| 章節 | 全民台語聖經全羅經文 | 註釋 |
| 11:1 | I-é-lí-miah kah Khè-iokŪ ōe tùi Siōng-chú lîm-kàu I-é-lí-miah, kóng, | 註釋 串珠 盧導讀台 |
| 11:2 | " Lín tio̍h thiaⁿ chit-ê iok ê ōe, kā Iô-tah lâng kah tòa tī Ê-lú-sa-lèm ê jîn-bîn kóng. | 註釋 串珠 盧導讀台 |
| 11:3 | Lí tio̍h tùi in kóng: Siōng-chú — I-su-la-el ê Siōng-tè ánne kóng: Bô chun-thàn chit-ê iok ê ōe ê lâng tio̍h siū chiù-chó͘. | 註釋 串珠 盧導讀台 |
| 11:4 | Chit-ê iok sī Góa chhōa lín ê chó͘-sian chhut Ai-gi̍p tē, thoat-lī chù-thih ê lô͘, hit ji̍t só͘ kā in hoan-hù ê, kóng: Lín tio̍h chun-thàn Góa ê ōe, chiàu Góa it-chhè só͘ hoan-hù ê khì kiâⁿ. Án-ne, lín chiū ē chò Góa ê chú-bîn, Góa mā chò lín ê Siōng-tè; | 註釋 串珠 盧導讀台 |
| 11:5 | hō͘ Góa thang kian-kò͘ tùi lín ê chó͘-sian só͘ chiù ê chōa, siúⁿ-sù hō͘ in lâu leng kah bi̍t ê tē; tútú chhin-chhiūⁿ kin-á-ji̍t ánne. " Góa chiū ìn kóng, " Siōng-chú ah, A-men! " | 註釋 串珠 盧導讀台 |
| 11:6 | Siōng-chú koh tùi góa kóng, " Lí tio̍h tī Iô-tah chiahê siâⁿ kah Ê-lú-sa-lèm ê ke-lō͘ thoân chiahê ōe, kóng: Lín tio̍h thiaⁿ chit-ê iok ê ōe, lâi chiàu ánne kiâⁿ. | 註釋 串珠 盧導讀台 |
| 11:7 | In-ūi tùi Góa chhōa lín chó͘-sian chhut Ai-gi̍p hit chi̍t ji̍t kàu kin-á-ji̍t, Góa pek-chhiat kā in kéng-kài, to̍h-sī chá-chá khí-lâi kā in kéng-kài, kóng, ' Lín tio̍h chun-thàn Góa ê ōe. ' | 註釋 串珠 盧導讀台 |
| 11:8 | Chóng-.sī, in m̄ chun-thàn, m̄ àⁿ hīⁿ-khang lâi thiaⁿ, kèng-jiân ta̍k-ê chiàu kakī pháiⁿ ê ngē-sim khì kiâⁿ. Só͘-í, Góa hō͘ chit-ê iok it-chhè chiù-chó͘ ê ōe lîm-kàu tī in ê sin chiūⁿ; chit-ê iok sī Góa kā in hoan-hù tio̍h chiàu ánne kiâⁿ ê, m̄ koh, in bô ánne kiâⁿ. " | 註釋 串珠 盧導讀台 |
| 11:9 | Siōng-chú koh tùi góa kóng, " Tī Iô-tah lâng kah Ê-lú-sa-lèm lâng ê tiong-kan ū kè-bô͘ chō-hoán ê tāichì. | 註釋 串珠 盧導讀台 |
| 11:10 | In oa̍t tńg-khì kiâⁿ in ê chó͘-sian ê pháiⁿ, in ê chó͘-sian m̄-khéng thiaⁿ Góa ê ōe, in chun-thàn pa̍t chióng ê sîn-bêng lâi kā i ho̍k-sāi. I-su-la-el ê chú-bîn kah Iô-tah ke ûi-pōe Góa kah in ê chó͘-sian só͘ li̍p ê iok. | 註釋 串珠 盧導讀台 |
| 11:11 | Só͘-í, Góa — Siōng-chú ánne kóng: Lí khòaⁿ, Góa beh hō͘ chai-hō lîm-kàu tī in, to̍h-sī in só͘ bē tàng tô-thoat ê. In ē tùi Góa ai-kiû, Góa m̄-thiaⁿ in ê ōe. | 註釋 串珠 盧導讀台 |
| 11:12 | Hit sî, Iô-tah chiahê siâⁿ ê lâng kah tòa tī Ê-lú-sa-lèm ê jîn-bîn, beh khì ai-kiû in sio hiuⁿ lâi ho̍k-sāi hiahê sîn-bêng. Chóng-.sī, tú tio̍h hoān-lān ê sî, chiahê sîn-bêng lóng bē tàng kā in chín-kiù. | 註釋 串珠 盧導讀台 |
