| 章節 | 全民台語聖經全羅經文 | 註釋 |
| 4:1 | Siōng-chú Khián-chek I-su-la-el LângI-su-la-el lâng, lín tio̍h thiaⁿ Siōng-chú ê ōe. In-ūi Siōng-chú kah chit só͘-chāi ê lâng piān-lūn, in-ūi tī chit-ê só͘-chāi bô sêng-si̍t, bô jîn-chû, mā bô lâng bat Siōng-tè. | C註釋 註釋 串珠 盧導讀台 |
| 4:2 | Chí-ū chiùchōa, pōe-iok, thâi lâng, thau-the̍h, kan-îm, kiông-pō, thâi lâng bô soah. | C註釋 註釋 串珠 盧導讀台 |
| 4:3 | Só͘-í, chit-ê só͘-chāi ē ū pi-ai, tòa tī hit tiong-kan ê lâng kah chhân-iá ê siù, khong-tiong ê chiáu, lóng ē soe-bî, hái tiong ê hî mā ē sí-.khì. | 註釋 串珠 盧導讀台 |
| 4:4 | Siōng-chú Khián-chek Chè-siSiōng-chú kóng, " Chóng-.sī, lâng m̄ thang piān-lūn, m̄ thang sio chek-pī, in-ūi lí ê jîn-bîn ná chhin-chhiūⁿ kah chè-si teh piān-pok. | C註釋 註釋 串珠 盧導讀台 |
| 4:5 | Lí ē tī ji̍t-sî poa̍h-tó, sian-ti mā ē tī àm-sî kah lí chò-hóe poa̍h-tó, Góa beh bia̍t-bông lí ê lāu-bú. | 註釋 串珠 盧導讀台 |
| 4:6 | Góa ê jîn-bîn in-ūi bû-ti lâi bia̍t-bông. In-ūi lí khì-sak tì-sek, Góa mā beh khì-sak lí, hō͘ lí bô thang koh chò chè-si lâi ho̍k-sāi Góa. Lí kì-jiân bē kì-tit lí ê Siōng-tè ê lu̍t-hoat, Góa mā beh bē kì-tit lí ê kiáⁿ-jî. | 註釋 串珠 盧導讀台 |
| 4:7 | " In ke-thiⁿ ná chē, chiū ná tek-chōe Góa; Góa beh hō͘ i ê êng-kng piàn-chò lêng-jio̍k. | 註釋 串珠 盧導讀台 |
| 4:8 | In chia̍h Góa ê chú-bîn ê sio̍k-chōe-chè, ì-ài in hoān chōe. | C註釋 註釋 串珠 盧導讀台 |
| 4:9 | " Chiong-lâi jîn-bîn án-chóaⁿ, chè-si mā ē ánne; Góa beh in-ūi in só͘ kiâⁿ ê lâi kā in pān, chiàu in só͘ chò ê lâi kā in pò-èng. | C註釋 註釋 串珠 盧導讀台 |
| 4:10 | In chia̍h mā chia̍h bē pá, kiâⁿ îm mā bô ke-thiⁿ lâng; in-ūi in pàng-sak Siōng-chú, m̄ chun-thàn I. " | C註釋 註釋 串珠 盧導讀台 |
| 4:11 | Siōng-chú Khián-chek Pài Ngó͘-siōng ê ChōeSiōng-chú kóng, " Îm-hēng kah chiú, í-ki̍p sin chiú ē toa̍t lâng ê sim. | 註釋 串珠 盧導讀台 |
| 4:12 | Góa ê chú-bîn mn̄g in ê chhâ-thâu, in ê koái-á koh teh chí-sī in; in-ūi in kiâⁿ kan-îm ê sim hō͘ in sit-bê, in kiâⁿ kan-îm chiū lī-khui in ê Siōng-tè ê koán-hat. | C註釋 註釋 串珠 盧導讀台 |
| 4:13 | In hiàn chè tī soaⁿ téng, sio hiuⁿ tī soaⁿ-thâu, tī siōng chhiū, iông chhiū kah la̍t chhiū ê ē-bīn, in-ūi in ê ìm-ńg chin hó; só͘-í, lín ê chabó͘ kiáⁿ îm-loān, lín ê sin-niû kiâⁿ kan-îm. | 註釋 串珠 盧導讀台 |
| 4:14 | Lín ê chabó͘ kiáⁿ îm-loān, lín ê sin-niû kiâⁿ kan-îm, Góa bô kā in hêng-hoa̍t; in-ūi hiahê chapo͘ lâng kah chhiong-ki lēng-gōa tòa, kah biō lāi ê ki-lí chò-hóe hiàn chè. Chit khoán bû-ti ê jîn-bîn it-tēng ē siū chhia-tó. | C註釋 註釋 串珠 盧導讀台 |
| 4:15 | " I-su-la-el lâng, lí sûi-jiân kiâⁿ kan-îm, chóng-.sī, Iô-tah m̄ thang hoān chōe, m̄ thang khì Gil-gal, mā m̄ thang chiūⁿ-kàu Bia̍t-a-biân, mā m̄ thang kí éng-oán oa̍h ê Siōng-chú lâi chiùchōa. | 註釋 串珠 盧導讀台 |
| 4:16 | I-su-la-el ngē-phīⁿ, chhin-chhiūⁿ ngē-phīⁿ ê gû-bó; taⁿ Siōng-chú beh chhī in, chhin-chhiūⁿ chhī iûⁿ tī khui-khoah ê tē. | 註釋 串珠 盧導讀台 |
| 4:17 | E-hu-laim kiat-liân ngó͘-siōng, chhut-chāi i khì! | 註釋 串珠 盧導讀台 |
| 4:18 | In só͘ lim ê í-keng piàn sng, in tiāⁿtiāⁿ kiâⁿ kan-îm, in ê koaⁿ-tiúⁿ chin ì-ài kiàn-siàu sū. | C註釋 註釋 串珠 盧導讀台 |
| 4:19 | Hong ēng i ê si̍t kā i kńg khí-.lâi; in ē ūi tio̍h in ê chè-sū tì-sú kiàn-siàu. " | 註釋 串珠 盧導讀台 |