認bat約翰二書chit張phoe

作者是甚麼人
稱chit本書信是「一封phoe」是正確ê，因為本冊以當時書信ê標準模式呈現，寫tī一張大約寬是二十五公分、長二十公分ê蒲草紙上，這kah約翰一書ê模式完全無仝；約翰一書比較ná像「冊」，而無像是「信」，m̄-koh約翰二書則thang用「信」來看。Koh講，約翰一書並無明確寫出作者是甚麼人，當然mā就bē有作者ê自我紹介，因為án-ne，看bē出一般書信ê樣本。M̄-koh約翰二書則真典型ê一封「信」，mā是kui本聖經中siōng簡短ê一卷「經冊」，只有十三節經文。

Tī chit張phoe一開始，作者就自我紹介是「長老」，chia所謂ê「長老」，有三種可能性；一是teh指年紀khah長koh tī猶太社區中受tio̍h肯定ê人。二是teh指猶太公會中ê階級代表（參考馬太福音十六：21）。三是teh指早期教會中受tio̍h尊崇ê信仰長者（參考使徒行傳十一：30），á是lóng受信徒肯定、有好風評ê人（參考提摩太前書五：17）。作者tī chit封書信中自稱是「長老」，應該是屬tī第三類，伊是tī早期教會中信仰上lóng受肯定、尊崇ê人。Á tī chit種人中間，真可能是出身使徒身分，親像彼得前書第五章1節，作者就自稱是「以長老ê身分向各位同作長老」ê人講話。這是teh指彼得前書乃是使徒彼得所寫ê書信chiah án-ne解釋。不過，thang瞭解tī早期教會「長老」確實是tī信仰上ê楷模，thang幫助信徒堅定信心者。Chit位作者即使m̄是使徒約翰，mā應該是祂ê門徒之一，並且是教會ê長老。

Koh講，受信人看起來kah-ná是一對母女，m̄-koh mā有另外一種看法，認為這並m̄是指個人，卻是用女性名稱來teh代表當時ê教會。依照彼得前書第五章13節有「蒙揀選ê巴比倫教會」，而tī約翰二書第13節則用「蒙揀選ê姊妹ê kiáⁿ兒」。Án-ne，如果受信者m̄是指教會，就會和頭前受信者ê稱呼對不起來。因為án-ne，咱thang kā受信者看做是teh指tio̍h基督教會內ê信徒。不過，咱無法度確定這是寫hō͘ toh間教會ê信。

Chit張phoe ê主要目的
Kah約翰一書有仝款ê背景，就是tī當時社會中有「諾斯底主義」思想非常盛行，特別是充滿tī教會中。Á傳播chit種思想ê人，就是作者所kā它稱做「敵基督」ê人，是Pián仙á（參考第7到8節）。Chiah-ê人主要就是tī反對耶穌基督確實降生在世上，否認耶穌基督是真實ê人bat生活tī chiah-ê世界上。作者強調：上帝ê疼，就是tī耶穌基督身上顯現。因為án-ne，只要是對耶穌基督有確信，就是遵行上帝ê命令，這就是疼（參考第6節）。

作者警告所有ê信徒，一定tio̍h嚴防hiah-ê m̄相信耶穌基督就是上帝ê kiáⁿ兒，而且m̄信耶穌基督就是降生tī chit世界上ê人，chiah-ê人所傳講ê信息一定tio̍h一概拒絕，若無，等於為chiah-ê人ê乖謬言論做證仝款。而且作者認為siōng好ê拒絕方式，就是mài kah chit種人來往（參考第10到11節）。這就ná同使徒保羅寫phoe hō͘加拉太教會ê信徒所講ê，in就是傳「另外一種福音」ê人，一定tio̍h嚴防、甚至tio̍h拒絕chit種人加入教會（參考加拉太書一：6—9）。

Thang分做下列幾個段落
一、序言；第1到3節。
二、真理kah愛；第4到6節。
三、嚴防乖謬ê言論；第7到11節。
四、結語；第12到13節。