| 章節 | 全民台語聖經全羅經文 | 註釋 |
| 3:1 | Hō͘ Siàu-liân Lâng ê Tiong-kòGóa ê kiáⁿ, m̄ thang bē kì-tit góa ê kà-sī, lí ê sim tio̍h chip-siú góa ê kài-bēng. | 註釋 串珠 盧導讀台 |
| 3:2 | In-ūi hiahê kài-bēng ē kā kú-tn̂g ê ji̍t-chí, tn̂g ê hòe-siū kah pêng-an ke-thiⁿ hō͘ lí. | 註釋 串珠 盧導讀台 |
| 3:3 | M̄-thang hō͘ chû-ài kah sìn-si̍t lī-khui lí; tio̍h pa̍k tī lí ê ām-kún, khek tī lí ê sim-pi. | 註釋 串珠 盧導讀台 |
| 3:4 | Án-ne, lí ē tī Siōng-tè kah lâng ê bīn-chêng tit tio̍h un-tián kah hó miâ-siaⁿ. | 註釋 串珠 盧導讀台 |
| 3:5 | Lí tio̍h choan-sim óa-khò Siōng-chú, m̄ thang óa-khò lí kakī ê gâu. | 註釋 串珠 盧導讀台 |
| 3:6 | Tī lí it-chhè só͘ chò ê tāichì lóng tio̍h chun-tiōng I, I chiū ē chí-sī lí ê lō͘. | 註釋 串珠 盧導讀台 |
| 3:7 | M̄-thang kakī khòaⁿ-chò ū tì-hūi, tio̍h kèng-ùi Siōng-chú, lī-khui pháiⁿ tāi. | 註釋 串珠 盧導讀台 |
| 3:8 | Che ē hō͘ lí ê seng-khu ióng-kiāⁿ, ē chu-jūn lí ê kin-kut. | 註釋 串珠 盧導讀台 |
| 3:9 | Tio̍h ēng lí ê châi-bu̍t kah lí só͘-ū khí-thâu se̍k ê lông-sán-bu̍t hiàn hō͘ Siōng-chú. | 註釋 串珠 盧導讀台 |
| 3:10 | Án-ne, lí ê chhek-chhng ē tīⁿ kah móa chhut-.lâi, Lí ê chiú-khut ū sin chiú ē móa chhut-.lâi. | 註釋 串珠 盧導讀台 |
| 3:11 | Góa ê kiáⁿ, m̄ thang khòaⁿ-khin Siōng-chú ê kéng-kài, mā m̄ thang thó-ià, khòaⁿ-khin I ê chek-pī. | 註釋 串珠 盧導讀台 |
| 3:12 | In-ūi Siōng-chú chek-pī I só͘ thiàⁿ ê lâng, chhin-chhiūⁿ lāu-pē teh chek-pī i só͘ ì-ài ê kiáⁿ. | 註釋 串珠 盧導讀台 |
| 3:13 | Tit tio̍h tì-hūi kah chhong-bêng ê lâng, chit khoán lâng chin ū hok-khì. | 註釋 串珠 盧導讀台 |
| 3:14 | In-ūi tit tio̍h tì-hūi iâⁿ-kòe tit tio̍h gîn, pí tit tio̍h sûn-kim khah ū lī-ek. | 註釋 串珠 盧導讀台 |
| 3:15 | Tì-hūi pí âng-pó-chio̍h khah kùi-khì, lâng só͘ him-bō͘ ê bô chi̍t hāng kah i （ Chù, " Chim-giân " ê chok-chiá kā" Tì-hūi " Lâng keh hòa-chò lú-sèng ） ē pí-tit. | 註釋 串珠 盧導讀台 |
| 3:16 | I ê chiàⁿ chhiú ū tn̂g hòe-siū, i ê tò chhiú ū hó-gia̍h kah chun-kùi. | 註釋 串珠 盧導讀台 |
| 3:17 | I ê lō͘ sī ū khoài-lo̍k ê lō͘, i ê tō-lō͘ lóng pêng-an. | 註釋 串珠 盧導讀台 |
