| 章節 | 全民台語聖經全羅經文 | 註釋 |
| 11:1 | Siōng-tè Liân-bín Pōe-ge̍k ê Chú-bînSiōng-chú kóng: I-su-la-el chò gín'á ê sî, Góa to̍h thiàⁿ i, jî-chhiáⁿ Góa ū tiàu Góa ê kiáⁿ chhut Ai-gi̍p tē. | 註釋 串珠 盧導讀台 |
| 11:2 | Góa ná kiò in, in ná cháu lī-khui Góa, in hiàn chè tī chiahê Ba-al, sio hiuⁿ tī ngó͘-siōng. | 註釋 串珠 盧導讀台 |
| 11:3 | Góa kà E-hu-laim o̍h kiâⁿ lō͘, khan i ê chhiú, chóng-.sī, in m̄-chai Góa kā in i hó. | 註釋 串珠 盧導讀台 |
| 11:4 | Góa ēng chû-ài ê soh kah thiàⁿ-sim ê tòa khan in; Góa khoán-thāi in chhin-chhiūⁿ tùi in ê ām-kún kā in ê ka-taⁿ tháu-khui, kā niû-chháu hē tī in bīn-chêng. | 註釋 串珠 盧導讀台 |
| 11:5 | In beh koh tńg-khì Ai-gi̍p tē, A-siul beh chò in ê ông, in-ūi in m̄-khéng tò tńg-lâi kui-ǹg Góa. | 註釋 串珠 盧導讀台 |
| 11:6 | To-kiàm ē kàu tī i ê siâⁿ, húi-hoāi in ê mn̂g-chhòaⁿ, in-ūi in ê kè-bô͘ kā i thun-bia̍t. | 註釋 串珠 盧導讀台 |
| 11:7 | Góa ê jîn-bîn koat-ì beh ûi-pōe góa; sûi-jiân ū lâng kiò in kui-ǹg Chì-koân-.ê, chóng-.sī, bô kah chi̍t-ê chun-tiōng I. | 註釋 串珠 盧導讀台 |
| 11:8 | E-hu-laim, Góa ná ē khì-sak lí? I-su-la-el, Góa ná ē kā lí kau hō͘ te̍k-jîn? Góa ná ē hō͘ lí chhin-chhiūⁿ At-mah? Ná ē kā lí chò Che-bó-ím khoán-thāi? Góa hôe-sim choán-ì, Góa chû-ài ê sim chin jia̍t. | 註釋 串珠 盧導讀台 |
| 11:9 | Góa bô beh hoat-chhut góa béng-lia̍t ê siū-khì, mā bô koh húi-bia̍t E-hu-laim. In-ūi góa sī Siōng-tè, m̄-sī sè-kan lâng, sī tī lín tiong-kan ê sèng ê; góa bô beh tī siū-khì tiong lîm-kàu lín. | C註釋 註釋 串珠 盧導讀台 |
| 11:10 | Siōng-chú ē chhin-chhiūⁿ sai teh háu, in ē tòe I lâi kiâⁿ. I háu ê sî, hiahê kiáⁿ chiū phi̍h-phi̍h chhoah, tùi se-hong kóaⁿ-kín lâi. | 註釋 串珠 盧導讀台 |
| 11:11 | In ē chhin-chhiūⁿ chhek-chiáu-á phi̍h-phi̍h chhoah, tùi Ai-gi̍p kóaⁿ-kín lâi, koh chhin-chhiūⁿ hún-chiáu tùi A-siul tē lâi-kàu. Góa beh hō͘ in tòa kakī ê chhù. Che sī Siōng-chú kóng ê. | 註釋 串珠 盧導讀台 |
| 11:12 | I-su-la-el kah Iô-tah siū khián-chekSiōng-chú kóng, " E-hu-laim ēng khi-phiàn ûi góa, I-su-la-el ê chú-bîn mā ēng kúi-kè kā góa pau-ûi; Iô-tah khò Siōng-tè chiáng-koân, ǹg sèng ê ū chīn-tiong ê sim. | 註釋 串珠 盧導讀台 |