| 章節 | 全民台語聖經全羅經文 | 註釋 |
| 30:1 | Siōng-chú Tùi Chú-bîn ê Èng-ínSiōng-chú ê ōe lîm-kàu I-é-lí-miah, kóng, | 註釋 串珠 盧導讀台 |
| 30:2 | " I-su-la-el ê Siōng-tè — Siōng-chú ánne kóng: Kiàn-nā Góa só͘ bat kā lí kóng ê ōe, lóng tio̍h siá tī chheh-.ni̍h. | 註釋 串珠 盧導讀台 |
| 30:3 | Siōng-chú kóng: Lí khòaⁿ, ji̍t-chí teh beh kàu, Góa beh hō͘ Góa ê chú-bîn — I-su-la-el lâng kah Iô-tah siū lia̍h ê lâng tò tńg-.lâi; Góa mā beh hō͘ in tò tńg-lâi Góa só͘ siúⁿ-sù hō͘ in ê chó͘-sian ê tē, in chiū tit tio̍h chit-ê tē chò sán-gia̍p. Che sī Siōng-chú kóng ê. " | 註釋 串珠 盧導讀台 |
| 30:4 | Siōng-chú kóng tio̍h I-su-la-el kah Iô-tah ê ōe, kì tī ē-té: | 註釋 串珠 盧導讀台 |
| 30:5 | Siōng-chú ánne kóng: Goán ū thiaⁿ tio̍h phi̍h-phi̍h chhoah, kiaⁿ-hiâⁿ kah bô pêng-an ê siaⁿ. | 註釋 串珠 盧導讀台 |
| 30:6 | Taⁿ lín tio̍h khì mn̄g khòaⁿ ū chapo͘ lâng seⁿ kiáⁿ á-bô, Góa ná ē khòaⁿ tio̍h lâng-lâng ēng chhiú ji̍h io, chhin-chhiūⁿ beh seⁿ kiáⁿ ê chabó͘ lâng, bīn lóng piàn chheⁿ? | 註釋 串珠 盧導讀台 |
| 30:7 | Chhám ah! Hitê ji̍t sī tōa, bô thang pí-phēng; sī Iâ-kop tú tio̍h hoān-lān ê kî-ji̍t; chóng-.sī, i ē tit tio̍h kiù lâi thoat-chhut. | 註釋 串珠 盧導讀台 |
| 30:8 | Bān-kun ê Siōng-chú ánne kóng, " Kàu hit ji̍t, Góa beh tùi lí ê ām-kún at-tn̄g i ê ka-taⁿ, chhoah-tn̄g pa̍k lí ê soh; gōa-pang lâng bô koh ēng i chò chhe-ēng. | 註釋 串珠 盧導讀台 |
| 30:9 | In sī beh ho̍k-sāi in ê Siōng-tè — Siōng-chú kah in ê ông Ta-bi̍t ê, to̍h-sī Góa beh kā in heng-khí ê. " | 註釋 串珠 盧導讀台 |
| 30:10 | Siōng-chú kóng: Góa ê lô͘-po̍k Iâ-kop, ánne lí m̄-bián kiaⁿ; I-su-la-el, lí m̄-bián kiaⁿ-hiâⁿ; in-ūi Góa beh tùi hn̄g ê só͘-chāi kā lí chín-kiù, mā beh tùi siū lia̍h-.khì ê tē chín-kiù lí ê kiáⁿ-sun, Iâ-kop ē tò tńg-lâi tit tio̍h an-chēng kah pêng-an, bô lâng hō͘ i tio̍h-kiaⁿ. | 註釋 串珠 盧導讀台 |
| 30:11 | In-ūi Góa kah lí tông-chāi, lâi kā lí chín-kiù, mā beh kā Góa só͘ kóaⁿ lí khì-kàu hiahê kok choân-pō͘ châu-bia̍t, chóng-.sī, bô choân-pō͘ kā lí châu-bia̍t, Góa beh chiàu só͘ ha̍p-gî ê kā lí chek-pī, choa̍t-tùi bē tàng bô kā lí hêng-hoa̍t. Che sī Siōng-chú kóng ê. | 註釋 串珠 盧導讀台 |
| 30:12 | Siōng-chú ánne kóng: Lí ê siong bē i-tit, lí ê siong-hûn chin siong-tiōng. | 註釋 串珠 盧導讀台 |
