| 章節 | 全民台語聖經全羅經文 | 註釋 |
| 42:1 | Jîn-bîn Kiû I-é-lí-miah Tāi-tóChèng kun-tiúⁿ, Ka-le-ah ê kiáⁿ Io-ha-nân, Ho-sia-iah ê kiáⁿ Ia-cha-ni-iah, í-ki̍p chèng lâng, tùi sè kàu tōa lóng chìn-chêng lâi, | 註釋 串珠 盧導讀台 |
| 42:2 | tùi I-é-lí-miah sian-ti kóng, " Kiû lí chún goán tī lí bīn-chêng ê só͘ kiû, thè goán chiahê chhun lo̍h-.lâi ê lâng tùi Siōng-chú — lí ê Siōng-tè kî-tó. Goán pún-lâi ū chin chē lâng, taⁿ só͘ chhun lo̍h-.lâi ê chin chió, che sī lí chhin-ba̍k só͘ khòaⁿ tio̍h-.ê. | 註釋 串珠 盧導讀台 |
| 42:3 | Goān Siōng-chú — lí ê Siōng-tè chí-sī goán só͘ tio̍h kiâⁿ ê lō͘, só͘ tio̍h chò ê tāichì. " | 註釋 串珠 盧導讀台 |
| 42:4 | Sian-ti I-é-lí-miah kā in kóng, " Góa í-keng thiaⁿ-.tio̍h, hó, góa ē chiàu lín ê ōe tùi Siōng-chú — lín ê Siōng-tè kî-tó. Bô-lūn Siōng-chú ìn lín siáⁿ-mi̍h, góa it-tēng lóng ē kā lín kóng, bē tùi lín ún-ba̍t kah pòaⁿ-kù. " | 註釋 串珠 盧導讀台 |
| 42:5 | Chiū ánne, in kā I-é-lí-miah kóng, " Goán nā bô chiàu Siōng-chú — lí ê Siōng-tè chhe lí lâi kóng it-chhè ê ōe khì kiâⁿ, chiū goān Siōng-chú tī lí kah goán ê tiong-kan chò chin-si̍t tiong-sìn ê kiàn-chèng. | 註釋 串珠 盧導讀台 |
| 42:6 | Goán chit sî chhiáⁿ lí kàu Siōng-chú — goán ê Siōng-tè ê bīn-chêng, I só͘ kóng ê, bô-lūn sī hó sī pháiⁿ, goán lóng ē chun-thàn I ê ōe; goán chun-thàn Siōng-chú — goán ê Siōng-tè ê ōe, chiū thang tit tio̍h heng-thong. " | 註釋 串珠 盧導讀台 |
| 42:7 | Siōng-chú Hôe-tap I-é-lí-miah ê Kî-tóKeng-kòe cha̍p kang, ū Siōng-chú ê ōe lîm-kàu I-é-lí-miah. | 註釋 串珠 盧導讀台 |
| 42:8 | I chiū kā Ka-le-ah ê kiáⁿ Io-ha-nân, í-ki̍p kah i tông-chāi ê chèng kun-tiúⁿ kah chèng lâng, tùi sè kàu tōa lóng kiò in lâi, | 註釋 串珠 盧導讀台 |
| 42:9 | tùi in kóng, " Siōng-chú — I-su-la-el ê Siōng-tè, to̍h-sī lín chhe góa kàu I ê bīn-chêng, lâi hiàn lín só͘ kiû ê, I ánne kóng, | 註釋 串珠 盧導讀台 |
| 42:10 | ' Lín nā iû-goân beh tòa tī chit só͘-chāi, Góa chiū beh kā lín kiàn-chō, bô beh húi-hoāi lín, beh kā lín chai-pôe, bô beh kā lín poe̍h-chhut, in-ūi Góa ū hō͘-hóe Góa só͘ kàng hō͘ lín ê chai-hō. | 註釋 串珠 盧導讀台 |
| 42:11 | M̄-bián kiaⁿ lín só͘ kiaⁿ ê Ba-bú-lông ông. '" Siōng-chú kóng, " M̄-thang kiaⁿ i! In-ūi Góa kah lín tông-chāi, Góa beh chín-kiù lín, hō͘ lín thoat-lī i ê chhiú. | 註釋 串珠 盧導讀台 |
| 42:12 | Góa beh liân-bín lín, hō͘ in mā liân-bín lín, hō͘ lín tńg-lâi pún só͘-chāi. | 註釋 串珠 盧導讀台 |
