| 章節 | 全民台語聖經全羅經文 | 註釋 |
| 13:1 | I-su-la-el Chòe-āu ê Sím-phòaⁿChá-chêng E-hu-laim kóng-ōe, lâng lóng phi̍h-phi̍h chhoah; i tī I-su-la-el tiong tiàm tī koân ūi; chóng-.sī, i tī Ba-al ê tāichì hoān chōe, chiū tì-kàu sí-bông. | 註釋 串珠 盧導讀台 |
| 13:2 | Taⁿ in ê chōe-kò ná hoān ná chē, ēng in ê gîn ūi kakī chng pu̍t, in chiàu in ê kî-khiáu lâi chō ngó͘-siōng, lóng sī sai-hū só͘ chò ê. In gī-lūn kóng, hiàn chè ê lâng tio̍h kah gû-á chim-chhùi. | 註釋 串珠 盧導讀台 |
| 13:3 | In-ūi ánne, in beh chhin-chhiūⁿ chá-khí sî ê hûn, mā chhin-chhiūⁿ khoài-khoài ta ê lō͘-chúi, chhin-chhiūⁿ tiūⁿ-tiâⁿ ê phàⁿ chhek hō͘ kông hong chhoe-.khì, koh chhin-chhiūⁿ ian tùi thang-á chhèng chhut-.khì. | 註釋 串珠 盧導讀台 |
| 13:4 | Siōng-chú kóng, " Tùi lí chhut Ai-gi̍p tē ê sî, Góa chò lí ê Siōng-tè — Siōng-chú. Góa í-gōa lí m̄ thang jīn-bat pa̍t-ê sîn-bêng, jî-chhiáⁿ Góa í-gōa bô ū kî-tha Kiù-chú. | 註釋 串珠 盧導讀台 |
| 13:5 | Tī khòng-iá ta-sò ê tē, Góa í-keng bat lí. | 註釋 串珠 盧導讀台 |
| 13:6 | In chiàu in ê bí-niûⁿ tit tio̍h chia̍h pá; í-keng chia̍h pá, in ê sim chiū kiau-ngō͘, chiū ánne bē kì-tit Góa. | 註釋 串珠 盧導讀台 |
| 13:7 | Só͘-í, Góa tùi in chhin-chhiūⁿ sai, koh chhin-chhiūⁿ pà bih tī lō͘ piⁿ. | 註釋 串珠 盧導讀台 |
| 13:8 | " Góa tú tio̍h in chhin-chhiūⁿ sit-lo̍h kiáⁿ ê hîm-bú, thiah-li̍h in ê heng-khám. Tī hia, Góa beh chhin-chhiūⁿ bó ê sai kā in thun-chia̍h; iá-siù ē kā in thiah-li̍h. | 註釋 串珠 盧導讀台 |
| 13:9 | " I-su-la-el lâng, lí ê bia̍t-bông to̍h-sī in-ūi hoán-tùi Góa, to̍h-sī hoán-tùi pang-chān lí ê. | 註釋 串珠 盧導讀台 |
| 13:10 | Hiān-kim lí ê ông tī tó-ūi, hō͘ i tī lí chiahê siâⁿ kā lí chín-kiù? Lí ê sū-su to̍h-sī lí só͘ bat kóng: Kā goán siat-li̍p chi̍t-ê ông kah siú-léng ê, taⁿ in tī tó-ūi? | 註釋 串珠 盧導讀台 |
| 13:11 | Góa tī siū-khì tiong kā lí siat-li̍p chò ông, mā tī Góa ê tōa siū-khì kā lí ê ông-ūi hùi-tû. | 註釋 串珠 盧導讀台 |
| 13:12 | " E-hu-laim ê chōe-kò kì tiâu-.leh, i ê chōe-ok siu-chông-.leh. | 註釋 串珠 盧導讀台 |
| 13:13 | Cha-bó͘ lâng seⁿ kiáⁿ ê thàng-thiàⁿ ē kàu tī i; i sī- bô tì-hūi ê kiáⁿ, in-ūi i ê sî í-keng kàu, bô eng-kai iân-chhiân tī chú-kiong kháu. | 註釋 串珠 盧導讀台 |
| 13:14 | Góa beh sio̍k-hôe in thoat-lī im-hú ê koân, Góa beh kā in chín-kiù thoat-lī sí-bông. Sí-bông, lí ê chai-hāi tī tó-ūi? Im-hú, lí ê húi-bia̍t tī tó-ūi? Góa choa̍t-tùi bô hō͘-hóe. | 註釋 串珠 盧導讀台 |
| 13:15 | I tī hiaⁿ-tī tiong, sûi-jiân kiat kóe-chí chin chē, chóng-.sī, ē ū tang hong chhoe-.lâi, to̍h-sī Siōng-chú ê hong tùi khòng-iá chhoe-.khí, i ê chúi-chôaⁿ ē ta-.khì, i ê goân-thâu ē toān-choa̍t, i ē chhiúⁿ-toa̍t só͘ chek-chū só͘-ū thang hoaⁿ-hí ê pó-khì. | 註釋 串珠 盧導讀台 |
| 13:16 | Sa-má-lī-a tio̍h tam-tng i ê chōe, in-ūi i pōe-ge̍k i ê Siōng-tè. I ē tó tī to hā, in ê eⁿ-á ē hō͘ lâng siak-sí, in ū sin-ê chabó͘ lâng ē hō͘ lâng phòa-pak. " | 註釋 串珠 盧導讀台 |