| 30:13 | Bô lâng thè lí piān-hō͘, hō͘ lí ê siong-hûn tit tio̍h pau-chat; lí bô i-tī ê hó-io̍h. | 註釋 串珠 盧導讀台 |
| 30:14 | Thiàⁿ lí ê lâng lóng bē kì-tit lí, bô lâi kā lí thàm-hóng. In-ūi lí ê chōe-kò chin tāng, chōe-ok chin chē, Góa ēng tùi-te̍k hit khoán ê phah-hoat lâi phah lí, mā ēng chân-jím-.ê ê kéng-kài, lâi kā lí kéng-kài. | 註釋 串珠 盧導讀台 |
| 30:15 | Lí ná ē in-ūi lí ê siong lâi tōa-siaⁿ hoah? Lí ê thòng-khó͘ bē i-tit. In-ūi lí ê chōe-kò chin tāng, chōe-ok chin chē, só͘-í Góa ēng chiahê khoán-thāi lí. | 註釋 串珠 盧導讀台 |
| 30:16 | Só͘-í, kiàn-nā thun-chia̍h lí ê ē siū thun-chia̍h; lí ê tùi-te̍k chi̍t-ê chi̍t-ê lóng hō͘ lâng lia̍h-.khì; chhiúⁿ lí ê ē hō͘ lâng chhiúⁿ, kiap lí ê Góa beh hō͘ i siū kiap. | 註釋 串珠 盧導讀台 |
| 30:17 | Siōng-chú kóng: Góa beh hō͘ lí ê seng-khu ho̍k-goân, i hó lí ê siong-hûn, in-ūi lâng lóng chheng lí chò siū kóaⁿ-tio̍k ê, kóng: Che sī Si-óng, bô lâng lâi thàm-mn̄g ê. | 註釋 串珠 盧導讀台 |
| 30:18 | Siōng-chú ánne kóng: Lí khòaⁿ, Góa beh hō͘ Iâ-kop siū chhian-sóa ê pò͘-pêⁿ tò tńg-.lâi, mā beh khó-liân i tòa ê só͘-chāi. Siâⁿ ē khí tī goân-kū ê chhiûⁿ-ki, ông-kiong mā chiàu kū ū lâng tòa. | 註釋 串珠 盧導讀台 |
| 30:19 | Ē ū kám-siā kah khoài-lo̍k-.ê ê siaⁿ tùi in tiong-kan chhut-.lâi, Góa mā beh hō͘ in ke-thiⁿ chin chē, bē tì-kàu kiám-chió; hō͘ in chun-kùi, bē tì-kàu pi-bî. | 註釋 串珠 盧導讀台 |
| 30:20 | In ê kiáⁿ-jî ē chhin-chhiūⁿ chá-chêng; in ê hōe-chiòng ē khiā chāi tī Góa ê bīn-chêng; só͘-ū ap-chè in ê Góa beh kā i pān. | 註釋 串珠 盧導讀台 |
| 30:21 | In ê kun-ông it-tēng sī sio̍k tī in ê; chiáng-koán in ê ē tùi in tiong-kan chhut. Góa beh hō͘ i kīn-óa, i mā ē chhin-kīn Góa; nā m̄-sī ánne, siáⁿ lâng káⁿ hó-táⁿ chhin-kīn Góa? Che sī Siōng-chú kóng ê. | 註釋 串珠 盧導讀台 |
| 30:22 | Lín ē chò Góa ê chú-bîn, Góa beh chò lín ê Siōng-tè. | 註釋 串珠 盧導讀台 |
| 30:23 | Lí khòaⁿ, Siōng-chú ê siū-khì chhin-chhiūⁿ tōa hong hoat-chhut; to̍h-sī kiông-lia̍t ê kńg-lê-á hong, ē tńg-se̍h lâi kong-kek pháiⁿ lâng ê thâu-khak. | 註釋 串珠 盧導讀台 |
| 30:24 | Siōng-chú ê sim só͘ gí-tiāⁿ ê iáu-bōe chò, iáu-bōe chiâⁿ ê chìn-chêng, I ê tōa siū-khì it-tēng bô siu tò-tńg; ji̍t-āu lín ē bêng-pe̍k. | 註釋 串珠 盧導讀台 |