| 章節 | 全民台語聖經全羅經文 | 註釋 |
| 47:1 | Iú-koan Hui-lī-sū ê ŌeHôa-láu kong-kek Ga-jah ê chìn-chêng, ū Siōng-chú koan-hē Hui-lī-sū lâng ê ōe lîm-kàu I-é-lí-miah sian-ti. | 註釋 串珠 盧導讀台 |
| 47:2 | Siōng-chú ánne kóng: Lí khòaⁿ, ū chúi tùi pak-hong chhèng khí-.lâi, chiâⁿ-chò tiòng móa ê hô, ē tiòng móa chit-ê tē kah kî-tiong só͘-ū ê, í-ki̍p siâⁿ kah kî-tiong só͘ tòa ê. Lâng ē tōa-siaⁿ hoah, tòa tī hit kéng lāi ê jîn-bîn ē thî-khàu. | 註釋 串珠 盧導讀台 |
| 47:3 | Ūi tio̍h tùi-te̍k ê ióng bé ê tê kho̍k-kho̍k háu ê siaⁿ, mā ūi tio̍h i hiahê chiàn-chhia kóaⁿ-kín chàu, i ê chhia-lián hū-hū háu, chiahê chò lāu-pē ê chhiú chiū nńg, bô oa̍t thâu khòaⁿ i ê kiáⁿ. | 註釋 串珠 盧導讀台 |
| 47:4 | In-ūi sî-ji̍t kàu à, beh húi-bia̍t só͘-ū ê Hui-lī-sū lâng, beh tùi Tu-lô, Si-tòng chián-tû só͘ chhun lo̍h-lâi kā in pang-chān ê. In-ūi Siōng-chú ē húi-bia̍t Hui-lī-sū lâng, Ka-hu-tok tó-sū só͘ chhun lo̍h-.lâi ê jîn-bîn. | 註釋 串珠 盧導讀台 |
| 47:5 | Ga-jah í-keng bô pòaⁿ-ki thâu-mn̂g; A-si-ke-lông kui tī bô, soaⁿ-kok só͘ chhun lo̍h-.lâi ê, lí kakī koah bah ē kàu gōa kú? | 註釋 串珠 盧導讀台 |
| 47:6 | Siōng-chú ê to-kiàm, lí beh kàu tang-sî chiah soah? Tio̍h kiu ji̍p-khì lí ê to-siù, tiām-tiām bô tín-tāng. | 註釋 串珠 盧導讀台 |
| 47:7 | Siōng-chú í-keng bēng-lēng lí khì kong-kek A-si-ke-lông, kong-kek hái piⁿ ê tē, I í-keng tiāⁿ tio̍h phài lí, lí ná ē thêng-chí? | 註釋 串珠 盧導讀台 |