| 11:13 | Iô-tah, lí ê sîn-bêng ê sò͘-gia̍h kah lí ê siâⁿ ê sò͘-gia̍h pêⁿ-pêⁿ; lí mā ūi tio̍h thang kiàn-siàu ê mi̍h lâi khí tôaⁿ, chiàu Ê-lú-sa-lèm chiahê ke-lō͘ ê sò͘-gia̍h, hiahê tôaⁿ to̍h-sī tī Ba-al ê bīn-chêng sio hiuⁿ ê. | 註釋 串珠 盧導讀台 |
| 11:14 | Só͘-í, lí m̄ thang ūi tio̍h chiahê jîn-bîn kî-tó, m̄ thang ūi tio̍h in chhut siaⁿ kî-kiû, in-ūi in tú tio̍h hoān-lān chiah lâi ai-kiû Góa ê sî, Góa bô beh thiaⁿ in ê ōe. " | 註釋 串珠 盧導讀台 |
| 11:15 | Siōng-chú kóng, " Góa só͘ thiàⁿ ê, lí í-keng piàn pháiⁿ, lí tī Góa ê chhù beh chhòng siáⁿ? Lí hē goān, hiàn bah, kám ē tû-khì lí ê chōe-ok lâi hō͘ lí hoaⁿ-hí? | 註釋 串珠 盧導讀台 |
| 11:16 | Góa bat chheng lí ê miâ chò ' chheⁿ-chhùi ê kaⁿ-ná chhiū', hó khòaⁿ, mā kiat hó kóe-chí; taⁿ Góa beh ēng hōa-hōa jióng ê siaⁿ, khí hóe tī i ê téng-bīn, ki-oe mā siū at-tn̄g. | 註釋 串珠 盧導讀台 |
| 11:17 | " Góa — bān-kun ê Siōng-chú, chá to̍h chai-pôe lí ê, taⁿ bēng-lēng chai-hō kong-kek lí, sī in-ūi I-su-la-el kah Iô-tah ke kiâⁿ pháiⁿ, ǹg Ba-al sio hiuⁿ, jiá Góa siū-khì; kakī chò, tio̍h kakī siū pò-èng. " | 註釋 串珠 盧導讀台 |
| 11:18 | Bô͘-hāi I-é-lí-miahSiōng-chú chí-sī góa, góa chiah chai; hit sî, I kā in só͘ kiâⁿ ê pò góa khòaⁿ. | 註釋 串珠 盧導讀台 |
| 11:19 | Chóng-.sī, góa chhin-chhiūⁿ sûn-liông ê iûⁿ-á, khan kàu beh siū sat-hāi ê tē; góa pēng m̄-chai in siat-kè beh hāi góa, kóng, " Lán kā chhiū kah kóe-chí lóng bia̍t-.khì, kā i tùi oa̍h-lâng ê tē chián tû-.khì, hō͘ i ê miâ bô koh hō͘ lâng kì-liām. " | 註釋 串珠 盧導讀台 |
| 11:20 | Góa kî-tó kóng, " Bān-kun ê Siōng-chú ah, Lí sī chiàu kong-gī phòaⁿ-toàn, kàm-chhat lâng ê sim-su ì-liām ê, kiû Lí hō͘ góa khòaⁿ tio̍h Lí tùi in pò-siû, in-ūi góa kā góa ê àn-kiāⁿ pín-bêng tī Lí ê bīn-chêng." | 註釋 串珠 盧導讀台 |
| 11:21 | Só͘-í, Siōng-chú kóng tio̍h siàu-siūⁿ lí ê sèⁿ-miā ê A-ná-thot lâng, I ánne kóng, " In kóng: Lí m̄ thang hōng Siōng-chú ê miâ lâi ī-giân, bián-tit lí sí tī goán ê chhiú-thâu." | 註釋 串珠 盧導讀台 |
| 11:22 | Só͘-í, bān-kun ê Siōng-chú ánne kóng, " Lí khòaⁿ, Góa beh kā in hêng-hoa̍t! Siàu-liân lâng ē hō͘ to thâi-sí; in ê kiáⁿ-jî ē in-ūi ki-hng lâi sí, hō͘ in bô chhun kah chi̍t-ê; | 註釋 串珠 盧導讀台 |
| 11:23 | in-ūi pān-lí in ê hit nî, góa beh kàng chai-hō tī A-ná-thot lâng. " | 註釋 串珠 盧導讀台 |