| 章節 | 全民台語聖經全羅經文 | 註釋 |
| 28:1 | I-é-lí-miah kah Ha-na-niah Sian-tiTng hit nî, Iô-tah ông Che-ti-kiah khí-thâu chē-ūi ê tē-sì nî gō͘ goe̍h, Gi-bóng lâng A-chù-l ê kiáⁿ Ha-na-niah sian-ti tī Siōng-chú ê tiān, tng chiahê chè-si kah chèng lâng ê bīn-chêng, tùi góa kóng, | 註釋 串珠 盧導讀台 |
| 28:2 | " Bān-kun ê Siōng-chú — I-su-la-el ê Siōng-tè ánne kóng: Góa í-keng at-tn̄g Ba-bú-lông ông ê ka-taⁿ. | 註釋 串珠 盧導讀台 |
| 28:3 | Nn̄g-nî lāi, Góa beh kā Ba-bú-lông ông — Nep-kat-ne-chal tùi chit só͘-chāi chhiúⁿ khì-kàu Ba-bú-lông, to̍h-sī Siōng-chú ê tiān só͘-ū ê khì-kū, lóng beh hō͘ i tò tńg-lâi chit só͘-chāi. | 註釋 串珠 盧導讀台 |
| 28:4 | Góa koh beh kā Iô-tah ông E-hō͘-iá-kim ê kiáⁿ — Ia-ko-niah kah siū lia̍h kàu Ba-bú-lông hiahê Iô-tah lâng, hō͘ in tò tńg-lâi chit só͘-chāi, in-ūi Góa beh at-tn̄g Ba-bú-lông ông ê ka-taⁿ. Che sī Siōng-chú kóng ê. " | 註釋 串珠 盧導讀台 |
| 28:5 | Hit sî, I-é-lí-miah sian-ti tng chiahê chè-si kah khiā tī Siōng-chú ê tiān chèng lâng ê bīn-chêng, tùi sian-ti Ha-na-niah kóng, | 註釋 串珠 盧導讀台 |
| 28:6 | " Sian-ti I-é-lí-miah kóng, A-men! Goān Siōng-chú ánne kiâⁿ, goān Siōng-chú chiâⁿ lí só͘ ī-giân chiahê ōe, hō͘ Siōng-chú chhù lāi ê khì-kū kah só͘-ū siū lia̍h-.khì ê lâng, tùi Ba-bú-lông tńg-lâi chit só͘-chāi. | 註釋 串珠 盧導讀台 |
| 28:7 | Chóng-.sī, góa tùi lí kah chèng lâng só͘ kóng ê ōe, lí tio̍h thiaⁿ. | 註釋 串珠 盧導讀台 |
| 28:8 | Tùi kó͘-chá í-lâi, lí góa í-chêng hiahê sian-ti, tùi chin chē só͘-chāi kah tōa kok ī-giân kau-chiàn, chai-hō, un-e̍k. | 註釋 串珠 盧導讀台 |
| 28:9 | Sian-ti ī-giân pêng-an, hit-ê sian-ti ê ōe tit tio̍h èng-giām, chiū chai hit-ê sian-ti chin-chiàⁿ sī Siōng-chú só͘ chhe ê. " | 註釋 串珠 盧導讀台 |
| 28:10 | Chiū ánne, sian-ti Ha-na-niah kā I-é-lí-miah sian-ti ām-kún ê ka-taⁿ the̍h khí-.lâi, kā i at-tn̄g. | 註釋 串珠 盧導讀台 |
| 28:11 | Ha-na-niah koh tng chèng lâng ê bīn-chêng kóng, " Siōng-chú ánne kóng: Nn̄g nî lāi, Góa beh chiàu ánne tùi lia̍t kok ê ām-kún at-tn̄g Ba-bú-lông ông Nep-kat-ne-chal ê ka-taⁿ. " Sian-ti I-é-lí-miah chiū chò i khì. | 註釋 串珠 盧導讀台 |
| 28:12 | Ha-na-niah Sian-ti kā I-é-lí-miah sian-ti ām-kún ê ka-taⁿ at-tn̄g liáu-āu, Siōng-chú ê ōe lîm-kàu I-é-lí-miah kóng, | 註釋 串珠 盧導讀台 |
| 28:13 | " Lí tio̍h khì kā Ha-na-niah kóng, Siōng-chú ánne kóng: Lí at-tn̄g chhâ-ê ka-taⁿ, Góa beh chò thih ê ka-taⁿ lâi tāi-thè! | 註釋 串珠 盧導讀台 |
| 28:14 | In-ūi bān-kun ê Siōng-chú — I-su-la-el ê Siōng-tè ánne kóng: Góa kā thih ê ka-taⁿ khòa tī lia̍t pang ê ām-kún, hō͘ in ho̍k-sāi Ba-bú-lông ông — Nep-kat-ne-chal, in lóng ē kā i ho̍k-sāi; Góa mā kā chhân-iá ê cháu-siù hō͘ i. " | 註釋 串珠 盧導讀台 |
| 28:15 | Sian-ti I-é-lí-miah chiū tùi sian-ti Ha-na-niah kóng, " Ha-na-niah, lí tio̍h thiaⁿ! Siōng-chú pēng bô chhe lí, lí kèng-jiân hō͘ chiahê jîn-bîn óa-khò pe̍h-chha̍t. | 註釋 串珠 盧導讀台 |
| 28:16 | Só͘-í, Siōng-chú ánne kóng: Lí khòaⁿ, Góa beh hō͘ lí lī-khui sè-kan, lí kin-nî it-tēng ē sí, in-ūi lí kóng pōe-ge̍k Siōng-chú ê ōe. " | 註釋 串珠 盧導讀台 |
| 28:17 | Hit nî chhit-.goe̍h, sian-ti Ha-na-niah chiū sí. | 註釋 串珠 盧導讀台 |