認bat 歷代志上chit本經冊

關於歷代志chit本經冊
歷代志上、下原本是一本冊，是後來翻譯成希臘文ê時chiah分做上、下兩本經冊。有一段時間，hiah-ê人kā chit上、下兩本經冊，kah以斯拉記、尼希米記等四本看做是仝一個本經冊；持chit種看法ê原因，是因為tī歷代志下第三十六章22到23節記載ê內容，kah以斯拉記第一章1到3節ê經文內容仝款。Mā因為án-ne，有人認為歷代志上、下、以斯拉記、尼希米記等這四本經冊，全部lóng是出自以斯拉ê手筆。M̄-koh chit種講法並無ē-tàng確定，因為真實ê作者是甚麼人，尚待考證中。理由是：歷代志下第三十六章22到23節所記載ê有關波斯皇帝許可猶太人回鄉ê諭令非常簡單，m̄-koh以斯拉記則內容非常詳細。比較接近實況ê講法是：歷代志比以斯拉記記載ê時間koh-khah早，而且成做以斯拉記作者後來收集chit方面資料ê主要參考資料。

歷代志chit本經冊，tī希伯來文ê意思是「日誌」、「年tāi-chì」。Á tī希臘文《七十》譯本用「遺漏ê tāi-chì」來稱呼本經冊。Án-ne就thang知影chit本經冊有「補漏」ê意思。Mā就是kā撒母耳記kah列王記chit兩本經冊所遺漏ê事kā它補足。這mā是為甚麼讀歷代志會感覺，chit本經冊kah撒母耳記á是列王記有真chē仝款ê所在。M̄-koh tī近代ê聖經學者中，有bē少人對這看法提出質疑地。

作者ê用心確實可取
歷代志chit本經冊原本是hō͘編列tī希伯來文舊約聖經ê最後一本。耶穌teh控訴殺害上帝僕人ê罪狀ê時，就bat引用歷代志下第廿四章21節，有關祭司撒迦利亞被約阿施殺害ê事件，直接指控伊hit時代ê猶太人領袖mā認同祖先們chit種惡劣行踏（參考馬太福音廿三：35）。後來改編tī以斯拉記ê頭前，是根據希臘文《七十人》譯本ê舊約聖經kah《拉丁文》版本聖經ê編排方式而改變ê。

讀歷代志chit本經冊，會發現有真chē內容kah撒母耳記上、下，以及列王記上、下等經冊真雷同，原因是它至少有一半ê資料是取材自頂面所講chiah-ê經冊，另外mā取材自摩西五經、士師記、詩篇、以賽亞書、耶利米書、耶利米哀歌等經冊。比較特別ê是，作者mā提起了幾個重要ê資料來源，諸如：以色列列王史（參考歷代志上九：1，歷代志下二十：34；三十三：18）、大衛王ê官方記錄（參考歷代志上廿七：24）、猶大kah以色列列王史（參考歷代志下十六：11；廿五：26；廿七：7；廿八：26；三十二：32；三十五：27；三十六：8）等。另外，作者mā引用所謂ê「先知書」，親像：歷代志上第廿九章29節ê「撒母耳先見、拿單先知、迦得先見ê史冊」。Iáu有其它如「先見史」（參考歷代志下三十三：19）、示羅人亞希雅預言冊、先見易多異象等冊」（參考歷代志下九：29）。Tùi chiah-ê lóng thang看出作者引用ê資料相當廣闊泛，認真而且用心整理ê程度一看to̍h ē-sái明白。作者之所以chiah-ni̍h用心整理，是為tio̍h beh hō͘ tùi巴比倫回鄉ê猶大kah以色列ê子民知影：祖先會淪落到hông擄去異鄉做奴隸，就是因為棄sak了上帝ê誡命、教示所致。伊深切地希望回鄉ê全體以色列子民lóng會認真地tùi歷史記錄學習tio̍h新ê教示，免得重蹈歷史覆轍。

重視族譜ê一本經冊
歷代志上開始ê前八章記載一連串ê族譜，mā tùi chiah-ê族譜thang看出以色列民族對家族傳承之歷史ê重視。其實，in mā是用族譜teh表明chit-ê民族存在ê重要性kah意義，mā同時透過族譜beh表明in kah上帝之間，確實是有特殊之約ê關係。而且chiah-ê族譜thang講lóng是tī主前第六到五世紀，tùi巴比倫tńg去故鄉落籍落來ê宗族，這mā teh表明in所khiā起ê chit片土地，確實是上帝所應允之地，無論in被分散到甚麼所在去，in對上帝所應允hō͘ in ê chit片土地，是絕對bē放棄，而且iáu-beh不斷來傳承hō͘ in ê kiáⁿ孫。

