| 章節 | 全民台語聖經全羅經文 | 註釋 |
| 16:1 | I-é-lí-miah ê Ko͘-to̍k Seng-oa̍hSiōng-chú ê ōe koh lîm-kàu góa kóng, | 註釋 串珠 盧導讀台 |
| 16:2 | " Lí tī chit só͘-chāi m̄ thang chhōa bó͘, seⁿ kiáⁿ-jî. | 註釋 串珠 盧導讀台 |
| 16:3 | In-ūi kóng tio̍h chit só͘-chāi só͘ seⁿ ê kiáⁿ-jī, koh kóng tio̍h chit-ê kok lāi seⁿ in ê pē-bú, | 註釋 串珠 盧導讀台 |
| 16:4 | In ē hoān tio̍h tāng pēⁿ lâi sí, bô lâng thî-khàu, bē tàng bâi-chòng, ē tī tē-chiūⁿ chhin-chhiūⁿ pùn-sò, koh ē tùi to-kiàm, tùi ki-hng lâi bia̍t-bông; in ê sin-si ē hō͘ khong-tiong ê poe-chiáu kah tē-chiūⁿ ê iá-siù chò chia̍h-mi̍h. " | 註釋 串珠 盧導讀台 |
| 16:5 | Siōng-chú ánne kóng, " M̄-thang ji̍p-khì pān song-sū ê ke, m̄ thang khì kā i thî-khàu, mā m̄ thang ūi in pi-siong, in-ūi Góa kā Góa ê pêng-an, to̍h-sī un-tián kah liân-bín, tùi chiahê jîn-bîn chhiúⁿ-.khì. Che sī Siōng-chú kóng ê. | 註釋 串珠 盧導讀台 |
| 16:6 | Tùi tōa kàu sè, lóng ē sí tī chit-ê só͘-chāi, bē tàng bâi-chòng. Bô lâng ūi in thî-khàu, mā bô lâng ūi in koah bah, thì kng-thâu. | 註釋 串珠 盧導讀台 |
| 16:7 | In tú tio̍h song-sū, bô lâng ūi in peh piáⁿ, ūi tio̍h sí-lâng lâi kā in an-ùi; in sí pē sí bú, mā bô lâng ēng an-ùi ê poe hō͘ in lim. | 註釋 串珠 盧導讀台 |
| 16:8 | Lí mā m̄ thang ji̍p-khì iàn-lo̍k ê ke kah in chē-.leh lim-chia̍h. | 註釋 串珠 盧導讀台 |
| 16:9 | In-ūi bān-kun ê Siōng-chú — I-su-la-el ê Siōng-tè ánne kóng: Lín iáu oa̍h-.leh ê ji̍t, tī lín ê ba̍k-chiu chêng, Góa beh hō͘ hoaⁿ-hí ê siaⁿ, khoài-lo̍k ê siaⁿ, sin-lông ê siaⁿ, sin-niû ê siaⁿ, tī chit só͘-chāi lóng soah-.khì. | 註釋 串珠 盧導讀台 |
| 16:10 | " Lí kā só͘-ū chiahê ōe chí-sī chiahê jîn-bîn. In ē tùi lí kóng, ' Siōng-chú ná ē kóng beh kàng-lo̍h chit-ê tōa chai-hō kong-kek goán? Goán ū siáⁿ-mi̍h chōe-kò? Goán ū siáⁿ-mi̍h chōe-kò lâi tek-chōe goán ê Siōng-tè — Siōng-chú? ' | 註釋 串珠 盧導讀台 |
| 16:11 | Lí tio̍h kā in kóng, ' Siōng-chú kóng: In-ūi lín ê chó͘-sian pàng-sak Góa, khì chun-thàn pa̍t chióng ê sîn-bêng, ho̍k-sāi in, kā in kūi-pài, koh pàng-sak Góa, bô siú Góa ê lu̍t-hoat, | 註釋 串珠 盧導讀台 |
