| 章節 | 全民台語聖經全羅經文 | 註釋 |
| 11:1 | Kúi-chà ê thian-phêng sī Siōng-chú só͘ thó-ià; kong-pêⁿ ê chhìn-thûi sī I só͘ hoaⁿ-hí. | 註釋 串珠 盧導讀台 |
| 11:2 | Kiau-ngō͘ nā lâi, kiàn-siàu mā tòe teh lâi; chóng-.sī, tì-hūi ē kah khiam-pi ê lâng chò-hóe chûn-chāi. | 註釋 串珠 盧導讀台 |
| 11:3 | Chèng-ti̍t ê lâng, i ê sêng-si̍t ē ín-chhōa i; kan-chà ê lâng, i ê o͘-pe̍h-kóng ē hō͘ i pāi-hoāi. | 註釋 串珠 盧導讀台 |
| 11:4 | Siōng-tè tōa siū-khì ê ji̍t, chîⁿ-châi bô lō͘-ēng; chí ū kong-gī ē kiù lâng thoat-lī sí-bông. | 註釋 串珠 盧導讀台 |
| 11:5 | Oân-choân ê gī lâng ē pho͘-pêⁿ i kakī ê lō͘; chí ū pháiⁿ lâng ē in-ūi i kakī ê pháiⁿ lâi poa̍h-tó. | 註釋 串珠 盧導讀台 |
| 11:6 | Chèng-ti̍t ê gī lâng ē chín-kiù i kakī; kan-chà ê lâng ē hō͘ in kakī ê pháiⁿ lia̍h tio̍h. | 註釋 串珠 盧導讀台 |
| 11:7 | Pháiⁿ lâng chi̍t-ē sí, i ê ǹg-bāng ē bô-.khì; chōe-jîn só͘ him-bō͘ ê mā ē siau-sit-.khì. | 註釋 串珠 盧導讀台 |
| 11:8 | Gī lâng ē-tàng thoat-lī hoān-lān; ū pháiⁿ lâng chò i ê thè-sin. | 註釋 串珠 盧導讀台 |
| 11:9 | Bô kèng-khiân ê lâng ēng chhùi hāi chhù-piⁿ; chí ū gī lâng tùi tì-sek tit tio̍h kiù. | 註釋 串珠 盧導讀台 |
| 11:10 | Gī lâng heng-thong, choân siâⁿ hoaⁿ-hí; pháiⁿ lâng bia̍t-bông, lâng lóng chhut hoaⁿ-hí ê siaⁿ. | 註釋 串珠 盧導讀台 |
| 11:11 | Siâⁿ in-ūi chèng-ti̍t lâng ê chiok-hok chiū heng-khí; chóng-.sī, in-ūi pháiⁿ lâng ê chhùi chiū tó-hoāi. | 註釋 串珠 盧導讀台 |
| 11:12 | Biáu-sī chhù-piⁿ ê lâng sī bû-ti; chóng-.sī, bêng-lí ê lâng tiām-tiām bô chhut siaⁿ. | 註釋 串珠 盧導讀台 |
| 11:13 | Sì-kè kóng lâng ê tn̂g-té ê lâng lāu-sia̍p pì-bi̍t; sim sêng-si̍t ê lâng kā tāichì ún-ba̍t. | 註釋 串珠 盧導讀台 |
| 11:14 | Bô tì-hūi ê chí-tō, jîn-bîn chiū sit-pāi; bô͘-sū chē chiū ē tit tio̍h an-ún. | 註釋 串珠 盧導讀台 |
| 11:15 | Kā chheⁿ-hūn lâng chò pó-chèng ē tōa khek-khui; bô ài kā lâng tam-pó ê lâng chiū ē tit tio̍h an-ún. | 註釋 串珠 盧導讀台 |
| 11:16 | Hó tek-hēng ê chabó͘ lâng tit tio̍h miâ-siaⁿ; kiông-béng ê chapo͘ lâng tit tio̍h chîⁿ-châi. | 註釋 串珠 盧導讀台 |
| 11:17 | Jîn-chû ê lâng lī-ek kakī ê sèⁿ-miā; chân-jím ê lâng hāi kakī ê seng-khu. | 註釋 串珠 盧導讀台 |
| 11:18 | Pháiⁿ lâng keng-êng ē tit tio̍h hi-ké ê kang-chîⁿ; iā gī ê chéng-chí ê ē tit tio̍h si̍t-chāi ê pò-siúⁿ. | 註釋 串珠 盧導讀台 |
| 11:19 | Kú-tn̂g kiâⁿ gī ē tit tio̍h oa̍h-miā; tui kiû pháiⁿ sū ē tì-kàu sí-bông. | 註釋 串珠 盧導讀台 |
| 11:20 | Sim lāi o͘-pe̍h siūⁿ ê lâng sī Siōng-chú só͘ thó-ià; chò tāichì oân-siān ê lâng sī I só͘ hoaⁿ-hí. | 註釋 串珠 盧導讀台 |
| 11:21 | Pháiⁿ lâng chhiú khan chhiú, it-tēng ē siū hêng-hoa̍t; gī lâng ê kiáⁿ-sun ē tit tio̍h chín-kiù. | 註釋 串珠 盧導讀台 |
| 11:22 | Cha-bó͘ lâng súi nā bô bêng-lí, chhin-chhiūⁿ kim-khoân khòa tī ti ê phīⁿ. | 註釋 串珠 盧導讀台 |
| 11:23 | Gī lâng só͘ ì-ài ê tāichì lóng sī hó; pháiⁿ lâng só͘ ǹg-bāng ê tāichì, kiat-kio̍k sī jiá Siōng-chú siū-khì. | 註釋 串珠 盧導讀台 |
| 11:24 | Lâng ná hù-chhut chiū ē ná ke-thiⁿ; lâng ná tàng-sng chiū ē tian-tò sànchhiah. | 註釋 串珠 盧導讀台 |
| 11:25 | Ài chín-chè ê lâng ē tit tio̍h hong-sēng; chu-jūn lâng ê ē tit tio̍h chu-jūn. | 註釋 串珠 盧導讀台 |
| 11:26 | Tún ngó͘-kok m̄ thiò ê lâng ē hō͘ jîn-bîn chiù-chó͘; kam-goān thiò chhut ê lâng ē tit tio̍h chiok-hok. | 註釋 串珠 盧導讀台 |
| 11:27 | Chhut-la̍t chò hó sū ē tit tio̍h un-hūi; choan-bûn hāi lâng ê ē tú tio̍h chai-hō. | 註釋 串珠 盧導讀台 |
| 11:28 | Óa-khò kakī chîⁿ-châi ê lâng ē poa̍h-tó; gī lâng ē chhin-chhiūⁿ chheⁿ-chhùi ê chhiū-hio̍h heng-ōng. | 註釋 串珠 盧導讀台 |
| 11:29 | Kiáu-jiáu kakī chhù lāi ê lâng, siáⁿ-mi̍h lóng tit bē tio̍h; gû-gōng ê lâng ē chò tì-hūi lâng ê lô͘-po̍k. | 註釋 串珠 盧導讀台 |
| 11:30 | Gī lâng só͘ kiat ê kóe-chí-sī oa̍h-miā ê chhiū; tì-hūi ê lâng ē tit tio̍h lâng ê lêng-hûn. | 註釋 串珠 盧導讀台 |
| 11:31 | Lí khòaⁿ, gī lâng tī sè-kan tit tio̍h pò-siúⁿ; pháiⁿ lâng kah chōe-jîn kám bē siū koh khah tōa ê pò-èng? | 註釋 串珠 盧導讀台 |