| 章節 | 全民台語聖經全羅經文 | 註釋 |
| 25:1 | Só͘-lô-móng ê Chim-giân ( Sòa )Í-hā mā sī Só͘-lô-móng ê Chim-giân, sī Iô-tah ông Hi-che-kia ê lâng só͘ chhau ê. | 註釋 串珠 盧導讀台 |
| 25:2 | Kā tāichì khàm ba̍t sī Siōng-tè ê êng-kng; kā tāichì chhâ-bêng sī kun-ông ê êng-kng. | 註釋 串珠 盧導讀台 |
| 25:3 | Chhin-chhiūⁿ thiⁿ ê koân, tē ê kāu, jîn-bîn oh-tit liáu-kái kun-ông ê sim-su ì-liām. | 註釋 串珠 盧導讀台 |
| 25:4 | Tû-khì gîn ê che-tái, gîn-chhiūⁿ chiah ē-tàng chò-chhut khì-kū; | 註釋 串珠 盧導讀台 |
| 25:5 | Tû-khì ông bīn-chêng ê pháiⁿ lâng, i ê kok-ūi chiah ē-tàng tùi kong-gī lâi kian-kò͘. | 註釋 串珠 盧導讀台 |
| 25:6 | Tī ông ê bīn-chêng m̄ thang kakī chū-tōa, mā m̄ thang khiā tōa-ūi. | 註釋 串珠 盧導讀台 |
| 25:7 | Khah hó sī ū lâng chhiáⁿ lí chē tōa-ūi, m̄ thang tī ông-chhin ê bīn-chêng hông kiò lí lo̍h-.khì. | 註釋 串珠 盧導讀台 |
| 25:8 | M̄-thang chhong-pōng chhut-khì kah lâng oan-ke, bián-tit kàu bóe hō͘ lí ê chhù-piⁿ lêng-jio̍k ê sî, lí m̄-chai beh án-chóaⁿ chò. | 註釋 串珠 盧導讀台 |
| 25:9 | Lí kah chhù-piⁿ kè-kàu, tio̍h kah i pún-sin piān-kái, m̄ thang siap-lāu pa̍t lâng ê pì-bi̍t; | 註釋 串珠 盧導讀台 |
| 25:10 | Khióng-kiaⁿ thiaⁿ-.tio̍h ê lâng ē mē lí, lí ê chhàu-miâ chiū oh-tit sé-chheng. | 註釋 串珠 盧導讀台 |
| 25:11 | Kóng-ōe ha̍p-gî, ná chhin-chhiūⁿ kim phông-kó hē tī gîn nâ-á lāi. | 註釋 串珠 盧導讀台 |
| 25:12 | Tì-hūi lâng ê chek-pī tī sūn-ho̍k ê lâng ê hīⁿ-khang lāi, ná chhin-chhiūⁿ kim hīⁿ-kau kah sûn-kim ê phoa̍h-liān. | 註釋 串珠 盧導讀台 |
| 25:13 | Tiong-si̍t ê sù-chiá tùi chhe i ê lâng lâi kóng, tú chhin-chhiūⁿ joa̍h-thiⁿ siu-koah ê sî ím-liāu ê liâng-léng, in-ūi i hō͘ chú-lâng ê sim khùiⁿ-oa̍h. | 註釋 串珠 盧導讀台 |
| 25:14 | Bô sàng lé kantaⁿ khoa-kháu lé-mi̍h gōa hó ê lâng, ná chhin-chhiūⁿ ū hong ū hûn ā bô lo̍h hō͘. | 註釋 串珠 盧導讀台 |
| 25:15 | Kú-tn̂g jím-nāi ê lâng, koaⁿ-tiúⁿ mā ē siū i khó͘-khǹg; un-jiû ê chhùi-chi̍h ē at-tn̄g kut-thâu. | 註釋 串珠 盧導讀台 |
| 25:16 | Lí ū tit tio̍h bi̍t bô? Chia̍h kàu-gia̍h chiū hó; khióng-kiaⁿ lí chia̍h kòe-thâu soah thò͘ chhut-.lâi. | 註釋 串珠 盧導讀台 |
| 25:17 | Lí m̄ thang tiāⁿtiāⁿ kòe-ke, khióng-kiaⁿ i ē thó-ià lí, oàn-hūn lí. | 註釋 串珠 盧導讀台 |
| 25:18 | Lām-sám kiàn-chèng hām-hāi chhù-piⁿ ê lâng, tú chhin-chhiūⁿ thûi, to kah lāi-chìⁿ teh siong-hāi lâng. | 註釋 串珠 盧導讀台 |
| 25:19 | Hoān-lān ê sî óa-khò bô tiong-si̍t ê lâng, tú chhin-chhiūⁿ chhùi-khí pháiⁿ khì, kha thut-lûn. | 註釋 串珠 盧導讀台 |
| 25:20 | Tùi siong-sim ê lâng chhiùⁿ koa, tú chhin-chhiūⁿ kôaⁿ-thiⁿ ê sî thǹg saⁿ, koh chhin-chhiūⁿ kā chhò͘ piàⁿ tī kiⁿ ê téng-bīn. | 註釋 串珠 盧導讀台 |
| 25:21 | Lí ê tùi-te̍k nā pak-tó͘ iau, tio̍h ēng bí-niûⁿ hō͘ i chia̍h; nā chhùi-ta, tio̍h ēng chúi hō͘ i lim. | 註釋 串珠 盧導讀台 |
| 25:22 | Án-ne, lí sī ēng jia̍t-jia̍t ê hóe-thòaⁿ thia̍p tī i ê thâu-khak téng hō͘ i chai kiàn-siàu; Siōng-chú mā ē kā lí pò-siúⁿ. | 註釋 串珠 盧導讀台 |
| 25:23 | Pak-hong thàu ē tì-sú lo̍h hō͘; húi-pòng lâng ê chi̍h ē tì-sú lâng pìⁿ-bīn. | 註釋 串珠 盧導讀台 |
| 25:24 | Lêng-khó tòa tī chhù téng ê kak-thâu, mā m̄ thang kah chháu-nāu ê chabó͘ lâng chò-hóe tòa tī khui-khoah ê chhù. | 註釋 串珠 盧導讀台 |
| 25:25 | Ū hó siau-sit tùi hn̄g-hn̄g thoân-.lâi, ná chhin-chhiūⁿ ēng léng-chúi hō͘ chhùi-ta ê lâng lim. | 註釋 串珠 盧導讀台 |
| 25:26 | Gī lâng tī pháiⁿ lâng ê bīn-chêng thè-niū, tú chhin-chhiūⁿ ta̍h lô khì ê chúi-chôaⁿ òe lahsap ê chéⁿ. | 註釋 串珠 盧導讀台 |
| 25:27 | Bi̍t chia̍h siuⁿ chē sī m̄-hó; lâng kòe-thâu kiû kakī ê êng-kng mā sī bô hó. | 註釋 串珠 盧導讀台 |
| 25:28 | Lâng nā bô iok-sok kakī ê sim, tú chhin-chhiūⁿ húi-hoāi ê siâⁿ bô chhiûⁿ. | 註釋 串珠 盧導讀台 |