| 章節 | 全民台語聖經全羅經文 | 註釋 |
| 5:1 | Kéng-kài Îm-loānGóa ê kiáⁿ, tio̍h chim-chiok góa ê tì-hūi, àⁿ hīⁿ-khang thiaⁿ góa chhong-bêng ê ōe. | 註釋 串珠 盧導讀台 |
| 5:2 | Ūi tio̍h beh hō͘ lí chip-siú kè-ōe, chhùi-tûn tio̍h pó-chûn tì-sek. | 註釋 串珠 盧導讀台 |
| 5:3 | In-ūi îm-hū ê chhùi-tûn tih-lo̍h tiⁿ-bi̍t, i ê chhùi pí iû khah-ku̍t. | 註釋 串珠 盧導讀台 |
| 5:4 | Kàu bóe chiū khó͘ kah chhin-chhiūⁿ in-tîn, LBK kah chhin-chhiūⁿ siaam bīn lāi ê kiàm. | 註釋 串珠 盧導讀台 |
| 5:5 | I ê kha lo̍h kàu sí-tē; i ê kha-pō͘ ta̍h tio̍h im-hú. | 註釋 串珠 盧導讀台 |
| 5:6 | Tì-sú oa̍h-miā pêⁿ-tháⁿ ê lō͘ i chhōe bē tio̍h; i ê lō͘ bô tiāⁿ tio̍h, i mā m̄-chai. | 註釋 串珠 盧導讀台 |
| 5:7 | Góa chiahê kiáⁿ, taⁿ tio̍h chun-thàn góa; m̄ thang lī-khui góa só͘ kóng ê ōe. | 註釋 串珠 盧導讀台 |
| 5:8 | Lí ê lō͘ tio̍h lī-khui i hn̄g-hn̄g, m̄ thang kiâⁿ kīn i ê mn̂g-kháu. | 註釋 串珠 盧導讀台 |
| 5:9 | Khióng-kiaⁿ lí ē kā kakī ê êng-kng hō͘ pa̍t lâng; ē kā lí ê hòe-siū kau hō͘ chân-jím ê lâng. | 註釋 串珠 盧導讀台 |
| 5:10 | Khióng-kiaⁿ gōa-lâng ē tit tio̍h lí ê chîⁿ-châi móa-móa; lí lô-khó͘ tit tio̍h ê châi-hù ē kui hō͘ gōa-lâng ê ke. | 註釋 串珠 盧導讀台 |
| 5:11 | Kàu bóe lí ê jio̍k-thé soe-pāi, lí chiū pi-ai thó͘-khùi, | 註釋 串珠 盧導讀台 |
| 5:12 | Lí chiū ē kóng, " Hāi ah! Góa ná ē oàn-hūn kà-sī, sim-lāi biáu-sī chek-pī; | 註釋 串珠 盧導讀台 |
| 5:13 | Ná ē bô chun-thàn góa ê lāu-su ê ōe, koh bô àⁿ hīⁿ-khang thiaⁿ hiahê kà-sī góa ê lâng. | 註釋 串珠 盧導讀台 |
| 5:14 | Góa tī hōe-chiòng kah tōa hōe tiong, hiám-hiám-á hām-lo̍h tī ta̍k chióng ê pháiⁿ. " | 註釋 串珠 盧導讀台 |
| 5:15 | Lí tio̍h lim kakī chúi-tî lāi ê chúi, lim kakī chéⁿ lāi só͘ chhut ê chúi. | 註釋 串珠 盧導讀台 |
| 5:16 | Lí ê chúi-chôaⁿ kám thang móa chhut gōa-bīn? Lí ê khe chúi kám thang lâu tī ke-lō͘? | 註釋 串珠 盧導讀台 |
| 5:17 | To̍k-to̍k kui lí chi̍t-ê lâng; m̄ thang kah pa̍t lâng chò-hóe ēng. | 註釋 串珠 盧導讀台 |
| 5:18 | Tio̍h hō͘ lí ê chúi-chôaⁿ tit tio̍h hok-khì; tio̍h hoaⁿ-hí lí siàu-liân ê sî só͘ chhōa ê bó͘. | 註釋 串珠 盧導讀台 |
| 5:19 | I chhin-chhiūⁿ thang thiàⁿ ê lo̍k-bú, thang hoaⁿ-hí ê lo̍k-bú; i ê heng chêng hō͘ lí sî-sî ti chiok; i ê ài-chêng hō͘ lí tiāⁿtiāⁿ loân-bō͘. | 註釋 串珠 盧導讀台 |
| 5:20 | Góa ê kiáⁿ, lí ná ē loân-bō͘ îm-hū? Ná ē khì lám ki-lí? | 註釋 串珠 盧導讀台 |
| 5:21 | In-ūi lâng só͘ kiâⁿ ê lō͘ lóng tī Siōng-chú ê ba̍k-chiu chêng; I mā siu pêⁿ lâng só͘-ū ê lō͘. | 註釋 串珠 盧導讀台 |
| 5:22 | Pháiⁿ lâng ē hō͘ kakī ê chōe-kò khîⁿ-tiâu; i ē hō͘ i chōe-ok ê soh-á pa̍k-.leh. | 註釋 串珠 盧導讀台 |
| 5:23 | I in-ūi khiàm-khoeh kà-sī ē tì-sú sí-bông; koh in-ūi gû-gōng kàu-ke̍k ē kiâⁿ chhe-lō͘. | 註釋 串珠 盧導讀台 |