| 章節 | 全民台語聖經全羅經文 | 註釋 |
| 40:1 | I-é-lí-miah kah Ge-tá-lia̍h Tòa Chò-hóeÊ-lú-sa-lèm lâng kah Iô-tah lâng siū lia̍h khì Ba-bú-lông, kî-tiong I-é-lí-miah mā hō͘ sī-ōe-tiúⁿ lia̍h-.khì, ēng thih-liān kā i pa̍k khí-.lâi, āu-lâi tùi La̍h-má pàng i khì, jiân-āu Siōng-chú ê ōe lîm-kàu I-é-lí-miah. | 註釋 串珠 盧導讀台 |
| 40:2 | Sī-ōe-tiúⁿ kiò I-é-lí-miah lâi, kā i kóng, " Siōng-chú — lí ê Siōng-tè bat kóng: Beh kàng chit-ê chai-hō hō͘ chit-ê só͘-chāi. | 註釋 串珠 盧導讀台 |
| 40:3 | Taⁿ Siōng-chú hō͘ i lîm-kàu, chiàu I só͘ kóng ê lâi kiâⁿ; in-ūi lín tek-chōe Siōng-chú, bô chun-thàn I ê ōe, só͘-í, chit-ê tāichì lîm-kàu tī lín. | 註釋 串珠 盧導讀台 |
| 40:4 | Lí khòaⁿ, góa kin-á-ji̍t tháu-khui lí chhiú-.ni̍h ê thih-liān, lí nā jīn-ûi kah góa khì Ba-bú-lông sī hó, chiū thang lâi-.khì, góa ē hó khoán-thāi lí; lí nā kám-kak kah góa khì Ba-bú-lông sī m̄-hó, chiū mài khì. Lí khòaⁿ, choân tē tī lí ê bīn-chêng, lí khòaⁿ tó-ūi sī hó, sī ha̍p-gî, chò lí thang khì! " | 註釋 串珠 盧導讀台 |
| 40:5 | I-é-lí-miah iáu-bōe tńg-.khì, sī-ōe-tiúⁿ koh kā i kóng, " Lí thang tò tńg-khì Sia-hóaⁿ ê sun — A-hi-kam ê kiáⁿ Ge-tá-lia̍h hia; hiān-kim Ba-bú-lông ông siat-li̍p i koán-hat Iô-tah chiahê siâⁿ. Lí thang kah i tòa tī jîn-bîn tiong-kan, á-.sī lí só͘ khòaⁿ-chò ha̍p-gî ê só͘-chāi, chiū thang khì. " Chiū ánne, sī-ōe-tiúⁿ sàng I-é-lí-miah bí-niûⁿ kah lé-mi̍h, hō͘ i khì. | 註釋 串珠 盧導讀台 |
| 40:6 | I-é-lí-miah chiū khì-kàu Mi-su-peh, kìⁿ A-hi-kam ê kiáⁿ Ge-tá-lia̍h kah i tòa tī kéng lāi chhun lo̍h-.lâi ê jîn-bîn ê tiong-kan. | 註釋 串珠 盧導讀台 |
| 40:7 | Ge-tá-lia̍h Siū-phài Chò Chóng-tok( LOH 25: 22-24)Tī chhân-iá só͘-ū ê kun-tiúⁿ kah sio̍k in ê lâng, thiaⁿ tio̍h Ba-bú-lông ông siat-li̍p A-hi-kam ê kiáⁿ Ge-tá-lia̍h koán-hat chit só͘-chāi, mā kā bô lia̍h-khì Ba-bú-lông ê chapo͘ lâng, chabó͘ lâng, gín'á kah kéng lāi ke̍k sànchhiah ê lâng, choân-pō͘ kau hō͘ i. | 註釋 串珠 盧導讀台 |