| 3:18 | Chhî-siú tì-hūi ê lâng tùi i lâi tit tio̍h oa̍h-miā, khîⁿ-tiâu i ê lâng lóng ū hok-khì. | 註釋 串珠 盧導讀台 |
| 3:19 | Siōng-chú ēng tì-hūi kiàn-li̍p tē, ēng chhong-bêng an-tì thiⁿ. | 註釋 串珠 盧導讀台 |
| 3:20 | I ēng I ê tì-sek hō͘ chhim-ian li̍h-.khui, hō͘ kiong-chhong tih lō͘-chúi. | 註釋 串珠 盧導讀台 |
| 3:21 | Góa ê kiáⁿ, lí tio̍h chip-siú chin ê tì-hūi kah kè-ōe; m̄ thang hō͘ in lī-khui lí ê ba̍k-chiu. | 註釋 串珠 盧導讀台 |
| 3:22 | Án-ne chiah ē hō͘ lí ê lêng-hûn tit tio̍h oa̍h-miā, tī lí ê ām-kún chiâⁿ-chò súi ê táⁿ-pān. | 註釋 串珠 盧導讀台 |
| 3:23 | Lí chiū ē-tàng an-jiân kiâⁿ lí ê lō͘, lí ê kha mā bē that tio̍h mi̍h-kiāⁿ poa̍h-tó. | 註釋 串珠 盧導讀台 |
| 3:24 | Lí tó-.leh, it-tēng bē kiaⁿ; lí tó lo̍h-khì bîn-chhn̂g, ē chin hó khùn. | 註釋 串珠 盧導讀台 |
| 3:25 | Hut-jiân lâi ê kiaⁿ-hiâⁿ, lí m̄-bián kiaⁿ; tú tio̍h pháiⁿ lâng beh kā lí pāi-hoāi, lí mā m̄-bián kiaⁿ. | 註釋 串珠 盧導讀台 |
| 3:26 | In-ūi Siōng-chú ē chò lí ê khò soaⁿ; I ē pó-siú lí ê kha-pō͘ bē hām-lo̍h lô-bāng. | 註釋 串珠 盧導讀台 |
| 3:27 | Lí ê chhiú nā ū kiâⁿ hó ê khùi-la̍t, m̄ thang the-sî, tio̍h the̍h hō͘ su-iàu pang-chān ê lâng. | 註釋 串珠 盧導讀台 |
| 3:28 | Lí nā hong-piān, m̄ thang tùi lí ê chhù-piⁿ kóng, " Chhiáⁿ tńg-.khì, bîn-á-chài koh lâi, góa chiah hō͘ lí. " | 註釋 串珠 盧導讀台 |
| 3:29 | Lí ê chhù-piⁿ an-jiân tòa tī lí ê hū-kīn, lí m̄ thang siat-kè lâi hāi i. | 註釋 串珠 盧導讀台 |
| 3:30 | Lâng nā m̄ bat hām-hāi lí, lí m̄ thang bô-iân bô-kò͘ kah i oan-ke. | 註釋 串珠 盧導讀台 |
| 3:31 | M̄-thang him-siān kiông-pō ê lâng, Mā m̄ thang kéng i só͘ kiâⁿ ê lō͘. | 註釋 串珠 盧導讀台 |
| 3:32 | In-ūi hêng-ge̍k ê lâng sī Siōng-chú só͘ thó-ià; chèng-ti̍t ê lâng Siōng-chú kah i chhin-bi̍t. | 註釋 串珠 盧導讀台 |
| 3:33 | Siōng-chú ê chiù-chó͘ kàu tī pháiⁿ lâng ê chhù; m̄ koh, hó lâng ê chhù Siōng-chú siúⁿ-sù hok-khì hō͘ i. | 註釋 串珠 盧導讀台 |
| 3:34 | Bú-bān lâng ê lâng, Siōng-chú kā i bú-bān; Siōng-chú si un hō͘ khiam-pi ê lâng. | 註釋 串珠 盧導讀台 |
| 3:35 | Tì-hūi ê lâng ē sêng-chiap êng-kng; gû-gōng ê lâng ko-seng ē chiâⁿ-chò kiàn-siàu. | 註釋 串珠 盧導讀台 |