華 盧導讀台 |
| 1:7 | Só͘-lô-móng seⁿ Lô-bo-àm; Lô-bo-àm seⁿ A-mí-a; A-mí-a seⁿ A-sah; | 註釋 串珠 盧華 盧導讀台 |
| 1:8 | A-sah seⁿ Iô-sa-hoat; Iô-sa-hoat-seng Io-lâm; Io-lâm seⁿ O͘-chi-a; | 註釋 串珠 盧華 盧導讀台 |
| 1:9 | O͘-chi-a seⁿ Iol-tàn; Iol-tàn seⁿ A-khà-chuh; A-khà-chuh seⁿ Hi-che-kia; | 註釋 串珠 盧華 盧導讀台 |
| 1:10 | Hi-che-kia seⁿ Má-ná-se; Má-ná-se seⁿ Am-móng （ Chù, ū ê chhau-pún sī A-mô͘-su/ A-mô͘-su ）; Am-móng seⁿ Io-si-iah. | 註釋 串珠 盧華 盧導讀台 |
| 1:11 | I-su-la-el jîn-bîn hō͘ lâng lia̍h kàu Ba-bú-lông ê sî, Io-si-iah seⁿ Ê-kho-nî-a kah i ê hiaⁿ-tī. | 註釋 串珠 盧華 盧導讀台 |
| 1:12 | I-su-la-el jîn-bîn hō͘ lâng lia̍h kàu Ba-bú-lông liáu-āu, Ê-kho-nî-a seⁿ Sa-la-thi-el; Sa-la-thi-el seⁿ Cho-lô-ba-bel; | 註釋 串珠 盧華 盧導讀台 |
| 1:13 | Cho-lô-ba-bel seⁿ A-mí-ut; A-mí-ut seⁿ É-lī-a-kim; É-lī-a-kim seⁿ A-cho͘l; | 註釋 串珠 盧華 盧導讀台 |
| 1:14 | A-cho͘l seⁿ Cha-tok; Cha-tok seⁿ A-khim; A-khim seⁿ Ê-lí-ut; | 註釋 串珠 盧華 盧導讀台 |
| 1:15 | Ê-lí-ut seⁿ Ê-lī-a-chal; Ê-lī-a-chal seⁿ Má-thàn; Má-thàn seⁿ Iâ-kop; | 註釋 串珠 盧華 盧導讀台 |
| 1:16 | Iâ-kop seⁿ Mâ-lí-ah ê tiōng-hu Iô-sé-huh; hō͘ lâng kiò-chò Ki-tok ê I-é-su, sī tùi chit-ê Mâ-lí-ah seⁿ ê. | 註釋 串珠 盧華 盧導讀台 |
| 1:17 | Án-ne tùi A-bu-la-hàm kàu Ta-bi̍t, chóng-kiōng cha̍p-sì tāi; tùi Ta-bi̍t kàu I-su-la-el bîn-cho̍k hō͘ lâng lia̍h-khì Ba-bú-lông mā ū cha̍p-sì tāi; tùi I-su-la-el bîn-cho̍k hō͘ lâng lia̍h-khì Ba-bú-lông kàu Ki-tok ê chhut-sì, mā ū cha̍p-sì tāi. | 註釋 串珠 盧華 盧導讀台 |
| 1:18 | I-é-su Ki-tok ê Chhut-sì( Lk 2: 1-7)I-é-su Ki-tok ê chhut-sì kì tī ē-té: I ê lāu-bú Mâ-lí-ah í-keng kah Iô-sé-huh tēng-hun, iáu-bē kiat-hun, chiū tùi Sèng Sîn lâi hoâi-īn. | 註釋 串珠 盧華 盧導讀台 |
| 1:19 | I ê tiōng-hu Iô-sé-huh sī Siōng-tè só͘ kah-ì ê gī lâng, bô ài kong-khai hō͘ i kiàn-siàu, siūⁿ beh thau-thau-á kái-tû hun-iok. | 註釋 串珠 盧華 盧導讀台 |
| 1:20 | Tng teh siūⁿ ê sî, ū Chú ê thiⁿ-sài tī i ê bîn-bāng tiong chhut-hiān, kóng, " Ta-bi̍t ê kiáⁿ-sun — Iô-sé-huh, m̄-bián kiaⁿ, lí tio̍h chhōa Mâ-lí-ah kòe-mn̂g chò bó͘, in-ūi i só͘ hoâi-īn ê thai sī tùi Sèng Sîn lâi ê. | 註釋 串珠 盧華 盧導讀台 |
| 1:21 | I ē seⁿ kiáⁿ, lí tio̍h kā I hō-miâ kiò-chò I-é-su, in-ūi I beh kiù I ê chú-bîn thoat-lī in ê chōe-ok. " | 註釋 串珠 盧華 盧導讀台 |
| 1:22 | Chit-ê tāichì sī beh èng-giām Chú thok sian-ti só͘ kóng ê ōe, | 註釋 串珠 盧華 盧導讀台 |
| 1:23 | Lí khòaⁿ, chāi-sek-lí ē hoâi-īn seⁿ kiáⁿ, lâng ē kā I kiò-chò " Em-má-nu-el ". (chù, ISI 7:14)" Em-má-nu-el " ê ì-sù sī " Siōng-tè kah lán tông-chāi ". | 註釋 串珠 盧華 盧導讀台 |
| 1:24 | Iô-sé-huh chhéⁿ khí-lâi liáu-āu, chiū chiàu Chú ê thiⁿ-sài só͘ bēng-lēng ê, khì chhōa Mâ-lí-ah lâi chò bó͘. | 註釋 串珠 盧華 盧導讀台 |
| 1:25 | Chit-ê eⁿ-á chhut-sì í-chêng, Iô-sé-huh bô kah i tâng-pâng. Eⁿ-á chhut-sì, Iô-sé-huh chiū kā I hō-miâ kiò-chò I-é-su. | 註釋 串珠 盧華 盧導讀台 |