| 章節 | 全民台語聖經全羅經文 | 註釋 |
| 37:1 | Che-ti-kiah Kiû I-é-lí-miah Tāi-tóIo-si-iah ê kiáⁿ Che-ti-kiah ông tāi-thè E-hō͘-iá-kim ê kiáⁿ Ko-nî-iah chò ông, Ba-bú-lông ông Nep-kat-ne-chal bat tī Iô-tah tē kā i siat-li̍p chò ông. | 註釋 串珠 盧導讀台 |
| 37:2 | Chóng-.sī, i kah i ê jîn-sîn, í-ki̍p kok lāi ê jîn-bîn lóng m̄-thiaⁿ Siōng-chú ê ōe, to̍h-sī Siōng-tè thok I-é-lí-miah sian-ti só͘ kóng ê. | 註釋 串珠 盧導讀台 |
| 37:3 | Che-ti-kiah ông chhe Si-le-mi-ah ê kiáⁿ Iu-kal kah chè-si Ma-a-se-iah ê kiáⁿ Che-hoán-iah, khì kìⁿ I-é-lí-miah sian-ti, kóng, " Kiû lí thè goán tùi Siōng-chú — lán ê Siōng-tè kî-tó. " | 註釋 串珠 盧導讀台 |
| 37:4 | Hit sî, I-é-lí-miah tī jîn-bîn ê tiong-kan chhut-ji̍p, in-ūi in iáu-bōe kā i koaiⁿ lo̍h kaⁿ. | 註釋 串珠 盧導讀台 |
| 37:5 | Hôa-láu ê kun-peng í-keng tùi Ai-gi̍p chhut-.lâi, hiahê ûi-khùn Ê-lú-sa-lèm ê Kal-tí-ah lâng thiaⁿ tio̍h in ê hong-siaⁿ, chiū thiat iâⁿ lī-khui Ê-lú-sa-lèm. | 註釋 串珠 盧導讀台 |
| 37:6 | Siōng-chú ê ōe lîm-kàu I-é-lí-miah sian-ti, kóng, | 註釋 串珠 盧導讀台 |
| 37:7 | " Siōng-chú — I-su-la-el ê Siōng-tè ánne kóng: Iô-tah ông chhe lín lâi Góa chia mn̄g Góa, lín tio̍h ánne kā i kóng, ' Lí khòaⁿ, hiahê chhut-lâi beh pang-chān lín ê Hôa-láu ê kun-peng ē tò tńg-khì Ai-gi̍p pún-kok. | 註釋 串珠 盧導讀台 |
| 37:8 | Kal-tí-ah lâng ē koh lâi kong-kek chit-ê siâⁿ, ē kā i cheng-ho̍k, mā ē ēng hóe kā i sio. ' | 註釋 串珠 盧導讀台 |
| 37:9 | Siōng-chú ánne kóng: Lín m̄ thang phiàn kakī siūⁿ kóng: Kal-tí-ah lâng it-tēng ē lī-khui goán, kî-si̍t in bô beh lī-khui. | 註釋 串珠 盧導讀台 |
| 37:10 | Lín nā phah-pāi kā lín kong-kek ê Kal-tí-ah ê kun-tūi, in tiong-kan chí chhun siū-siong ê lâng, in ta̍k lâng mā ē tùi i ê pò͘-pêⁿ lāi khí-.lâi, ēng hóe sio chit-ê siâⁿ. " | 註釋 串珠 盧導讀台 |
| 37:11 | I-é-lí-miah Siū Lia̍h Ji̍p KaⁿKal-tí-ah ê kun-peng, in-ūi kiaⁿ Hôa-láu ê kun-peng, chiū thiat iâⁿ lī-khui Ê-lú-sa-lèm, | 註釋 串珠 盧導讀台 |
| 37:12 | hit sî, I-é-lí-miah chhut Ê-lú-sa-lèm, beh khì Biān-iá-mín ê tē; ài tī jîn-bîn ê tiong-kan tit tio̍h i ê sán-gia̍p. | 註釋 串珠 盧導讀台 |
| 37:13 | I lâi-kàu Biān-iá-mín mn̂g hia, ū kò͘-mn̂g ê koaⁿ, i ê miâ kiò-chò I-li-iah, sī Ha-na-nih a ê sun — Si-le-mi-ah ê kiáⁿ, i chiū lia̍h I-é-lí-miah sian-ti, kóng, " Lí sī teh tâu-hâng Kal-tí-ah lâng ho͘ⁿh! " | 註釋 串珠 盧導讀台 |
| 37:14 | I-é-lí-miah kóng, " Bô iáⁿ, góa m̄-sī tâu-hâng Kal-tí-ah lâng. " I-li-iah m̄-thiaⁿ i ê ōe, chiū lia̍h I-é-lí-miah, kā i sàng khì-kàu kùi-cho̍k hia. | 註釋 串珠 盧導讀台 |
| 37:15 | Chiahê kùi-cho̍k siū-khì I-é-lí-miah, chiū kā i phah, kā i koaiⁿ tī su-kì Io-ná-than ê chhù ê kaⁿ-.ni̍h, in-ūi in ēng hit keng chò kaⁿ-lô. | 註釋 串珠 盧導讀台 |
| 37:16 | I-é-lí-miah lâi-kàu tē-hām ê hia̍t lāi, I-é-lí-miah tòa hia chin chē ji̍t. | 註釋 串珠 盧導讀台 |
| 37:17 | Che-ti-kiah ông chhe lâng khì chhōa I-é-lí-miah lâi, ông tī kiong lāi thau-thau-á mn̄g i kóng, " Kám ū siáⁿ-mi̍h ōe tùi Siōng-chú lâi? " I-é-lí-miah ìn kóng, " Ū! " Koh kóng, " Lí ē kau tī Ba-bú-lông ông ê chhiú. " | 註釋 串珠 盧導讀台 |
| 37:18 | I-é-lí-miah koh tùi Che-ti-kiah ông kóng, " Góa ū siáⁿ-mi̍h tek-chōe lí, á-.sī tek-chōe lí ê jîn-sîn kah chiahê jîn-bîn, chiah hō͘ lí kā góa koaiⁿ lo̍h kaⁿ? | 註釋 串珠 盧導讀台 |
| 37:19 | Lí chiahê sian-ti tùi lín ī-giân, kóng Ba-bú-lông ông it-tēng bē lâi chit-ê só͘-chāi kā lín kong-kek, taⁿ in tī tó-ūi? | 註釋 串珠 盧導讀台 |
| 37:20 | Taⁿ góa ê chú — góa ê ông, chhiáⁿ lí thiaⁿ góa ê ōe, chún góa só͘ kiû, m̄ thang hō͘ góa tò tńg-khì su-kì Io-ná-than ê chhù, bián-tit góa sí tī hia. " | 註釋 串珠 盧導讀台 |
| 37:21 | Che-ti-kiah ông chiū bēng-lēng kā I-é-lí-miah koaiⁿ tī khu-liû-só͘ ê īⁿ, ta̍k ji̍t tùi chò piáⁿ ê ke the̍h chi̍t lia̍p mī-pau hō͘ i, ti̍t-kàu siâⁿ lāi bô mī-pau chiah soah. Án-ne, I-é-lí-miah iû-goân tòa tī khu-liû-só͘ ê īⁿ lāi. | 註釋 串珠 盧導讀台 |