| 章節 | 全民台語聖經全羅經文 | 註釋 |
| 33:1 | Koh-chài Soan-kò Ho̍k-kok ê Èng-ínI-é-lí-miah iáu koh koaiⁿ tī khu-liû-só͘ ê īⁿ lāi, Siōng-chú ê ōe tē-jī pái lîm-kàu i, kóng, | 註釋 串珠 盧導讀台 |
| 33:2 | " Chiàu Siōng-tè ê chí-ì kiâⁿ ê sī Siōng-chú, kè-ōe lâi kiàn-li̍p ê mā sī I, I-é-ho-bah sī I ê miâ. | 註釋 串珠 盧導讀台 |
| 33:3 | I ánne kóng: Lí kiû Góa, Góa chiū ìn lí, mā kā lí só͘ m̄-chai, tōa koh oh-tit liáu-kái ê tāichì chí-sī lí. | 註釋 串珠 盧導讀台 |
| 33:4 | Kóng tio̍h chit-ê siâⁿ lāi ê chhù kah Iô-tah ông ê chhù, to̍h-sī thiah-húi lâi tí-tòng tùi-te̍k ê thô͘-tui kah tí-tòng to-kiàm ê, | 註釋 串珠 盧導讀台 |
| 33:5 | I-su-la-el ê Siōng-tè — Siōng-chú ánne kóng: Lâng ē lâi kah Kal-tí-ah lâng kau-chiàn, put-kò sī hō͘ sin-si chhiong-móa chiahê chhù, to̍h-sī Góa tī siū-khì kah tōa siū-khì ê tiong-kan só͘ thâi-sí ê lâng, in-ūi in it-chhè ê pháiⁿ, Góa chiū am Góa ê bīn, m̄-khòaⁿ chit-ê siâⁿ. | 註釋 串珠 盧導讀台 |
| 33:6 | Lí khòaⁿ, Góa beh hō͘ jîn-bîn ê siong ho̍k-goân, koh ēng hó io̍h kā i i hó, koh kā hong-sēng ê pêng-an kah sêng-si̍t tùi in hián-bêng. | 註釋 串珠 盧導讀台 |
| 33:7 | Góa mā beh hō͘ Iô-tah siū lia̍h ê kah I-su-la-el siū lia̍h ê tò tńg-.lâi, koh kā in kiàn-li̍p kah chhin-chhiūⁿ khí-thâu ê. | 註釋 串珠 盧導讀台 |
| 33:8 | Góa beh sé-tû in it-chhè pōe-ge̍k Góa ê chōe, Góa mā beh sià-bián in só͘-ū pōe-ge̍k Góa, pōe-poān Góa ê hiahê chōe. | 註釋 串珠 盧導讀台 |
| 33:9 | Chit-ê siâⁿ ē tī bān-kok kā Góa chheng-chò hoaⁿ-hí ê miâ, chò oló, chò êng-kng. In-ūi bān-kok thiaⁿ tio̍h Góa só͘ siúⁿ-sù hō͘ in it-chhè ê hok-khì, mā ūi tio̍h Góa só͘ siúⁿ-sù it-chhè ê hok-khì kah pêng-an, ē kiaⁿ-hiâⁿ phi̍h-phi̍h chhoah. " | 註釋 串珠 盧導讀台 |
| 33:10 | Siōng-chú ánne kóng, " Kóng tio̍h chit-ê só͘-chāi, lín ū kóng: Sī pha-hng, bô lâng, bô chengseⁿ ê só͘-chāi, chóng-.sī, tī chit só͘-chāi í-ki̍p pha-hng, bô lâng, bô jîn-ian, bô chengseⁿ ê Iô-tah chiahê siâⁿ kah Ê-lú-sa-lèm ê ke-lō͘, | 註釋 串珠 盧導讀台 |
| 33:11 | ē koh thiaⁿ tio̍h ū hoaⁿ-hí ê siaⁿ, khoài-lo̍k ê siaⁿ, sin-lông ê siaⁿ, sin-niû ê siaⁿ, mā ū lâng ê siaⁿ, to̍h-sī hiahê tòa siā-un ê chè lâi-kàu Siōng-chú ê tiān ê teh kóng: Tio̍h kám-siā bān-kun ê Siōng-chú, in-ūi Siōng-chú sī hó, I ê chû-ài éng-oán chûn-chāi! In-ūi Góa beh hō͘ chit só͘-chāi siū lia̍h ê lâng tò tńg-.lâi, hôe-ho̍k chhin-chhiūⁿ khí-thâu ê khoán-sit. Che sī Siōng-chú kóng ê. " | 註釋 串珠 盧導讀台 |
