| 章節 | 全民台語聖經全羅經文 | 註釋 |
| 13:1 | Io-tòa ê Phì-jūSiōng-chú tùi góa ánne kóng, " Lí tio̍h khì bé chi̍t tiâu môa-pò͘ ê tòa lâi hâ io, m̄ thang hē tī chúi-.ni̍h. " | 註釋 串珠 盧導讀台 |
| 13:2 | Góa chiū chiàu Siōng-chú ê ōe, khì bé chi̍t tiâu tòa lâi hâ io. | 註釋 串珠 盧導讀台 |
| 13:3 | Siōng-chú ê ōe tē-jī pái lîm-kàu góa, kóng, | 註釋 串珠 盧導讀台 |
| 13:4 | " Tio̍h the̍h lí só͘ bé ê tòa, to̍h-sī lí io-.ni̍h ê tòa, khì Iu-hu-la-té hô, tī hia kā i khǹg tī chio̍h-pôaⁿ khang. " | 註釋 串珠 盧導讀台 |
| 13:5 | Góa chiū khì, kā i khǹg tī Iu-hu-la-té hô, chiàu Siōng-chú só͘ hoan-hù góa ê. | 註釋 串珠 盧導讀台 |
| 13:6 | Kòe chin chē ji̍t, Siōng-chú tùi góa kóng, " Lí khí-.lâi, khì Iu-hu-la-té hô, kā Góa hoan-hù lí khǹg tī hia ê io-tòa the̍h-.lâi. " | 註釋 串珠 盧導讀台 |
| 13:7 | Góa chiū khì Iu-hu-la-té hô lâi ku̍t, tùi góa só͘ khǹg ê só͘-chāi the̍h hit tiâu tòa, lí khòaⁿ, hit tiâu tòa í-keng pháiⁿ-.khì, lóng bô lō͘-ēng. | 註釋 串珠 盧導讀台 |
| 13:8 | Siōng-chú ê ōe lîm-kàu góa. | 註釋 串珠 盧導讀台 |
| 13:9 | Siōng-chú ánne kóng, " Góa beh chiàu ánne lâi pāi-hoāi Iô-tah ê kiau-ngō͘ kah Ê-lú-sa-lèm ê tōa kiau-ngō͘. | 註釋 串珠 盧導讀台 |
| 13:10 | Chit-ê pháiⁿ ê jîn-bîn m̄-khéng thiaⁿ Góa ê ōe, chiàu in pháiⁿ ê ngē-sim khì kiâⁿ, koh chun-thàn pa̍t chióng ê sîn-bêng, kā i ho̍k-sāi, kā i kūi-pài, in ē chhin-chhiūⁿ chit tiâu bô lō͘-ēng ê tòa. " | 註釋 串珠 盧導讀台 |
| 13:11 | Siōng-chú koh kóng, " Io-tòa án-chóaⁿ liân tī lâng ê io, Góa ū hō͘ I-su-la-el choân ke kah Iô-tah choân ke liân tī Góa, mā sī ánne, Góa beh hō͘ in chò Góa ê chú-bîn, chò Góa ê miâ-siaⁿ, chò Góa ê oló, chò Góa ê êng-kng; chóng-.sī, in m̄-khéng thiaⁿ. " | 註釋 串珠 盧導讀台 |
| 13:12 | Chiú-àng ê Phì-jūSiōng-chú kóng, " Lí tio̍h koh tùi in kóng chit-ê ōe, ' I-su-la-el ê Siōng-tè — Siōng-chú ánne kóng, Ta̍k-ê àng beh té chiú móa-móa. ' In ē tùi lí kóng, ' Goán kám m̄-chai ta̍k-ê àng ē té chiú móa-móa? ' | 註釋 串珠 盧導讀台 |
| 13:13 | Lí chiū tio̍h tùi in kóng, ' Siōng-chú ánne kóng: Lí khòaⁿ, Góa beh hō͘ tòa tī chit só͘-chāi só͘-ū ê jîn-bîn, to̍h-sī chē Ta-bi̍t pó-chō ê lia̍t ông kah chè-si, sian-ti, í-ki̍p só͘-ū tòa tī Ê-lú-sa-lèm ê jîn-bîn, lóng tōa-tōa chiú-chùi. '" | 註釋 串珠 盧導讀台 |
| 13:14 | Siōng-chú kóng, " Góa beh hō͘ in tāi-ke sio kha̍p-thâu; to̍h-sī pē kah kiáⁿ sio kha̍p-thâu; Góa bô beh khó-liân, thiàⁿ-sioh, liân-bín, mā bô beh kā in siau-bia̍t. " | 註釋 串珠 盧導讀台 |
