| 章節 | 全民台語聖經全羅經文 | 註釋 |
| 3:1 | Iô-ná Khì Ni-ne-beh SiâⁿSiōng-chú ê ōe tē-jī pái lîm-kàu Iô-ná, kóng, | 註釋 串珠 盧導讀台 |
| 3:2 | " Lí khí-.lâi! Khì Ni-ne-beh hit-ê tōa siâⁿ, Góa só͘ bēng-lēng lí thoân ê, lí thoân hō͘ i. " | 註釋 串珠 盧導讀台 |
| 3:3 | Iô-ná chiū chiàu Siōng-chú ê ōe khí-.lâi, khì Ni-ne-beh. Ni-ne-beh sī ke̍k tōa ê siâⁿ, tio̍h kiâⁿ saⁿ ji̍t chiah kiâⁿ ē thàng-kòe. | 註釋 串珠 盧導讀台 |
| 3:4 | Iô-ná ji̍p siâⁿ liáu-āu, chhut-hoat kiâⁿ chi̍t ji̍t ê lō͘-thêng, thoân-káng, " Koh sì-cha̍p kang, Ni-ne-beh chiū ē tó-hoāi! " | 註釋 串珠 盧導讀台 |
| 3:5 | Ni-ne-beh lâng sìn Siōng-tè, chiū soan-pò͘ kìm-chia̍h, tùi tōa kàu sè lóng chhēng môa-saⁿ. | 註釋 串珠 盧導讀台 |
| 3:6 | Chit-ê siau-sit thoân kàu hō͘ Ni-ne-beh ông thiaⁿ-.tio̍h, i chiū tùi i ê chō-ūi khí-.lâi, thǹg i ê lé-ho̍k, chhēng môa-saⁿ, chē tī hóe-hu téng. | 註釋 串珠 盧導讀台 |
| 3:7 | Koh chhut kò-sī, chiàu ông kah kùi-cho̍k ê bēng-lēng, thoân hō͘ Ni-ne-beh choân siâⁿ, kóng, " Lâng kah chengseⁿ, gû-kûn, iûⁿ-kûn lóng m̄ thang chia̍h, m̄ thang lim chúi, liân chhì-khòaⁿ mā m̄ thang. | 註釋 串珠 盧導讀台 |
| 3:8 | Lâng kah chengseⁿ lóng tio̍h chhēng môa-saⁿ, tōa-siaⁿ kiû-kiò Siōng-chú, ta̍k lâng mā tio̍h lī-khui i ê pháiⁿ lō͘ kah i ê chhiú só͘ chò ê kiông-pō. | 註釋 串珠 盧導讀台 |
| 3:9 | Kiám-chhái Siōng-tè ē hôe-sim choán-ì, bán-hôe I ê tōa siū-khì, hō͘ lán bô bia̍t-bông mā ū khó-lêng. " | 註釋 串珠 盧導讀台 |
| 3:10 | Chiū ánne, Siōng-tè khòaⁿ in ê hêng-ûi ū lī-khui in ê pháiⁿ lō͘, Siōng-tè chiū hō͘-hóe I só͘ kóng beh kàng-lo̍h hō͘ in ê chai-hō, mā bô kàng-lo̍h. | 註釋 串珠 盧導讀台 |