| 章節 | 全民台語聖經全羅經文 | 註釋 |
| 1:1 | Siōng-chú beh Têng-hoa̍t E-tómÔ-bá-tí-ah só͘ tit tio̍h ê be̍k-sī. Chì-koân Siōng-chú kóng tio̍h E-tóm kóng: Goán tùi Siōng-chú hia thiaⁿ tio̍h siau-sit, mā ū sù-chiá hōng chhe-khián khì lia̍t kok, kóng: Khí-.lâi, lán tio̍h khí-lâi kah i kau-chiàn! | 註釋 串珠 盧導讀台 |
| 1:2 | Lí khòaⁿ, Góa hō͘ lí tī lia̍t kok tiong chò bî-sè, hō͘ lâng tōa-tōa khòaⁿ-khin. | 註釋 串珠 盧導讀台 |
| 1:3 | Tiàm tī chio̍h-tōng lāi, tòa koân ê só͘-chāi ê lâng, lí ê sim kiau-ngō͘ kā lí phiàn, sim-lāi siūⁿ kóng: Siáⁿ lâng ē kā góa kàng lo̍h tē? | 註釋 串珠 盧導讀台 |
| 1:4 | Lí sûi-jiân seng koân chhin-chhiūⁿ eng-chiáu, chò siū tī chheⁿ ê tiong-kan, Góa beh tùi hia kā lí kàng-lo̍h. Che sī Siōng-chú kóng ê. | 註釋 串珠 盧導讀台 |
| 1:5 | Chha̍t nā lâi lí hia, á-.sī kiông-tō àm-sî lâi, kám m̄-sī thau kàu boán-ì ûi-chí? Bán phû-tô ê nā lâi-kàu lí hia bán, kám bô iáu lâu kúi-lia̍p-á? Lí tú tio̍h chián-tû ē kàu án-chóaⁿ? | 註釋 串珠 盧導讀台 |
| 1:6 | E-sáu án-chóaⁿ siū chhiau-chhōe? I só͘ khǹg ê pó-bu̍t án-chóaⁿ hông chhâ chhut-.lâi? | 註釋 串珠 盧導讀台 |
| 1:7 | Kah lí kiat iok ê lâng lóng kā lí chhōa kàu pian-kài; kah lí hô-hó ê lâng kā lí khi-phiàn lâi iâⁿ-kòe lí; chia̍h lí ê bí-niûⁿ ê lâng siat oa̍h-tauh tī lí ê ē-bīn, i ê sim lóng bô tì-sek. | 註釋 串珠 盧導讀台 |
| 1:8 | Siōng-chú kóng: Kàu hit ji̍t, Góa kám bô tùi E-tóm tû-bia̍t tì-hūi ê lâng, tùi E-sáu ê soaⁿ tû-bia̍t chhong-bêng ê lâng? | 註釋 串珠 盧導讀台 |
| 1:9 | Thê-man, lí ê ióng-sū ē kiaⁿ-hiâⁿ, tì-sú tiàm E-sáu ê soaⁿ, ta̍k lâng siū thâi-sí chián-tû. | 註釋 串珠 盧導讀台 |
| 1:10 | E-tóm Siū Têng-hoa̍t ê Goân-inIn-ūi lí pō-gio̍k lí ê hiaⁿ-tī Iâ-kop, lí ē tú tio̍h tōa-tōa kiàn-siàu, lí mā ē éng-oán siū chián-tû. | 註釋 串珠 盧導讀台 |
| 1:11 | Tng lí khiā tī piⁿ-á ê ji̍t, gōa-lâng chhiúⁿ i ê châi-bu̍t, ī-pang lâng ji̍p-khì i ê siâⁿ mn̂g, ūi Ê-lú-sa-lèm liam-khau, hit ji̍t lí chhin-chhiūⁿ in tiong-kan ê chi̍t-ê. | 註釋 串珠 盧導讀台 |
