| 章節 | 全民台語聖經全羅經文 | 註釋 |
| 45:1 | Siōng-chú hō͘ Pa-lo-sih ê Èng-ínIô-tah ông Io-si-iah ê kiáⁿ E-hō͘-iá-kim sì nî, Nê-lé-iù ê kiáⁿ Pa-lo-sih kā I-é-lí-miah sian-ti só͘ thoân hiahê ōe, kì tī chheh-.ni̍h. | 註釋 串珠 盧導讀台 |
| 45:2 | Hit sî, I-é-lí-miah tùi i kóng, " Pa-lo-sih, Siōng-chú — I-su-la-el ê Siōng-tè kóng tio̍h lí ū ánne kóng: | 註釋 串珠 盧導讀台 |
| 45:3 | Lí bat kóng, ' Góa ū chai-hō ah! Siōng-chú tī góa thòng-khó͘ ê téng-bīn ke-thiⁿ iu-chhiû; góa thó͘-khùi kàu ià-siān, bē tàng pêng-an. ' | 註釋 串珠 盧導讀台 |
| 45:4 | " Taⁿ lí tio̍h ánne kā i kóng, Siōng-chú ánne kóng: Lí khòaⁿ, Góa só͘ kiàn-li̍p ê, Góa beh thiah-húi; Góa só͘ chai-chèng ê, Góa beh poe̍h khí-.lâi; choân tē lóng sī ánne. | 註釋 串珠 盧導讀台 |
| 45:5 | Lí kám ū ūi kakī tô͘-bô͘ tōa tāichì? M̄-thang tô͘-bô͘! Lí khòaⁿ, in-ūi Góa beh hō͘ chai-hō kàng-lo̍h tī kiàn-nā ū hiat-khì ê. Chóng-.sī, lí bô-lūn khì tó-ūi, Góa beh hō͘ lí khioh tio̍h kakī ê sèⁿ-miā. Che sī Siōng-chú kóng ê. " | 註釋 串珠 盧導讀台 |