Chim-giân/箴言簡介 線上收聽:中文和合本 台語聖經 客語聖經 福州話聖經 希伯來文讀經 下載檔案 關於語音聖經
9:1 Tì-hūi ê Iân-sia̍h
Tì-hūi ū khí i ê chhù, ū kā i chhāi chhit ki thiāu.
9:2 I ū thâi chengseⁿ, ū tiâu-hô chiú, ū pān toh chhiáⁿ lâng.
9:3 I chhe lú-pī chhut-.khì, kakī tī siâⁿ lāi ke̍k koân ê só͘-chāi teh soan-pò͘.
9:4 kóng, " Só͘-ū gōng-ti̍t ê lâng, tio̍h oat-lâi chia. " Koh kā bû-ti ê lâng kóng,
9:5 " Lín lâi, chia̍h góa ê piáⁿ, lim góa tiâu-hô ê chiú.
9:6 Lín khì-sak gû-gōng chiū ē tit tio̍h oa̍h-miā, lín mā tio̍h kiâⁿ kng-bêng ê lō͘. "
9:7 It-poaⁿ ê Chim-giân
Ài kā lâng kiù-chèng koh bú-bān ê lâng, kakī chio lâi lêng-jio̍k; chek-pī pháiⁿ lâng, ē hō͘ kakī kiàn-siàu.
9:8 M̄-thang chek-pī bú-bān ê lâng, khióng-kiaⁿ i ē oàn-hūn lí; Tio̍h chek-pī tì-hūi ê lâng, i ē thiàⁿ lí.
9:9 Kà-sī tì-hūi ê lâng, i chiū ē koh khah ū tì-hūi; chí-sī gī lâng, i chiū ē ke-thiⁿ ha̍k-būn.
9:10 Kèng-ùi Siōng-chú sī tì-hūi ê kin-pún, bat hit ūi chì-sèng ê lâng to̍h-sī chhong-bêng.
9:11 In-ūi tùi góa, lí ê ji̍t-chí ē khah chē, lí ê nî-hòe mā ná ke-thiⁿ.
9:12 Lí nā ēng tì-hūi chò tāichì, tì-hūi chiū ē hō͘ lí tit tio̍h lī-ek; lí nā bú-bān, chiū tio̍h kakī tam-tng hiō-kó.
9:13 Gû-gōng ê Iau-chhiáⁿ kah Èng-ín
Gû-gōng ê chabó͘ lâng gâu jióng; i sī gōng-ti̍t, m̄ bat pòaⁿ-hāng.
9:14 I chē tī kakī ê mn̂g-kháu, chē tī siâⁿ lāi koân-tē ê chō-ūi.
9:15 Ài kiò kòe lō͘ ê lâng, to̍h-sī ti̍t-ti̍t kiâⁿ teh kòe lō͘ ê lâng,
9:16 kóng, " Só͘-ū gōng-ti̍t ê lâng tio̍h oat-lâi chia. " Koh kā bû-ti ê lâng kóng,
9:17 " Thau iúⁿ-.lâi ê chúi sī tiⁿ ê; thau-chia̍h ê piáⁿ khah ū chu-bī. "
9:18 Chóng-.sī, hit khoán lâng m̄-chai tī i hia ū im-hûn; i ê lâng-kheh tī im-hú chhim ê só͘-chāi.
本畫面由信望愛資訊中心之CBOL計畫產生，歡迎連結，無須申請。CBOL計畫之資料版權宣告採用GNU Free Documentation License。願上帝的話能建造每一位使用這系統的人，來榮耀祂自己的名。