| 16:12 | jî-chhiáⁿ lín kiâⁿ pháiⁿ pí lín ê chó͘-sian khah pháiⁿ. Lí khòaⁿ, lín ta̍k lâng chiàu pháiⁿ ê ngē-sim khì kiâⁿ, sīm-chì bô chun-thàn Góa. | 註釋 串珠 盧導讀台 |
| 16:13 | Só͘-í, Góa beh kā lín kóaⁿ-chhut chit só͘-chāi, khì-kàu lín kah lín ê chó͘-sian só͘ m̄ bat ê tē. Tī hia lín ē mê-ji̍t ho̍k-sāi pa̍t chióng ê sîn-bêng; tī hia Góa bô beh si un hō͘ lín. '" | 註釋 串珠 盧導讀台 |
| 16:14 | Tùi Liû-bông Tiong Hôe-kokSiōng-chú kóng, " Lí khòaⁿ, ji̍t-chí teh beh kàu, lâng kí Siōng-chú ê éng-oán oa̍h-miā lâi chiùchōa, bô beh kóng I sī chhōa I-su-la-el ê kiáⁿ-sun tùi Ai-gi̍p tē lâi ê, | 註釋 串珠 盧導讀台 |
| 16:15 | in kí Siōng-chú ê éng-oán oa̍h-miā lâi chiùchōa, sī beh kóng I chhōa I-su-la-el ê kiáⁿ-sun tùi pak-hong ê tē, mā tùi kiàn-nā I só͘ kóaⁿ in kàu ê tē lâi, jî-chhiáⁿ Góa beh chhōa in tńg-lâi in ê tē, to̍h-sī Góa chêng só͘ siúⁿ-sù hō͘ in ê chó͘-sian ê. " | 註釋 串珠 盧導讀台 |
| 16:16 | Teh beh Lîm-kàu ê Têng-hoa̍tSiōng-chú kóng, " Lí khòaⁿ, Góa beh tiàu chin chē lia̍h-hî lâng lâi lia̍h in, jiân-āu Góa beh tiàu chin chē phah-la̍h ê tùi chiahê soaⁿ, chiahê soaⁿ-thâu, chiahê chio̍h-khang, lâi kā in phah. | 註釋 串珠 盧導讀台 |
| 16:17 | In-ūi Góa ê ba̍k-chiu teh khòaⁿ in it-chhè ê hêng-ûi; in bô tī Góa ê bīn-chêng jia-khàm, in ê chōe-kò mā bô tī Góa ê ba̍k-chiu chêng ún-ba̍t. | 註釋 串珠 盧導讀台 |
| 16:18 | Góa beh tāi-seng pò-èng in ê chōe-kò kah chōe-ok; in-ūi in ēng thó-ià ê lâng ê sin-si òe lahsap Góa ê thó͘-tē, koh ēng in khó-ò͘ⁿ ê mi̍h chhiong-móa Góa ê sán-gia̍p. " | 註釋 串珠 盧導讀台 |
| 16:19 | I-é-lí-miah ê Sìn-sim kah Kî-tóSiōng-chú ah, Lí sī góa ê khùi-la̍t, sī góa ê siâⁿ-pó; tī khó͘-lān ê ji̍t, sī góa tô-siám ê só͘-chāi. Lia̍t kok ê lâng ē tùi tē-ke̍k lâi lí chia, kóng, " Ū-iáⁿ to̍h tio̍h, goán ê chó͘-sian só͘ sêng-chiap ê chí-put-kò sī hi-ké, kî-tiong bô siáⁿ lī-ek ê. | 註釋 串珠 盧導讀台 |
| 16:20 | Lâng kám thang ūi kakī chō sîn-bêng? In si̍t-chāi m̄-sī chin-sîn. " | 註釋 串珠 盧導讀台 |
| 16:21 | Siōng-chú kóng, " Lí khòaⁿ, Góa kā chit pái hō͘ in chai; Góa beh hō͘ in chai Góa ê chhiú-tōaⁿ kah Góa ê lêng-le̍k. In chiū ē chai Góa ê miâ sī I-é-ho-bah. " | 註釋 串珠 盧導讀台 |