| 章節 | 全民台語聖經全羅經文 | 註釋 |
| 39:1 | Ê-lú-sa-lèm Lûn-hāmIô-tah ông Che-ti-kiah káu nî cha̍p-.goe̍h, Ba-bú-lông ông — Nep-kat-ne-chal chhōa i só͘-ū ê kun-peng, lâi ûi-khùn Ê-lú-sa-lèm. | 註釋 串珠 盧導讀台 |
| 39:2 | Che-ti-kiah cha̍p-it nî sì-goe̍h chhe-káu, siâⁿ chiū phòa. | 註釋 串珠 盧導讀台 |
| 39:3 | Ê-lú-sa-lèm siū cheng-ho̍k ê sî, Ba-bú-lông ông ê kùi-cho̍k Nel-gal-sia-chel, Sam-kal-ne-bó͘, thài-kàm ê thâu Sal-se-kím, chheⁿ-siōng-ka ê thâu Nel-gal-sia-chel, kah Ba-bú-lông ông kî-tha só͘-ū ê kùi-cho̍k, lóng lâi chē tī tiong mn̂g. | 註釋 串珠 盧導讀台 |
| 39:4 | Iô-tah ông Che-ti-kiah kah só͘-ū ê chiàn-sū khòaⁿ tio̍h in chiū cháu, thàu-mê tùi ông ê hn̂g ê lō͘, nn̄g-ê siâⁿ-chhiûⁿ tiong-kan ê mn̂g chhut siâⁿ, ǹg pêng-goân cháu-.khì. | 註釋 串珠 盧導讀台 |
| 39:5 | Kal-tí-ah ê kun-peng jiok in, tī I-é-lī-kho siâⁿ ê pêng-goân jiok tio̍h Che-ti-kiah, kā i lia̍h khí-.lâi, chiū kā i ah khì-kàu tī Ha-mat tē ê Lip-la̍h ê Ba-bú-lông ông Nep-kat-ne-chal hia; i chiū kā Che-ti-kiah sím-phòaⁿ. | 註釋 串珠 盧導讀台 |
| 39:6 | Ba-bú-lông ông tī Lip-la̍h thâi Che-ti-kiah hiahê kiáⁿ, hō͘ i chhin-ba̍k khòaⁿ-.tio̍h; Ba-bú-lông ông koh thâi Iô-tah só͘-ū chun-kùi ê lâng, | 註釋 串珠 盧導讀台 |
| 39:7 | mā koh iah Che-ti-kiah ê ba̍k-chiu, ēng thih-liān kā i liān khí-.lâi, beh kā i lia̍h khì-kàu Ba-bú-lông. | 註釋 串珠 盧導讀台 |
| 39:8 | Kal-tí-ah lâng ēng hóe sio ông-kiong kah jîn-bîn ê chhù, koh thiah-húi Ê-lú-sa-lèm ê siâⁿ chhiûⁿ. | 註釋 串珠 盧導讀台 |
| 39:9 | Hit sî, sī-ōe-tiúⁿ Ne-bu-cha-la-tàn kā siâⁿ lāi só͘ chhun lo̍h-.lâi ê jîn-bîn kah tâu-hâng kui-ho̍k i ê, í-ki̍p kî-tha só͘ chhun lo̍h-.lâi ê jîn-bîn, lóng lia̍h khì-kàu Ba-bú-lông. | 註釋 串珠 盧導讀台 |
| 39:10 | Sī-ōe-tiúⁿ Ne-bu-cha-la-tàn chiū kā jîn-bîn tiong sàn kàu bô pòaⁿ-hāng ê lâng lâu tī Iô-tah tē, tong-sî mā hō͘ in phû-tô hn̂g kah chhân. | 註釋 串珠 盧導讀台 |
| 39:11 | I-é-lí-miah Hông Tháu-pàngBa-bú-lông ông Nep-kat-ne-chal kóng tio̍h I-é-lí-miah, chiū hoan-hù sī-ōe-tiúⁿ Ne-bu-cha-la-tàn, kóng, | 註釋 串珠 盧導讀台 |
| 39:12 | " Kā i kau-tài lí, tio̍h hó-hó kā i khoán-thāi, m̄ thang hāi i; i tùi lí kóng siáⁿ-mi̍h, lí chiū chiàu ánne kā i chò. " | 註釋 串珠 盧導讀台 |
| 39:13 | Sī-ōe-tiúⁿ Ne-bu-cha-la-tàn, thài-kàm ê thâu Ne-bu-sia-chu-ban, chheⁿ-siōng-ka ê thâu Nî-kah-sat-lī-siat kah Ba-bú-lông ông hiahê koaⁿ-tiúⁿ, | 註釋 串珠 盧導讀台 |
| 39:14 | chhe lâng chhōa I-é-lí-miah chhut khu-liû-só͘ ê īⁿ, kau-tài Sia-hóaⁿ ê sun — A-hi-kam ê kiáⁿ Ge-tá-lia̍h, chhōa i tńg-khì in tau. Chiū ánne, i chiū tòa tī jîn-bîn ê tiong-kan. | 註釋 串珠 盧導讀台 |
| 39:15 | E-bia̍t-me-le̍k ê Ǹg-bāngI-é-lí-miah iáu koaiⁿ tī khu-liû-só͘ īⁿ lāi ê sî, Siōng-chú ê ōe lîm-kàu i, kóng, | 註釋 串珠 盧導讀台 |
| 39:16 | " Lí tio̍h khì kā Kú-si̍t lâng E-bia̍t-me-le̍k kóng: Bān-kun ê Siōng-chú — I-su-la-el ê Siōng-tè ánne kóng: Lí khòaⁿ, Góa kóng ' Kàng chai-hō, bô kàng hok-khì' ê ōe, it-tēng ē lîm-kàu chit-ê siâⁿ, kàu hit ji̍t, Góa beh tī lí ê bīn-chêng hō͘ i chiâⁿ. | 註釋 串珠 盧導讀台 |
| 39:17 | Kàu hit ji̍t, Góa beh kā lí chín-kiù, lí it-tēng bē tì-kàu kau-hù tī lí só͘ kiaⁿ hiahê lâng ê chhiú. | 註釋 串珠 盧導讀台 |
| 39:18 | Góa tiāⁿ tio̍h ē kā lí chín-kiù, lí bē tì-kàu tó tī to hā, lí ē khioh tio̍h lí ê sèⁿ-miā, in-ūi lí óa-khò óa. Che sī Siōng-chú kóng ê. " | 註釋 串珠 盧導讀台 |