章節 | 全民台語聖經全羅經文 | 註釋 |
26:1 | I-é-lí-miah Siū Sím-phòaⁿIô-tah ông Io-si-iah ê kiáⁿ E-hō͘-iá-kim khí-thâu chē-ūi ê sî, ū chit-ê ōe tùi Siōng-chú lâi, kóng, | 註釋 串珠 盧導讀台 |
26:2 | " Siōng-chú ánne kóng: Lí tio̍h khiā tī Siōng-chú ê tiān ê īⁿ lāi, ū Iô-tah chiahê siâⁿ lâi Siōng-chú ê tiān kèng-pài ê, lí tio̍h ēng Góa só͘-ū bēng-lēng lí tùi in kóng ê ōe, kā in kóng, m̄ thang kiám chi̍t kù. | 註釋 串珠 盧導讀台 |
26:3 | Kiám-chhái in khéng chun-thàn, ta̍k lâng hôe-thâu lī-khui in ê pháiⁿ lō͘, góa chiū ūi tio̍h in só͘ kiâⁿ ê pháiⁿ, siūⁿ beh kàng hō͘ in ê chai-hō lâi hō͘-hóe. | 註釋 串珠 盧導讀台 |
26:4 | Lí tio̍h kā in kóng, Siōng-chú ánne kóng, ' Lín nā m̄-khéng thiaⁿ Góa, lâi kiâⁿ Góa só͘ siat tī lín bīn-chêng ê lu̍t-hoat, | 註釋 串珠 盧導讀台 |
26:5 | lâi chun-thàn Góa só͘ chhe kàu lín hia ê Góa chiahê lô͘-po̍k — chèng sian-ti ê ōe, to̍h-sī Góa chá-chá khí-lâi só͘ chhe ê, ( Chóng-.sī, lín bô thiaⁿ ); | 註釋 串珠 盧導讀台 |
26:6 | Góa chiū beh hō͘ chit keng chhù chhin-chhiūⁿ Sī-lô, hō͘ chit-ê siâⁿ chiâⁿ-chò tē-chiūⁿ bān-kok chiù-chó͘ ê ōe-pèⁿ. '" | 註釋 串珠 盧導讀台 |
26:7 | I-é-lí-miah tī Siōng-chú ê tiān lāi kóng chiahê ōe, chè-si, sian-ti kah chèng lâng lóng ū thiaⁿ-.tio̍h. | 註釋 串珠 盧導讀台 |
26:8 | I-é-lí-miah kā Siōng-chú hoan-hù i tùi chèng lâng kóng ê ōe, choân-pō͘ kóng liáu, chè-si, sian-ti kah chèng lâng lóng lâi lia̍h i, kóng, " Lí it-tēng tio̍h sí! | 註釋 串珠 盧導讀台 |
26:9 | Lí ná ē thok Siōng-chú ê miâ lâi ī-giân, kóng chit keng chhù ē chhin-chhiūⁿ Sī-lô, chit-ê siâⁿ ē pha-hng, bô lâng tòa? " Chiū ánne, chèng lâng lóng tī Siōng-chú ê tiān chū-chi̍p, lâi-kàu I-é-lí-miah hia. | 註釋 串珠 盧導讀台 |
26:10 | Iô-tah ê kùi-cho̍k thiaⁿ tio̍h chiahê tāichì, chiū tùi ông-kiong chiūⁿ-kàu Siōng-chú ê tiān, chē tī Siōng-chú ê tiān sin mn̂g ê mn̂g-kháu. | 註釋 串珠 盧導讀台 |
26:11 | Chè-si kah sian-ti tùi kùi-cho̍k kah chèng lâng kóng, " Chit-ê lâng tio̍h tēng i sí-chōe, in-ūi i ū ī-giân kong-kek chit-ê siâⁿ, tútú chhin-chhiūⁿ lín chhin-hīⁿ só͘ thiaⁿ ê. " | 註釋 串珠 盧導讀台 |
26:12 | I-é-lí-miah chiū tùi chiahê kùi-cho̍k kah chèng lâng kóng, " Siōng-chú chhe góa ī-giân, kong-kek chit keng chhù kah chit-ê siâⁿ, kóng-khí lín só͘-ū thiaⁿ tio̍h chiahê it-chhè ê ōe. | 註釋 串珠 盧導讀台 |
