| 章節 | 全民台語聖經全羅經文 | 註釋 |
| 38:1 | I-é-lí-miah tī Ko͘-tâ ê Chéⁿ-.Ni̍hMat-than ê kiáⁿ Si-hoa-ti-ah, Pa-si-hul ê kiáⁿ Ge-tá-lia̍h, Si-le-mi-ah ê kiáⁿ Iu-kal, Mal-ki-iah ê kiáⁿ Pa-si-hul, thiaⁿ tio̍h I-é-lí-miah tùi kûn-chiòng só͘ kóng ê ōe, kóng, | 註釋 串珠 盧導讀台 |
| 38:2 | " Siōng-chú ánne kóng: Kiàn-nā tòa tī chit-ê siâⁿ lāi ê ē tùi to-kiàm, tùi ki-hng, tùi un-e̍k lâi sí; to̍k-to̍k chhut-khì kui Kal-tí-ah lâng ê ē tit tio̍h oa̍h, ē khioh tio̍h i ê sèⁿ-miā lâi oa̍h lo̍h-.khì. | 註釋 串珠 盧導讀台 |
| 38:3 | Siōng-chú ánne kóng: Chit-ê siâⁿ choa̍t-tùi ē kau tī Ba-bú-lông ông kun-peng ê chhiú, i ē kā i cheng-ho̍k. " | 註釋 串珠 盧導讀台 |
| 38:4 | Chiū ánne, kùi-cho̍k kā ông kóng, " Kiû lí hō͘ chit-ê lâng sí; in-ūi i tùi siâⁿ lāi chhun lo̍h-.lâi ê peng-á kah chèng lâng kóng chit khoán ê ōe, hō͘ in ê chhiú nńg. Chit-ê lâng m̄-sī kiû hō͘ jîn-bîn pêng-an, sī hō͘ in tú tio̍h chai-hō. " | 註釋 串珠 盧導讀台 |
| 38:5 | Che-ti-kiah ông kóng, " Lí khòaⁿ, i tī lín ê chhiú-thâu, ông bē tàng kan-sia̍p lín siáⁿ-mi̍h tāichì. " | 註釋 串珠 盧導讀台 |
| 38:6 | In chiū lia̍h I-é-lí-miah, kā i hiat tī Hap-bí-le̍k ê kiáⁿ Mal-ki-iah ê chéⁿ; hit kháu chéⁿ tī khu-liû-só͘ ê īⁿ lāi. In ēng soh-á kā I-é-lí-miah lūi lo̍h-.khì. Kó͘-chéⁿ lāi bô chúi, chí ū thô͘-môe, I-é-lí-miah chiū hām-lo̍h tī thô͘-môe tiong. | 註釋 串珠 盧導讀台 |
| 38:7 | Tī ông-kiong lāi ê thài-kàm — Kú-si̍t lâng E-bia̍t-me-le̍k thiaⁿ tio̍h in kā I-é-lí-miah lūi-lo̍h chéⁿ （ hit sî, ông chē tī Biān-iá-mín mn̂g-kháu ）. | 註釋 串珠 盧導讀台 |
| 38:8 | E-bia̍t-me-le̍k chiū chhut ông-kiong, tùi ông kóng, | 註釋 串珠 盧導讀台 |
| 38:9 | " Góa ê chú — góa ê ông, chiahê lâng khoán-thāi I-é-lí-miah sian-ti ê lóng sī pháiⁿ, ū kā i hiat-lo̍h chéⁿ, i ē tī hia gō-.sí, in-ūi siâⁿ lāi bô bí-niûⁿ. " | 註釋 串珠 盧導讀台 |
| 38:10 | Ông chiū hoan-hù Kú-si̍t lâng E-bia̍t-me-le̍k kóng, " Lí tùi chia tòa saⁿ-cha̍p lâng, thàn I-é-lí-miah sian-ti iáu-bōe sí, khì kiù i chhut chéⁿ. " | 註釋 串珠 盧導讀台 |
| 38:11 | Chiū ánne, E-bia̍t-me-le̍k chhōa chiahê lâng chò-hóe khì, ji̍p-khì ông-kiong, kàu khò͘-pâng ē-bīn, tùi hia the̍h phòa-pò͘, kū saⁿ, ēng soh-á lūi lo̍h-khì kó͘-chéⁿ lāi, lâi-kàu I-é-lí-miah hia. | 註釋 串珠 盧導讀台 |
| 38:12 | Kú-si̍t lâng E-bia̍t-me-le̍k kā I-é-lí-miah kóng, " Lí ēng chiahê phòa-pò͘ kah kū saⁿ, chū tī koh-ē-lang, hē tī soh-á téng-bīn. " I-é-lí-miah chiū chiàu ánne khì chò. | 註釋 串珠 盧導讀台 |
| 38:13 | Án-ne, in chiū ēng soh-á kā I-é-lí-miah khiú chhut kó͘-chéⁿ. I-é-lí-miah iû-goân tòa tī khu-liû-só͘ ê īⁿ lāi. | 註釋 串珠 盧導讀台 |
| 38:14 | Che-ti-kiah Ông Hiòng I-é-lí-miah Chhéng-kàu Kè-bô͘Che-ti-kiah ông chhe lâng khì chhōa I-é-lí-miah sian-ti, ji̍p-khì Siōng-chú ê tiān ê tē-saⁿ-ê mn̂g, lâi-kàu ông hia. Ông chiū tùi I-é-lí-miah kóng, " Góa mn̄g lí chi̍t hāng sū, lí lóng m̄ thang tùi góa ún-môa. " | 註釋 串珠 盧導讀台 |
