| 章節 | 全民台語聖經全羅經文 | 註釋 |
| 18:1 | Ko͘-to̍k ê lâng tui-kiû kakī só͘ ì-ài ê, koh thòng-hūn it-chhè chin ê tì-hūi. | 註釋 串珠 盧導讀台 |
| 18:2 | Gōng lâng bô ì-ài bêng-lí, to̍k-to̍k ài hián-bêng kakī ê sim-ì. | 註釋 串珠 盧導讀台 |
| 18:3 | Pháiⁿ lâng lâi, biáu-sī mā tòe teh lâi; kiàn-siàu kàu, lêng-jio̍k mā kah i chò-hóe kàu. | 註釋 串珠 盧導讀台 |
| 18:4 | Lâng chhùi lāi ê ōe chhin-chhiūⁿ chhim ê chúi, tì-hūi ê chúi-chôaⁿ chhin-chhiūⁿ teh lâu ê khe chúi. | 註釋 串珠 盧導讀台 |
| 18:5 | Thé-thiap pháiⁿ lâng ê chêng-bīn, á-.sī sím-phòaⁿ oan-óng gī lâng lóng sī m̄-hó. | 註釋 串珠 盧導讀台 |
| 18:6 | Gōng lâng khui chhùi chiū khí oan-ke, i ê chhùi jiá-lâi hông phah. | 註釋 串珠 盧導讀台 |
| 18:7 | Gōng lâng ê chhùi hō͘ i kakī bia̍t-bông, i ê chhùi-tûn sī i kakī lêng-hûn ê lô-bāng. | 註釋 串珠 盧導讀台 |
| 18:8 | O̍h ōe ê lâng ê giân-gí chhin-chhiūⁿ hó chia̍h ê mi̍h, chhim-ji̍p lâng ê pak-tó͘ lāi. | 註釋 串珠 盧導讀台 |
| 18:9 | Chò kang pîntōaⁿ ê lâng kah phò-hoāi ê lâng chò hiaⁿ-tī. | 註釋 串珠 盧導讀台 |
| 18:10 | Siōng-chú sī kian-kò͘ ê koân-tâi, gī lâng cháu ji̍p-khì chiū tit tio̍h an-ún. | 註釋 串珠 盧導讀台 |
| 18:11 | Hó-gia̍h lâng siūⁿ kóng châi-bu̍t sī i kian-kò͘ ê siâⁿ, ná chhin-chhiūⁿ ū koân chhiûⁿ thang khò. | 註釋 串珠 盧導讀台 |
| 18:12 | Lâng ê sim nā kiau-ngō͘ chiū ē pāi-hoāi; khiam-pi chiū ē ū chun-kùi. | 註釋 串珠 盧導讀台 |
| 18:13 | Iáu-bōe thiaⁿ-liáu chiū ìn-tap, to̍h-sī i ê gû-gōng kah lêng-jio̍k. | 註釋 串珠 盧導讀台 |
| 18:14 | Lâng ē-tàng jím-siū jio̍k-thé ê pēⁿ-thiàⁿ; sim-sîn siū-siong, siáⁿ lâng jím-siū ē-tiâu? | 註釋 串珠 盧導讀台 |
| 18:15 | Chhong-bêng ê lâng ê sim tit tio̍h tì-sek, tì-hūi lâng ê hīⁿ-khang cháu-chhōe tì-sek. | 註釋 串珠 盧導讀台 |
| 18:16 | Lé-mi̍h sī thè lâng khui lō͘, chhōa i kàu tōa-jîn-bu̍t ê bīn-chêng. | 註釋 串珠 盧導讀台 |
| 18:17 | Tāi-seng piān-lūn ê lâng kahná ū lí; to̍k-to̍k chhù-piⁿ lâi chiū chhâ-chhut si̍t-chêng. | 註釋 串珠 盧導讀台 |
| 18:18 | Thiu-chhiam ē hō͘ oan-ke soah, mā ē pâi-kái ū sè-le̍k ê lâng tiong-kan ê kiù-hun. | 註釋 串珠 盧導讀台 |
| 18:19 | Hō͘ khek-khui ê hiaⁿ-tī koh hô, pí cheng-ho̍k kian-kò͘ ê siâⁿ khah oh; chit khoán ê sio-cheⁿ tú chhin-chhiūⁿ iâⁿ-chē ê mn̂g-chhòaⁿ. | 註釋 串珠 盧導讀台 |
| 18:20 | Lâng kóng-ōe só͘ kiat ê kóe-chí ē hō͘ i ê pak-tó͘ chhiong-móa; i ê chhùi-tûn só͘ siu-sêng ê ē hō͘ i pá-chiok. | 註釋 串珠 盧導讀台 |
| 18:21 | Seⁿ-sí ê koân-pèng chāi tī chhùi-chi̍h; thiàⁿ i ê lâng ē chia̍h i ê kóe-chí. | 註釋 串珠 盧導讀台 |
| 18:22 | Chhōa tio̍h bó͘ ê lâng to̍h-sī tit tio̍h hok-khì, mā sī tit tio̍h Siōng-chú ê un-tián. | 註釋 串珠 盧導讀台 |
| 18:23 | Sàn-chhiah lâng pek-chhiat lâi khún-kiû; hó-gia̍h lâng pháiⁿ siaⁿ-sàu lâi ìn-tap. | 註釋 串珠 盧導讀台 |
| 18:24 | Ū chin chē pêng-iú ê lâng ū sî ē kakī chū chhú bia̍t-bông; ū chi̍t-ê ti-kí ê pêng-iú ē pí hiaⁿ-tī khah chhin. | 註釋 串珠 盧導讀台 |