| 13:15 | I-é-lí-miah Kéng-kò Kiau-ngō͘-ê Hêng-ûiLín tio̍h thiaⁿ, tio̍h àⁿ hīⁿ-khang lâi thiaⁿ. M̄-thang kiau-ngō͘, in-ūi Siōng-chú í-keng ū ánne kóng. | 註釋 串珠 盧導讀台 |
| 13:16 | O͘-àm iáu-bōe kàu, lín ê kha bē khì that tio̍h o͘-àm ê soaⁿ, só͘ ǹg-bāng ê kng iáu-bōe piàn-chò sí-bông ê ìm-ńg, o͘-o͘ àm-àm ê chìn-chêng, lín tio̍h kui êng-kng hō͘ lín ê Siōng-tè — Siōng-chú. | 註釋 串珠 盧導讀台 |
| 13:17 | Lín nā m̄-thiaⁿ chit-ê ōe, góa ê sim chiū ē in-ūi lín ê kiau-ngō͘, tī ún-ba̍t ê só͘-chāi thî-khàu; góa ê ba̍k-chiu ē ba̍k-sái chho̍p-chho̍p tih, in-ūi Siōng-chú ê iûⁿ-kûn siū lia̍h. | 註釋 串珠 盧導讀台 |
| 13:18 | Siōng-chú kā góa kóng, " Lí tio̍h tùi kun-ông kah thài-hō͘ kóng: Lín tio̍h khiam-pi, chē tī ē-bīn; in-ūi lín êng-kng ê bián-liû ē tùi lín ê thâu-khak lak lo̍h-.khì. | 註釋 串珠 盧導讀台 |
| 13:19 | Lâm-hong chiahê siâⁿ lóng koaiⁿ, bô lâng khui; Iô-tah choân cho̍k siū lia̍h, jî-chhiáⁿ lia̍h kah liáu-liáu. | 註釋 串珠 盧導讀台 |
| 13:20 | Ê-lú-sa-lèm lâng, lín tio̍h gia̍h thâu khòaⁿ, tùi pak-hong lâi ê lâng! Chá-chêng só͘ hō͘ lí ê iûⁿ-kûn, to̍h-sī lí súi ê iûⁿ-kûn, taⁿ tī tó-ūi? | 註釋 串珠 盧導讀台 |
| 13:21 | Lí pêng-sî só͘ chhin-bi̍t ê pêng-iú, siat-sú Siōng-tè siat-li̍p in chò thâu lâi kā lí koán-hat, lí iáu ū siáⁿ-mi̍h thang kóng? Thòng-khó͘ kám bô kā lí khîⁿ-tiâu, chhin-chhiūⁿ seⁿ kiáⁿ ê chabó͘ lâng? | 註釋 串珠 盧導讀台 |
| 13:22 | Lí nā sim-lāi siūⁿ kóng: Che it-chhè ê tāichì ná ē lîm-kàu tī góa leh? Sī in-ūi lí ê chōe-kò chin tāng, só͘-í, lí lō͘-thé chhiah-kha. | 註釋 串珠 盧導讀台 |
| 13:23 | Kú-si̍t ê lâng kám ē piàn-ōaⁿ phôe-hu, pà kám ē piàn-ōaⁿ pan-tiám? Nā ē, lín chiahê si̍p-koàn kiâⁿ pháiⁿ ê lâng chiū ē kiâⁿ hó. | 註釋 串珠 盧導讀台 |
| 13:24 | Só͘-í, Siōng-chú ē kā in phah-sòaⁿ, chhin-chhiūⁿ chháu-iù hō͘ khòng-iá ê hong chhoe-.khì ánne. | 註釋 串珠 盧導讀台 |
| 13:25 | Siōng-chú kóng, " Che sī lí só͘ eng-kai tú-.tio̍h ê, sī Góa niû hō͘ lí ê hūn-gia̍h, in-ūi lí bē kì-tit Góa, khì óa-khò hi-ké. | 註釋 串珠 盧導讀台 |
| 13:26 | Só͘-í, Góa beh hian-khí lí ê kûn, tà tī lí ê bīn, lí ê kiàn-siàu chiū lō͘-hiān chhut-.lâi. | 註釋 串珠 盧導讀台 |
| 13:27 | Lí hiahê khó-ò͘ⁿ ê tāichì, to̍h-sī tī soaⁿ-.ni̍h, chhân-.ni̍h kiâⁿ kan-îm, chhut ki-ki háu ê siaⁿ, chhiong-ki khoán ê îm-loān, Góa lóng ū khòaⁿ-.tio̍h. " Ê-lú-sa-lèm, lí ū chai-hō à! Lí m̄-khéng chheng-khì, beh kàu tang-sî? | 註釋 串珠 盧導讀台 |