| 40:8 | In chiū lâi Mi-su-peh khì kìⁿ Ge-tá-lia̍h, chò-hóe khì ê ū Ne-thá-niah ê kiáⁿ I-si-ma-el, Ka-le-ah nn̄g-ê kiáⁿ — Io-ha-nân kah Io-ná-than, Tan-hu-met ê kiáⁿ Se-la-iah, Ne-to-hoat lâng Í-húi ê chèng kiáⁿ, Má-kah lâng ê kiáⁿ Ia-cha-ni-iah, í-ki̍p sio̍k in ê lâng. | 註釋 串珠 盧導讀台 |
| 40:9 | Sia-hóaⁿ ê sun — A-hi-kam ê kiáⁿ Ge-tá-lia̍h tùi in kah sio̍k in ê lâng chiùchōa kóng, " M̄-bián kiaⁿ ho̍k-sāi Kal-tí-ah lâng, chò lín tòa chia, ho̍k-sāi Ba-bú-lông ông, lín chiū ē tit tio̍h hok-khì. | 註釋 串珠 盧導讀台 |
| 40:10 | Nā-sī góa, góa beh tòa tī Mi-su-peh, sū-hāu hiahê ē lâi lán chia ê Kal-tí-ah lâng; m̄ koh, lín chiahê, lín tio̍h chek-chū chiú, joa̍h-thiⁿ ê kóe-chí kah iû, siu tī khì-kū lāi, tòa tī lín só͘ chiàm ê siâⁿ. " | 註釋 串珠 盧導讀台 |
| 40:11 | Koh ū tī Mô͘-ap kah Am-móng cho̍k ê tiong-kan, tī E-tóm kah lia̍t kok tiong-kan só͘-ū ê Iô-tah lâng, thiaⁿ tio̍h Ba-bú-lông ông ū lâu só͘ chhun lo̍h-.lâi ê Iô-tah lâng, koh siat-li̍p Sia-hóaⁿ ê sun — A-hi-kam ê kiáⁿ Ge-tá-lia̍h kā in koán-hat. | 註釋 串珠 盧導讀台 |
| 40:12 | Chiahê só͘-ū ê Iô-tah lâng tùi in hō͘ lâng kóaⁿ-khì ê ta̍k só͘-chāi tò tńg-.lâi, lâi-kàu Iô-tah tē ê Mi-su-peh, khì kìⁿ Ge-tá-lia̍h, koh chek-chū chin chē chiú kah joa̍h-thiⁿ ê kóe-chí. | 註釋 串珠 盧導讀台 |
| 40:13 | Ge-tá-lia̍h Hông Chhì-sat( LOH 25:25-26)Ka-le-ah ê kiáⁿ Io-ha-nân kah tī chhân-iá só͘-ū ê kun-tiúⁿ lâi Mi-su-peh kìⁿ Ge-tá-lia̍h, tùi i kóng, | 註釋 串珠 盧導讀台 |
| 40:14 | " Am-móng cho̍k ê ông Ba-li-su ū chhe Ne-thá-niah ê kiáⁿ I-si-ma-el, lâi beh chhú lí ê sèⁿ-miā, lí kám chai? " Chóng-.sī, A-hi-kam ê kiáⁿ Ge-tá-lia̍h m̄-sìn in ê ōe. | 註釋 串珠 盧導讀台 |
| 40:15 | Ka-le-ah ê kiáⁿ Io-ha-nân tī Mi-su-peh thau-thau-á tùi Ge-tá-lia̍h kóng, " Kiû lí chún góa-.khì, góa beh thâi Ne-thá-niah ê kiáⁿ I-si-ma-el, it-tēng bô lâng chai. Kám thang hō͘ i chhú lí ê sèⁿ-miā, tì-sú kui-óa lí ê Iô-tah lâng sì-sòaⁿ, hō͘ Iô-tah só͘ chhun lo̍h-.lâi ê lâng lóng bia̍t-bông? " | 註釋 串珠 盧導讀台 |
| 40:16 | A-hi-kam ê kiáⁿ Ge-tá-lia̍h kā Ka-le-ah ê kiáⁿ Io-ha-nân kóng, " Lí m̄ thang chò chit-ê tāichì, lí só͘ kóng I-si-ma-el ê tāichì sī bô-iáⁿ ê. " | 註釋 串珠 盧導讀台 |