一提起族譜，就ē-tàng明白這是「祭司」體系siōng重視ê一件大事。族譜，mā是用來表達「秩序」ê重要性。歷代志編撰者tī上卷一開始就用族譜，其實mā是teh kā回鄉ê猶大同胞講，若m̄是重新tńg來到信仰ê秩序，就算今á日已經tńg去厝裡鄉，有一工iáu是仝款，koh一pái淪亡成做別人ê奴隸。因為信仰chiah是生存ê根基，而chit種信仰是建構teh對上帝絕對忠實ê基礎上。這mā是上卷用族譜來表達，然後用真長ê篇幅描述大衛王準備建造聖殿ê事，一直到下卷所羅門繼位了後，隨時就進行建造聖殿，歷代志作者用chit種方式teh說明：建構性命ê秩序，是tùi對上帝忠實ê心培養開始，而chit種對上帝忠實ê心，就是tùi敬拜上帝ê事做起。

Chit本經冊ê特色
Chit本經冊有一個真重要ê特色，就是作者是以「符合上帝心意ê人，其治理之下ê國度必然興旺」，用chit種理念作歷史ê主要脈絡。因為án-ne，大衛王ê事蹟中，如果違反án-ne理念ê事，lóng bē出現在伊筆下，這mā就是為甚麼撒母耳記下第十一到十二章有關大衛犯姦淫罪ê事，tī歷代志中被有省略。Koh講，大衛晚年宮廷中發生爭權kah剷除異己ê事件，mā無記載tī chit本經冊。原因是大衛乃是符合上帝旨意ê君王，是上帝親自膏立ê人，必然bē有chit種違背上帝ê話kah不符合上帝教導ê事件出現。

仝款ê模式mā出現在所羅門ê事蹟中，像亞多尼雅hō͘伊殺害，以及大將約押kah祭司亞比亞他等人參與背叛ê事件，而hō͘伊下令kā約押刣死tī聖幕ê至聖所祭壇邊伊刣死示每ê事，kah伊娶了一千個嬪妃ê事等等，全lóng被省略。比較特別ê所在，就是作者對北國以色列ê歷史並無感興趣，大部分只記載分裂後ê南國猶大歷史，對北國ê事蹟差不多無koh提起，原因是chit本經卷ê編撰者極可能是出自南國猶大ê史學者，伊對南國有份特殊ê感情，認為猶大chiah是正統繼承雅各ê命脈。因為án-ne，伊kā北國以色列十個支派看做是「反叛大衛王朝」（參考歷代志下十：19）ê行為。Mā tùi chia thang瞭解，作者是以大衛kah所羅門為主要結構（參考歷代志上第十一章到歷代志下第九章），teh述說伊所知影ê南國猶大歷史ê演變，一個人是m̄是ná親像親像祖先（其實就是teh指大衛）一般敬畏上帝？有，則會得tio̍h上帝ê賜福，反之，則為王國帶來詛咒。

另外一點，作者對耶路撒冷聖殿作為敬拜上帝ê惟一殿宇有特殊ê感情。Chit種觀念kah申命記派ê作者不謀而合；申命記ê作者就非常強調「上主要選一個特定ê場所做為敬拜ê所在」（參考申命記十二：5、11、14、18、21、26；十四：25；十五：20；十六：2、5、11、15、16）。歷代志ê作者則認為耶路撒冷聖殿是唯一合法ê聖所，其他地方ê敬拜lóng m̄屬tī上帝所賜福ê所在。強調耶路撒冷聖殿敬拜ê重要性kah權威，mā就是teh強化tùi大衛王朝所設立ê敬拜制度，伊kā詩歌、歌手、樂器引進入聖殿ê敬拜（參考歷代志上廿五：1）。咱thang用一句siōng簡單ê話來形容歷代志編撰者寫此經冊ê主要思想，就是為tio̍h beh保持以色列民族tī種族、宗教信仰上ê純潔。Mā為tio̍h chit-ê原因，作者無嫌費氣用相當chē ê篇幅紹介tùi巴比倫回鄉tńg來歸故鄉ê以色列民族（參考歷代志上第一到九章）。

上卷chit本經冊ê主要大綱
1.歷代志上第一到九章：族譜ê資料。
2.歷代志上第十章：掃羅王朝結束。
3.歷代志上第十一到廿九章：大衛王朝ê時代。