26:13 | Só͘-í, lín taⁿ tio̍h kái lín ê lō͘ kah lín ê só͘ chò, chun-thàn lín ê Siōng-tè — Siōng-chú ê ōe, Siōng-chú chiū ē hō͘-hóe I só͘ beh kàng hō͘ lín ê chai-hō. | 註釋 串珠 盧導讀台 |
26:14 | Kóng tio̍h góa, lí khòaⁿ, góa tī lín ê chhiú-thâu; lín khòaⁿ-chò hó, khòaⁿ-chò eng-kai ê, chiū chiàu ánne khoán-thāi góa! | 註釋 串珠 盧導讀台 |
26:15 | Chóng-.sī, lín tio̍h khak-si̍t chai, nā hāi-sí góa, chiū ē hō͘ bô chōe ê hoeh kui tī lín kah chit-ê siâⁿ, í-ki̍p tòa tī kî-tiong ê jîn-bîn; in-ūi Siōng-chú si̍t-chāi ū chhe góa kàu lín chia, kā chiahê it-chhè ê ōe thoân kàu lín ê hīⁿ-khang. " | 註釋 串珠 盧導讀台 |
26:16 | Kùi-cho̍k kah chèng lâng chiū kā chè-si, sian-ti kóng, " Chit-ê lâng bô eng-kai tēng i sí-chōe, in-ūi i sī thok Siōng-chú — lán ê Siōng-tè ê miâ lâi tùi lán kóng-ōe. " | 註釋 串珠 盧導讀台 |
26:17 | Kok lāi ê láu-tōa chiū ū kúi-nā-ê lâng khí-.lâi, tùi chū-hōe ê chèng lâng kóng, | 註釋 串珠 盧導讀台 |
26:18 | " Tng Iô-tah ông Hi-che-kia ê ji̍t, ū Mó͘-leh-sa lâng Mi-ka tùi Iô-tah ê kûn-chiòng ī-giân, kóng: Bān-kun ê Siōng-chú ánne kóng: Si-óng ē hō͘ lâng lê chhin-chhiūⁿ teh lê chhân-hn̂g; Ê-lú-sa-lèm ē piàn-chò thô͘-tui; chit keng tiān ê soaⁿ ē chhin-chhiūⁿ chhiū-nâ koân ê só͘-chāi. | 註釋 串珠 盧導讀台 |
26:19 | " Iô-tah ông Hi-che-kia kah chèng Iô-tah lâng, kám ū hō͘ i sí? Hi-che-kia kám m̄-sī kèng-ùi Siōng-chú, khún-kiû Siōng-chú ê un? Siōng-chú kám chiū hō͘-hóe I só͘ kóng beh kàng hō͘ in ê chai-hō? Taⁿ nā hāi-sí chit-ê lâng, lán to̍h-sī chò tōa pháiⁿ, ē hāi tio̍h kakī ê sèⁿ-miā. " | 註釋 串珠 盧導讀台 |
26:20 | (Koh ū chi̍t-ê lâng thok Siōng-chú ê miâ lâi soan-pò͘, sī Ki-lia̍t-iâ-lîm lâng Si-má-iah ê kiáⁿ U-lī-a, i chiàu I-é-lí-miah it-chhè ê ōe lâi soan-pò͘, kong-kek chit-ê siâⁿ kah chit-ê tē. | 註釋 串珠 盧導讀台 |
26:21 | E-hō͘-iá-kim ông kah i ê chèng ióng-sū, kùi-cho̍k thiaⁿ tio̍h i ê ōe, ông chiū siūⁿ beh hō͘ i sí. U-lī-a thiaⁿ-.tio̍h chiū kiaⁿ, cháu-khì Ai-gi̍p. | 註釋 串珠 盧導讀台 |
26:22 | E-hō͘-iá-kim ông chhe lâng khì Ai-gi̍p, to̍h-sī Ak-bol ê kiáⁿ El-ná-than kah kúi-nā-ê lâng khì-kàu Ai-gi̍p. | 註釋 串珠 盧導讀台 |
26:23 | In chiū tùi Ai-gi̍p kā U-lī-a lia̍h tńg-.lâi, sàng kàu E-hō͘-iá-kim ông hia; ông ēng to kā i thâi, kā i ê sin-si hiat tī pêng-siông lâng ê bōng. ) | 註釋 串珠 盧導讀台 |
26:24 | Chóng-.sī, Sia-hóaⁿ ê kiáⁿ A-hi-kam pó-hō͘ I-é-lí-miah, chiah bô kau tī jîn-bîn ê chhiú hō͘ i sí. | 註釋 串珠 盧導讀台 |