| 38:15 | I-é-lí-miah ìn Che-ti-kiah kóng, " Góa nā kā lí kóng, lí kám bô beh thâi-sí góa? Góa nā chí-sī lí, lí mā bô beh thiaⁿ. " | 註釋 串珠 盧導讀台 |
| 38:16 | Che-ti-kiah ông thau-thau-á tùi I-é-lí-miah chiùchōa kóng, " Hitê chhòng-chō lán ê oa̍h-miā ê Siōng-chú sī oa̍h ê, góa kí I lâi chiùchōa, góa it-tēng bô beh thâi lí, mā bē kā lí kau hō͘ chiahê siàu-siūⁿ lí sèⁿ-miā ê lâng ê chhiú. " | 註釋 串珠 盧導讀台 |
| 38:17 | I-é-lí-miah tùi Che-ti-kiah kóng, " Siōng-chú — bān-kun ê Siōng-chú — I-su-la-el ê Siōng-tè ánne kóng: Lí nā chhut-khì tâu-hâng Ba-bú-lông ông ê kùi-cho̍k, lí ê sèⁿ-miā chiū ē oa̍h-.leh, chit-ê siâⁿ bē tì-kàu hō͘ hóe sio, lí kah lí ê choân ke lóng ē oa̍h-.leh. | 註釋 串珠 盧導讀台 |
| 38:18 | Lí nā m̄ chhut-khì tâu-hâng Ba-bú-lông ông ê kùi-cho̍k, chit-ê siâⁿ chiū ē kau tī Kal-tí-ah lâng ê chhiú. In ē ēng hóe sio siâⁿ, lí mā bē tàng thoat-lī in ê chhiú. " | 註釋 串珠 盧導讀台 |
| 38:19 | Che-ti-kiah ông tùi I-é-lí-miah kóng, " Góa kiaⁿ hiahê tâu-hâng Kal-tí-ah ê Iô-tah lâng, khióng-kiaⁿ Kal-tí-ah lâng ē kā góa kau tī in ê chhiú, in ē kā góa lêng-jio̍k. " | 註釋 串珠 盧導讀台 |
| 38:20 | I-é-lí-miah kóng, " Bē lah. Kiû lí thiaⁿ góa tùi lí só͘ kóng Siōng-chú ê ōe, ánne lí chiū ē tit tio̍h lī-ek, lí ê sèⁿ-miā mā ē pó-chûn. | 註釋 串珠 盧導讀台 |
| 38:21 | Lí nā m̄-khéng chhut-.khì, Siōng-chú chí-sī góa ê ōe to̍h-sī ánne: | 註釋 串珠 盧導讀台 |
| 38:22 | Lí khòaⁿ, Iô-tah ông-kiong só͘ chhun lo̍h-.lâi ê chabó͘ lâng ē hō͘ lâng chhōa-khì-kàu Ba-bú-lông ông ê kùi-cho̍k hia, chiahê chabó͘ lâng ē kóng: Lí ti-kí ê pêng-iú sái-lōng lí, khah iâⁿ lí; lí ê kha lok lo̍h-khì thô͘-môe, in chiū oa̍t tńg-sin thè-.khì. " | 註釋 串珠 盧導讀台 |
| 38:23 | I-é-lí-miah koh kóng, " Lâng ē kā lí chiahê bó͘ kah lí chiahê kiáⁿ, lia̍h kàu Kal-tí-ah lâng hia, lí mā bē tàng thoat-lī in ê chhiú, lí ē hō͘ Ba-bú-lông ông ê chhiú lia̍h tio̍h; lí mā ē liân-lūi tio̍h chit-ê siâⁿ siū hóe sio. " | 註釋 串珠 盧導讀台 |
| 38:24 | Che-ti-kiah tùi I-é-lí-miah kóng, " M̄-thang hō͘ lâng chai chiahê ōe, lí chiū bē sí. | 註釋 串珠 盧導讀台 |
| 38:25 | Kùi-cho̍k nā thiaⁿ tio̍h góa ū kah lí kóng-ōe, in chiū ē lâi chhōe lí, mn̄g lí kóng, ' Lí kā ông kóng siáⁿ-mi̍h, m̄ thang tùi goán ún-môa, goán chiū bô beh hō͘ lí sí. Ông tùi lí kóng siáⁿ-mi̍h, mā lóng tio̍h kā goán kóng. ' | 註釋 串珠 盧導讀台 |
| 38:26 | Lí chiū tio̍h kā in kóng, ' Góa tī ông ê bīn-chêng khún-kiû i m̄ thang hō͘ góa koh ji̍p-khì Io-ná-than ê chhù, lâi sí tī hia. '" | 註釋 串珠 盧導讀台 |
| 38:27 | Āu-lâi, chèng kùi-cho̍k lâi chhōe I-é-lí-miah, mn̄g i; i chiū chiàu ông só͘ hoan-hù it-chhè ê ōe lâi ìn in. In chiū soah, bô koh kah i kóng-ōe, in-ūi sū-chêng bô lō͘-chhut. | 註釋 串珠 盧導讀台 |
| 38:28 | Chiū ánne, I-é-lí-miah iû-goân tòa tī khu-liû-só͘ ê īⁿ lāi, ti̍t-kàu Ê-lú-sa-lèm siū cheng-ho̍k ê ji̍t. | 註釋 串珠 盧導讀台 |