| 42:13 | Siat-sú lín kóng, ' Goán m̄ tòa chit só͘-chāi', ánne to̍h-sī lín m̄ chun-thàn Siōng-chú — lín ê Siōng-tè ê ōe, | 註釋 串珠 盧導讀台 |
| 42:14 | nā kóng, ' M̄ lah, goán beh ji̍p-khì Ai-gi̍p tē, tī hia bô khòaⁿ tio̍h kau-chiàn, bô thiaⁿ tio̍h sàu-kak ê siaⁿ, mā bē tì-kàu bô thang chia̍h lâi iau-gō; goán beh tòa tī hia. ' | 註釋 串珠 盧導讀台 |
| 42:15 | Taⁿ lín chiahê Iô-tah só͘ chhun lo̍h-.lâi ê jîn-bîn, tio̍h thiaⁿ Siōng-chú ê ōe. Bān-kun ê Siōng-chú — I-su-la-el ê Siōng-tè ánne kóng, ' Lín nā kèng-jiân ngē-ngē beh khì Ai-gi̍p, tòa hia kià-kha, | 註釋 串珠 盧導讀台 |
| 42:16 | lín só͘ kiaⁿ ê to-kiàm chiū ē tī Ai-gi̍p tē jiok tio̍h lín! Jî-chhiáⁿ lín só͘ kiaⁿ ê ki-hng ē tī Ai-gi̍p tē kā lín tòe tiâu-tiâu! Lín ē sí tī hia. | 註釋 串珠 盧導讀台 |
| 42:17 | Kiàn-nā ngē-ngē beh khì Ai-gi̍p, tī hia kià-kha ê lâng lóng ē ánne; in ē tùi to-kiàm, tùi ki-hng, tùi un-e̍k lâi sí, kî-tiong bô kah chi̍t-ê lâu-.leh, mā bô kah chi̍t-ê thoat-lī Góa só͘ kàng hō͘ in ê chai-hō. ' | 註釋 串珠 盧導讀台 |
| 42:18 | " In-ūi bān-kun ê Siōng-chú — I-su-la-el ê Siōng-tè ánne kóng, ' Góa ū án-chóaⁿ kā Góa ê siū-khì kah tōa siū-khì piàⁿ tī tòa tī Ê-lú-sa-lèm ê jîn-bîn, lín khì Ai-gi̍p ê sî, Góa mā beh chiàu ánne kā Góa ê tōa siū-khì piàⁿ tī lín ê sin chiūⁿ, hō͘ lín chiâⁿ-chò thang chiù-chó͘, thang tio̍h-kiaⁿ, thang chhoh-mē, thang lêng-jio̍k, lín mā ē bô koh khòaⁿ tio̍h chit-ê só͘-chāi. ' | 註釋 串珠 盧導讀台 |
| 42:19 | " Lín chiahê Iô-tah só͘ chhun lo̍h-.lâi ê jîn-bîn, Siōng-chú kóng tio̍h lín ū kóng, ' M̄-thang khì Ai-gi̍p. ' Lín tio̍h khak-si̍t chai, Góa kin-á-ji̍t chèng-bêng Góa ū kā lín khoàn-kài à. | 註釋 串珠 盧導讀台 |
| 42:20 | Lín kiâⁿ phian-siâ lâi liân-lūi kakī; in-ūi lín chhe góa khì-kàu Siōng-chú — lín ê Siōng-tè hia, kóng, ' Kiû lí thè goán tùi Siōng-chú — lán ê Siōng-tè kî-tó, chiàu Siōng-chú — lán ê Siōng-tè it-chhè só͘ kóng ê kā goán kóng; goán beh chiàu ánne khì kiâⁿ. ' | 註釋 串珠 盧導讀台 |
| 42:21 | Góa kin-á-ji̍t ū kā lín kóng à, m̄ koh, lín ê Siōng-tè — Siōng-chú ê ōe kah I chhe góa it-chhè chí-sī lín ê, lín lóng bô chun-thàn. | 註釋 串珠 盧導讀台 |
| 42:22 | Taⁿ lín tio̍h khak-si̍t chai, lín tī só͘ beh khì kià-kha ê tē, ē tùi to-kiàm, tùi ki-hng, tùi un-e̍k lâi sí. " | 註釋 串珠 盧導讀台 |