| 章節 | 全民台語聖經全羅經文 | 註釋 |
| 14:1 | Hô-se-a Ho͘-io̍k I-su-la-el Lâng Kui-ǹg Siōng-chúI-su-la-el lâng, lí tio̍h tò tńg-lâi kui Siōng-chú — lí ê Siōng-tè; in-ūi lí tùi lí ê chōe lâi poa̍h-tó. | 註釋 串珠 盧導讀台 |
| 14:2 | Tio̍h chún-pī ōe tò tńg-lâi kui Siōng-chú, tùi I kóng, " Kiû Lí sià-bián góa só͘-ū ê chōe, ēng un-tián chiap-la̍p goán; goán chiū ēng chhùi oló lâi tāi-thè seng-lé. | 註釋 串珠 盧導讀台 |
| 14:3 | A-siul bē tàng kiù goán, goán bô koh khiâ bé, mā bô koh tùi goán ê chhiú só͘ chō ê kóng: Lí sī goán ê sîn-bêng, in-ūi ko͘-jî tùi lí tit tio̍h liân-bín. | 註釋 串珠 盧導讀台 |
| 14:4 | Siōng-chú Èng-ín I-su-la-el Sin Sèⁿ-miāSiōng-Chú kóng: Góa beh i hó i ê pōe-poān, Góa beh pe̍h-pe̍h thiàⁿ in; in-ūi Góa í-keng bô koh tùi in siū-khì. | 註釋 串珠 盧導讀台 |
| 14:5 | Góa beh tī I-su-la-el chhin-chhiūⁿ lō͘-chúi; i ē khui hoe chhin-chhiūⁿ pek-ha̍p hoe, i ē chhun kin chhin-chhiūⁿ Le-ba-nòng. | 註釋 串珠 盧導讀台 |
| 14:6 | I ê ki ē chhun tn̂g, i ê súi ē chhin-chhiūⁿ kaⁿ-ná chhiū; i ê phang ē chhin-chhiūⁿ Le-ba-nòng. | 註釋 串珠 盧導讀台 |
| 14:7 | Tiàm tī i ê ìm-ńg ê ē tò tńg-.lâi, in ē chhin-chhiūⁿ ngó͘-kok koh hoán chheⁿ, khui hoe chhin-chhiūⁿ phû-tô chhiū. I ê phang ē chhin-chhiūⁿ Le-ba-nòng ê chiú. | 註釋 串珠 盧導讀台 |
| 14:8 | E-hu-laim ē kóng: Góa kah ngó͘-siōng iáu ū siáⁿ-mi̍h khan-liân? Góa ū kā i ìn, koh kā i khòaⁿ-kò͘. Góa chhin-chhiūⁿ chheⁿ-chhùi ê siông chhiū, lí ê kóe-chí tùi góa lâi tit tio̍h. | 註釋 串珠 盧導讀台 |
| 14:9 | Kiat-bóe ê ŌeSiáⁿ lâng sī tì-hūi ê lâng ē bêng-pe̍k chiahê tāichì? Siáⁿ lâng sī thong-ta̍t ê lâng ē chai chiahê? In-ūi Siōng-chú ê tō-lō͘ sī chèng-ti̍t, gī lâng ē kiâⁿ tī hit tiong-kan, pōe-ge̍k ê lâng ē poa̍h-tó tī hit téng-bīn. | 註釋 串珠 盧導讀台 |