| 1:12 | Tng lí ê hiaⁿ-tī ê ji̍t-chí, to̍h-sī i tú tio̍h hoān-lān ê ji̍t-chí, lí bô eng-kai khiā-teh khòaⁿ; Iô-tah lâng siū bia̍t ê ji̍t-chí, lí bô eng-kai ūi tio̍h ánne lâi hoaⁿ-hí; in tú tio̍h chai-lān ê ji̍t-chí, lí bô eng-kai kóng tōa-ōe. | 註釋 串珠 盧導讀台 |
| 1:13 | Góa ê jîn-bîn tú tio̍h chai-hō ê ji̍t-chí, lí bô eng-kai ji̍p-khì i ê mn̂g; in tú tio̍h chai-hō ê ji̍t-chí, lí bô eng-kai khòaⁿ in teh siū khó͘; in tú tio̍h chai-hō ê ji̍t-chí, lí bô eng-kai bong tio̍h in ê châi-bu̍t. | 註釋 串珠 盧導讀台 |
| 1:14 | Lí bô eng-kai khiā tī siang-chhe lō͘, cha̍h in tiong-kan tô-cháu ê lâng; in tú tio̍h chai-lān ê ji̍t, lí bô eng-kai kā in chhun lo̍h-.lâi ê lâng kau-hù tùi-te̍k. | 註釋 串珠 盧導讀台 |
| 1:15 | Siōng-chú beh Sím-phòaⁿ Bān-kokIn-ūi Siōng-chú pān-lí bān-kok ê ji̍t-chí kīn à. Chiàu lí só͘ kiâⁿ ê mā ē ánne kiâⁿ tī lí; lí só͘ chò ê ē kui tī lí ê thâu-khak. | 註釋 串珠 盧導讀台 |
| 1:16 | In-ūi chhin-chhiūⁿ lín tī Góa ê sèng-soaⁿ bat lim, bān-kok mā ē chhin-chhiūⁿ ánne kú-tn̂g lim, mā lim mā thun lo̍h-.khì, in chiū ē kui tī bô-.khì. | 註釋 串珠 盧導讀台 |
| 1:17 | I-su-la-el Tek-sèngTī Si-óng soaⁿ ē ū tô-thoat ê lâng, mā ē chiâⁿ-chò sèng; Iâ-kop ke ē tit tio̍h i pún-lâi to̍h ū ê sán-gia̍p. | 註釋 串珠 盧導讀台 |
| 1:18 | Iâ-kop ke ē chiâⁿ-chò hóe, Iô-sé-huh ke ē chiâⁿ-chò hóe-iām, E-sáu ê ke ē chò tiū-kó, hóe ē sio lâi kā i bia̍t-tiāu. E-sáu ê ke ē bô lâu kah pòaⁿ-ê. In-ūi Siōng-chú ū ánne kóng. | 註釋 串珠 盧導讀台 |
| 1:19 | Lâm-hong ê lâng ē tit tio̍h E-sáu ê soaⁿ, pêng-goân ê lâng ē tit tio̍h Hui-lī-sū, mā ē tit tio̍h E-hu-laim ê chhân kah Sa-má-lī-a ê chhân; Biān-iá-mín lâng ē tit tio̍h Gi-lia̍t. | 註釋 串珠 盧導讀台 |
| 1:20 | I-su-la-el kun-tūi chiahê siū lia̍h ê ē tit tio̍h sio̍k Ka-nân lâng ê tē, it-ti̍t kàu Cha-le-phat; tòa tī Se-hoal-la̍h siū lia̍h ê Ê-lú-sa-lèm lâng ē tit tio̍h lâm-hong ê siâⁿ. | 註釋 串珠 盧導讀台 |
| 1:21 | Ē ū chiahê chín-kiù ê lâng chiūⁿ Si-óng soaⁿ, lâi sím-phòaⁿ E-sáu ê soaⁿ; kok-tō͘ chiū kui tī Siōng-chú. | 註釋 串珠 盧導讀台 |