| 33:12 | Bān-kun ê Siōng-chú ánne kóng, " Tī chit-ê pha-hng, bô lâng, bô chengseⁿ ê só͘-chāi kah kî-tiong só͘-ū ê siâⁿ, ē koh ū bo̍k-chiá tòa tī hia, hō͘ in ê iûⁿ-kûn tó tī hia. | 註釋 串珠 盧導讀台 |
| 33:13 | Tī soaⁿ-tē chiahê siâⁿ, pêng-goân chiahê siâⁿ, lâm-hong chiahê siâⁿ, Biān-iá-mín, Ê-lú-sa-lèm ê sì-kho͘-ûi kah Iô-tah chiahê siâⁿ, ē koh ū iûⁿ-kûn keng-kòe tiám-sǹg ê lâng ê chhiú. Che sī Siōng-chú kóng ê. " | 註釋 串珠 盧導讀台 |
| 33:14 | Siōng-chú kóng, " Lí khòaⁿ, ji̍t-chí teh beh kàu, Góa èng-ín I-su-la-el ê chú-bîn kah Iô-tah ke ê hó ōe, Góa beh hō͘ i chiâⁿ. | 註釋 串珠 盧導讀台 |
| 33:15 | Tng hit ji̍t, hit sî, Góa beh hō͘ Ta-bi̍t hoat-chhut gī ê chhiū-ki, i ē tī tē-chiūⁿ kiâⁿ kong-pêⁿ kah kong-gī. | 註釋 串珠 盧導讀台 |
| 33:16 | Tī hit ji̍t, Iô-tah ē tit tio̍h kiù, Ê-lú-sa-lèm ē an-jiân tī hia. Chit-ê siâⁿ ê miâ ē hông kiò-chò ' Siōng-chú — lán ê gī'. | 註釋 串珠 盧導讀台 |
| 33:17 | " In-ūi Siōng-chú ánne kóng: Ta-bi̍t ē éng-oán ū lâng chē I-su-la-el ê pó-chō; | 註釋 串珠 盧導讀台 |
| 33:18 | chè-si, Lē-bī lâng mā éng-oán ū lâng hiàn sio-chè, lé-mi̍h; tiāⁿtiāⁿ tī Góa ê bīn-chêng pān-lí hiàn chè ê tāichì. " | 註釋 串珠 盧導讀台 |
| 33:19 | Siōng-chú ê ōe lîm-kàu I-é-lí-miah, kóng, | 註釋 串珠 盧導讀台 |
| 33:20 | " Siōng-chú ánne kóng: Lín nā ē hùi-tû Góa só͘ li̍p ê ji̍t-sî ê iok kah àm-sî ê iok, hō͘ ji̍t kah mê bô chiàu in ê sî, | 註釋 串珠 盧導讀台 |
| 33:21 | chiū ē hùi-tû Góa kah Góa ê lô͘-po̍k — Ta-bi̍t só͘ li̍p ê iok, hō͘ i bô ū kiáⁿ tī i ê pó-chō chò ông, mā ē hùi-tû Góa kah ho̍k-sāi Góa ê chè-si — Lē-bī lâng só͘ li̍p ê iok. | 註釋 串珠 盧導讀台 |
| 33:22 | Thiⁿ ê chheⁿ-siōng sǹg bē liáu, hái ê soa bē sǹg-.tit, Góa beh chiàu ánne hō͘ Góa ê lô͘-po̍k — Ta-bi̍t ê kiáⁿ-sun kah ho̍k-sāi Góa ê Lē-bī lâng, ke-thiⁿ chin chē. " | 註釋 串珠 盧導讀台 |
| 33:23 | Siōng-chú ê ōe koh lîm-kàu I-é-lí-miah, kóng, | 註釋 串珠 盧導讀台 |
| 33:24 | " Chiahê jîn-bîn só͘ kóng ê ōe, lí kám bô thiaⁿ-.tio̍h? In kóng, ' Siōng-chú só͘ kéng ê nn̄g cho̍k, I í-keng kā in khì-choa̍t, in ánne khòaⁿ-khin Góa ê chú-bîn, lia̍h-chò bē koh tī in ê bīn-chêng kiàn-li̍p kok-ka. | 註釋 串珠 盧導讀台 |
| 33:25 | Siōng-chú ánne kóng: Góa só͘ li̍p ji̍t-sî, àm-sî ê iok nā ē bô-.khì, Góa nā bô siat thiⁿ-tē ê tēng-lē, | 註釋 串珠 盧導讀台 |
| 33:26 | Góa chiū ē khì-sak Iâ-kop kah Góa ê lô͘-po̍k — Ta-bi̍t ê kiáⁿ-sun, tì-sú bô tùi i ê kiáⁿ-sun chhú lâng lâi tī-lí A-bu-la-hàm, Í-sak, Iâ-kop ê kiáⁿ-sun. In-ūi Góa ē hō͘ in siū lia̍h ê lâng tńg-.lâi, mā beh liân-bín in. " | 註釋 串珠 盧導讀台 |