| 章節 | 全民台語聖經全羅經文 | 註釋 |
| 2:1 | Ni-ne-beh ê Pang-pôaⁿPhò-hoāi-chiá chiūⁿ-kàu lí ê bīn-chêng. Lí tio̍h kò͘-siú siâⁿ-pó, thê-hông lō͘-thâu, io tio̍h giám-ngē, khùi-la̍t ke̍k kian-kò͘. | C註釋 註釋 串珠 盧導讀台 |
| 2:2 | （ In-ūi Siōng-chú hôe-ho̍k Iâ-kop ê êng-kng, chhin-chhiūⁿ I-su-la-el ê êng-kng, in-ūi chhiúⁿ-kiap-chiá í-keng lâi chhiúⁿ-kiap, koh húi-hoāi in ê phû-tô ki. ） | 註釋 串珠 盧導讀台 |
| 2:3 | I ê ióng-sū ê tîn-pâi sī âng ê, chiàn-sū lóng chhēng chu-âng saⁿ. Tī i chún-pī kau-chiàn ê ji̍t, chiàn-chhia ê kǹg-thih iām-iām sih, i ê chhiuⁿ bú-lâi bú-khì. | 註釋 串珠 盧導讀台 |
| 2:4 | Chhia tī ke-lō͘ loān-loān chông, tī khui-khoah ê só͘-chāi e-e kheh-kheh, khoán-sit chhin-chhiūⁿ hóe-pé, cháu chin kín, chhin-chhiūⁿ sihnà. | 註釋 串珠 盧導讀台 |
| 2:5 | I tiám-sǹg i ê kùi-cho̍k, in kiâⁿ lō͘ tian-tian tó-tó, chin kín to̍h kàu siâⁿ chhiûⁿ, chún-pī pó-hō͘ ê khì-kū. | 註釋 串珠 盧導讀台 |
| 2:6 | Hiahê hô cha̍h lóng khui, kiong-tiān siau-bia̍t. | 註釋 串珠 盧導讀台 |
| 2:7 | Ông-hō͘ siū lêng-jio̍k, hō͘ lâng lia̍h-.khì; kiong-lí tûi heng, ai-háu chhin-chhiūⁿ hún-chiáu ê siaⁿ. | C註釋 註釋 串珠 盧導讀台 |
| 2:8 | Ni-ne-beh chū kó͘-chá í-lâi, chhin-chhiūⁿ chū-chi̍p chúi ê tî; taⁿ in lóng tô-cháu. Ū lâng tōa-siaⁿ hoah, thêng-kha! Thêng-kha! Chóng-.sī, bô lâng oa̍t thâu lâi khòaⁿ. | 註釋 串珠 盧導讀台 |
| 2:9 | Lâi chhiúⁿ gîn! Lâi kiap kim! Só͘ chek-chū ê bô hān-liōng, súi ê kó͘-tóng ke̍k hong-hù. | 註釋 串珠 盧導讀台 |
| 2:10 | Taⁿ khang-hi à, khang-khang à, pha-hng à, sim sit táⁿ, kha-thâu-u sio kha̍p, io lóng thàng-thiàⁿ, bīn lóng piàn sek. | 註釋 串珠 盧導讀台 |
| 2:11 | Sai ê hia̍t kah sè chiah sai, chia̍h-mi̍h ê só͘-chāi, to̍h-sī kang ê sai, bó ê sai kah sè chiah sai sì-kè kiâⁿ, bô tio̍h-kiaⁿ ê só͘-chāi, taⁿ tī tó-ūi? | 註釋 串珠 盧導讀台 |
| 2:12 | Tōa chiah sai thiah-li̍h mi̍h, hō͘ sè chiah sai chia̍h kàu-gia̍h, ūi tio̍h bó ê sai kā-sí oa̍h-mi̍h, kā só͘ thiah-li̍h ê tún-móa i ê hia̍t, kā só͘ kā tio̍h ê, chek móa i ê tōng. | 註釋 串珠 盧導讀台 |
| 2:13 | Bān-kun ê Siōng-chú kóng, " Lí khòaⁿ, Góa kong-kek lí, koh tī hóe-ian tiong sio pháiⁿ i ê bé-chhia, to-kiàm mā ē thun-bia̍t lí ê sè chiah sai. Góa beh tùi tē-chiūⁿ kā lí tû-bia̍t só͘ chhiúⁿ-lia̍h ê, lí ê sù-chiá ê siaⁿ, bô koh hō͘ lâng thiaⁿ-.tio̍h. " | 註釋 串珠 盧導讀台 |