| 章節 | 全民台語聖經全羅經文 | 註釋 |
| 43:1 | I-é-lí-miah Hông Lia̍h-khì Ai-gi̍pI-é-lí-miah tùi chèng lâng kóng chheng-chhó Siōng-chú — in ê Siōng-tè it-chhè ê ōe, to̍h-sī Siōng-chú — in ê Siōng-tè chhe i só͘ kóng it-chhè ê ōe. | 註釋 串珠 盧導讀台 |
| 43:2 | Ho-sia-iah ê kiáⁿ A-cha-lí-ah kah Ka-le-ah ê kiáⁿ Io-ha-nân, í-ki̍p só͘-ū kiau-ngō͘ ê lâng chiū tùi I-é-lí-miah kóng, " Lí kóng pe̍h-chha̍t ōe! Siōng-chú — lán ê Siōng-tè pēng bô chhe lí lâi kóng, ' Lín m̄ thang khì Ai-gi̍p, lâi kià-kha tī hia. ' | 註釋 串珠 盧導讀台 |
| 43:3 | Che sī Nê-lé-iù ê kiáⁿ Pa-lo-sih sái-lōng lí lâi hāi goán, beh kā goán kau tī Kal-tí-ah lâng ê chhiú, hō͘ in kā goán thâi-sí, á-.sī kā goán lia̍h khì-kàu Ba-bú-lông. " | 註釋 串珠 盧導讀台 |
| 43:4 | Chiū ánne, Ka-le-ah ê kiáⁿ Io-ha-nân kah só͘-ū kun-tiúⁿ, í-ki̍p chèng lâng m̄ chun-thàn Siōng-chú ê ōe, lâi tòa tī Iô-tah tē. | 註釋 串珠 盧導讀台 |
| 43:5 | Ka-le-ah ê kiáⁿ Io-ha-nân kah só͘-ū ê kun-tiúⁿ, chiū kā chhun lo̍h-.lâi ê Iô-tah lâng, to̍h-sī tùi in siū kóaⁿ khì hiahê kok tńg-lâi beh kià-kha tī Iô-tah tē ê, | 註釋 串珠 盧導讀台 |
| 43:6 | bô-lūn chapo͘ lâng, chabó͘ lâng, gín'á kah ông ê hiahê chabó͘ kiáⁿ, í-ki̍p sī-ōe-tiúⁿ Ne-bu-cha-la-tàn só͘ lâu lâi kau-tài Sia-hóaⁿ ê sun — A-hi-kam ê kiáⁿ Ge-tá-lia̍h ê kûn-chiòng, kah I-é-lí-miah sian-ti, í-ki̍p Nê-lé-iù ê kiáⁿ Pa-lo-sih, lóng lia̍h khì-kàu Ai-gi̍p tē, khì-kàu Ta̍k-pe-neh. | 註釋 串珠 盧導讀台 |
| 43:7 | Che sī in-ūi in m̄ chun-thàn Siōng-chú ê ōe. | 註釋 串珠 盧導讀台 |
| 43:8 | Tī Ta̍k-pe-neh, Siōng-chú ê ōe koh lîm-kàu I-é-lí-miah, kóng, | 註釋 串珠 盧導讀台 |
| 43:9 | " Lí tio̍h ēng chhiú the̍h kúi tè tōa lia̍p chio̍h-thâu, tī Iô-tah lâng ê bīn-chêng khǹg tī thia̍p chng ê hoe-thô͘ lāi, to̍h-sī tī Ta̍k-pe-neh Hôa-láu ê ông-kiong mn̂g hia, | 註釋 串珠 盧導讀台 |
| 43:10 | Kā in kóng, ' Bān-kun ê Siōng-chú — I-su-la-el ê Siōng-tè ánne kóng: Lí khòaⁿ, Góa beh tiàu Góa ê lô͘-po̍k — Ba-bú-lông ông Nep-kat-ne-chal lâi. Tī só͘ khǹg ê chio̍h-thâu téng, Góa beh an-tì i ê pó-chō, i ē tī hit lia̍p chio̍h-thâu téng tah súi ê pò͘-pêⁿ. | 註釋 串珠 盧導讀台 |
| 43:11 | I ē lâi kong-kek Ai-gi̍p tē, eng-kai sí ê chiū sí, eng-kai lia̍h ê chiū siū lia̍h, eng-kai hō͘ to thâi ê chiū hō͘ to thâi. | 註釋 串珠 盧導讀台 |
| 43:12 | Góa mā beh tī Ai-gi̍p hiahê sîn-bêng ê biō khí hóe, i ē ēng hóe sio hiahê biō, kā in lia̍h-.khì; i ē tit tio̍h Ai-gi̍p tē, chhin-chhiūⁿ bo̍k-chiá chhēng i ê saⁿ, tùi hia an-jiân chhut-.khì. | 註釋 串珠 盧導讀台 |
| 43:13 | I it-tēng ē phah-chhùi Ai-gi̍p tē ê Bia̍t-si-mé-si tiau-khek ê thiāu, ēng hóe sio Ai-gi̍p hiahê sîn-bêng ê biō. '" | 註釋 串珠 盧導讀台 |