| 章節 | 全民台語聖經全羅經文 | 註釋 |
| 3:1 | I-su-la-el lâng, lín tio̍h thiaⁿ Siōng-chú só͘ kóng kā lín kong-kek ê ōe, to̍h-sī kong-kek Góa só͘ chhōa chhut Ai-gi̍p tē ê choân ke ê ōe. | 註釋 串珠 盧導讀台 |
| 3:2 | Siōng-chú kóng, " Tī tē-chiūⁿ bān-cho̍k tiong, Góa chí ū bat lín; só͘-í, Góa beh pān lín it-chhè ê chōe-kò. | 註釋 串珠 盧導讀台 |
| 3:3 | Sian-ti ê Jīm-būNn̄g lâng nā bô sio iok, kám ē chò-hóe kiâⁿ? | 註釋 串珠 盧導讀台 |
| 3:4 | Sai nā bô kā tio̍h mi̍h, kám ē tī chhiū-nâ lāi háu? Sè chiah ióng-béng ê sai nā bô tit tio̍h siáⁿ-mi̍h, kám ē tùi hia̍t lāi chhut siaⁿ? | 註釋 串珠 盧導讀台 |
| 3:5 | Nā bô tiuⁿ oa̍h-tauh, chiáu-á kám ē hām lo̍h tē-chiūⁿ ê lô-bāng? Lô-bāng nā bô tit tio̍h mi̍h-kiāⁿ, kám ē tùi tē-chiūⁿ hoan-thiàu khí-.lâi? | 註釋 串珠 盧導讀台 |
| 3:6 | Siâⁿ lāi nā pûn sàu-kak, jîn-bîn kám bô kiaⁿ-hiâⁿ? Chai-eh nā lîm-kàu chi̍t-ê siâⁿ, kám m̄-sī Siōng-chú só͘ kàng-lo̍h ê? | 註釋 串珠 盧導讀台 |
| 3:7 | Chì-koân Siōng-chú nā bô ēng I pì-bi̍t ê ì-sù chí-sī I ê lô͘-po̍k chiahê sian-ti, in chiū lóng bô só͘ kiâⁿ. | 註釋 串珠 盧導讀台 |
| 3:8 | Sai teh háu, siáⁿ lâng bē kiaⁿ? Chì-koân Siōng-chú í-keng kóng, siáⁿ lâng bô kóng sian-ti ê ōe? | 註釋 串珠 盧導讀台 |
| 3:9 | Sa-má-lī-a ê Chiong-kio̍kLí tio̍h tī A-si-to͘t ê kiong-tiān kah Ai-gi̍p tē ê kiong-tiān soan-iông, kóng, " Lín tio̍h chū-chi̍p tī Sa-má-lī-a chiahê soaⁿ, chiū ē khòaⁿ tio̍h kî-tiong ê tōa jiáu-loān kah hit lāi-bīn pō-gio̍k ê tāichì. | 註釋 串珠 盧導讀台 |
| 3:10 | " In-ūi in bē hiáu kiâⁿ chèng-ti̍t, to̍h-sī ēng kiông-pō kah chhiúⁿ-kiap ê mi̍h, chek-chū tī in ê kiong-tiān lāi. Che sī Siōng-chú kóng ê. " | 註釋 串珠 盧導讀台 |
| 3:11 | Só͘-í, chì-koân Siōng-chú ánne kóng, " Ē ū tùi-te̍k lâi ûi-khùn chit-ê tē, hō͘ lí ê sè-le̍k soe-bî, chhiúⁿ lí ê kiong-tiān. " | 註釋 串珠 盧導讀台 |
| 3:12 | Siōng-chú ánne kóng, " Chhin-chhiūⁿ bo̍k-chiá tùi sai ê chhùi, chhiúⁿ-chhut nn̄g ki kha á-.sī pòaⁿ tè hīⁿ-á, ánne, tòa tī Sa-má-lī-a ê I-su-la-el lâng, theⁿ tī bîn-chhn̂g kak á-.sī chhu siù-hoe thán ê bîn-chhn̂g ê, in ê tit tio̍h kiù mā chí-put-kò sī ánne. " | 註釋 串珠 盧導讀台 |
| 3:13 | Chì-koân Siōng-chú — bān-kun ê Siōng-tè kóng, " Lín tio̍h thiaⁿ chit-ê ōe, mā tio̍h tī Iâ-kop ke kiàn-chèng. | 註釋 串珠 盧導讀台 |
| 3:14 | Góa pān I-su-la-el ê chōe-kò ê ji̍t-chí, mā beh pān Be-thel ê chè-tôaⁿ; tôaⁿ-kak ē siū chhò-tn̄g, tūi-lo̍h tē. | 註釋 串珠 盧導讀台 |
| 3:15 | Góa beh húi i kôaⁿ-thiⁿ ê chhù, joa̍h-thiⁿ ê chhù. Chhiūⁿ-gê ê chhù mā ē siū húi-bia̍t; tōa chhù mā lóng ē bô-.khì. Che sī Siōng-chú kóng ê. " | 註釋 串珠 盧導讀台 |