| 章節 | 全民台語聖經全羅經文 | 註釋 |
| 11:1 | I-é-su hoan-hù cha̍p-jī sù-tô͘ liáu-āu, chiū lī-khui hia, khì hù-kīn ê siâⁿ kà-sī lâng kah thoân hok-im. | 註釋 串珠 盧華 盧導讀台 |
| 11:2 | Kiâⁿ Sé-lé Iô-há-neh ê Gî-būn( Lk 7: 18-35)Iô-há-neh tī kaⁿ-.ni̍h thiaⁿ tio̍h Ki-tok só͘ chò ê tāichì, chiū chhe bûn-tô͘ khì mn̄g I kóng, | 註釋 串珠 盧華 盧導讀台 |
| 11:3 | " Lí kám sī teh beh lâi ê hit ūi? Á-sī goán tio̍h koh tán lēng-gōa chi̍t ūi? " | 註釋 串珠 盧華 盧導讀台 |
| 11:4 | I-é-su ìn kóng, " Lín tio̍h kā só͘ thiaⁿ tio̍h kah só͘ khòaⁿ-.tio̍h ê, khì kā Iô-há-neh kóng, | 註釋 串珠 盧華 盧導讀台 |
| 11:5 | Chiū-sī chheⁿmê-.ê khòaⁿ-.tio̍h, pái-kha-.ê kiâⁿ lō͘, thái-ko-ê chheng-khì, chhàu-hīⁿ-lâng ê thiaⁿ-.tio̍h, sí-.khì ê lâng koh-oa̍h, sànchhiah lâng thiaⁿ tio̍h hok-im. (chù, ISI 35:5; 61:1) | 註釋 串珠 盧華 盧導讀台 |
| 11:6 | Tùi góa bô hoâi-gî ê lâng, si̍t-chāi ū hok-khì. " | 註釋 串珠 盧華 盧導讀台 |
| 11:7 | Kiâⁿ Sé-lé Iô-há-neh ê Ho͘-io̍kIn lī-khui ê sî, I-é-su chiah tùi kûn-chiòng thê-khí Iô-há-neh ê tāichì kóng, " Lín chá-chêng chhut-khì khòng-iá, sī beh khòaⁿ siáⁿ-mi̍h à? Kám sī beh khòaⁿ lô͘-tek hō͘ hong chhoe tín-tāng? | 註釋 串珠 盧華 盧導讀台 |
| 11:8 | Lín tàu-té chhut-khì ài khòaⁿ siáⁿ-mi̍h? Kám sī lâng chhēng ko-kùi ê saⁿ-khò͘? Lí khòaⁿ, chhēng ko-kùi saⁿ-khò͘ ê sī tī ông-kiong lāi. | 註釋 串珠 盧華 盧導讀台 |
| 11:9 | Nā-sī ánne, lín chhut-khì sī ūi tio̍h chhòng siáⁿ? Kám sī beh khòaⁿ sian-ti? Sī là. Góa kā lín kóng, i pí sian-ti koh khah úi-tāi. | 註釋 串珠 盧華 盧導讀台 |
| 11:10 | Koan-hē chit-ê lâng, ū kì-chài, góa chhe góa ê sù-chiá tī Lí ê bīn-chêng; i beh chò Lí ê sian-hong, kā Lí khui lō͘. (chù, MLK 3:1) | 註釋 串珠 盧華 盧導讀台 |
| 11:11 | Kiâⁿ Sé-lé Iô-há-neh Thoân-tō ê Ì-gī" Góa si̍t-chāi kā lín kóng, hū-jîn-lâng só͘ seⁿ ê, bô chi̍t-ê lâng pí kiâⁿ sé-lé Iô-há-neh khah úi-tāi; chóng-.sī, tī thian-kok siōng bî-sè-.ê, iáu koh pí i khah úi-tāi. | 註釋 串珠 盧華 盧導讀台 |
| 11:12 | Tùi kiâⁿ sé-lé Iô-há-neh ê sî-ji̍t kàu taⁿ, thian-kok it-ti̍t siū kiông-lia̍t ê kong-kek, kiông-béng ê lâng ēng pō-le̍k lâi chhiúⁿ-toa̍t. | 註釋 串珠 盧華 盧導讀台 |
| 11:13 | In-ūi chèng sian-ti kah lu̍t-hoat ê ī-giân kàu Iô-há-neh ê sî ûi-chí. | 註釋 串珠 盧華 盧導讀台 |
| 11:14 | Lín nā goān-ì chiap-siū chiahê ī-giân, chit-ê lâng to̍h-sī teh beh lâi ê E-li-iah. | 註釋 串珠 盧華 盧導讀台 |
| 11:15 | Ū hīⁿ-khang thang thiaⁿ ê lâng, tio̍h thiaⁿ. | 註釋 串珠 盧華 盧導讀台 |
| 11:16 | Chit-ê Sè-tāiGóa tàu-té tio̍h ēng siáⁿ-mi̍h lâi pí-phēng chit sè-tāi ê lâng? In tú chhin-chhiūⁿ chi̍t tīn gín'á chē tī chhī-á-kháu, lâi teh tùi in ê tâng-phōaⁿ kóng, | 註釋 串珠 盧華 盧導讀台 |
| 11:17 | Goán tùi lín pûn phín-á, lín bô thiàu-bú; goán teh thî-khàu, lín mā bô pi-siong. | 註釋 串珠 盧華 盧導讀台 |
| 11:18 | In-ūi Iô-há-neh lâi, bô chia̍h bô lim, lâng chiū kóng, i hō͘ siâ-sîn hū-sin. | 註釋 串珠 盧華 盧導讀台 |
| 11:19 | Jîn-chú lâi, ū chia̍h koh ū lim, lâng chiū kóng I sī tham-chia̍h hò͘ⁿ-chiú ê lâng, koh sī thiu-sòe ê kah chōe-jîn ê pêng-iú, m̄ koh, Siōng-tè ê tì-hūi sī tùi I ê hêng-ûi lâi tit tio̍h chèng-si̍t. " | 註釋 串珠 盧華 盧導讀台 |
| 11:20 | Chek-pī M̄ Hóe-kái ê Siâⁿ( Lk 10:13-15)I-é-su í-keng tī hiahê siâⁿ kiâⁿ chin chē sîn-jiah, in-ūi in lóng bô hóe-kái, I chiū chek-pī in kóng, | 註釋 串珠 盧華 盧導讀台 |
| 11:21 | " Ko-la̍h-sìn, lí chhám à! Bia̍t-sái-tah, lí chhám à! In-ūi tī lín tiong-kan só͘ kiâⁿ ê sîn-jiah, nā kiâⁿ tī Tu-lô kah Si-tòng, in chá to̍h chhēng môa-saⁿ sám hóe-hu lâi hóe-kái. | 註釋 串珠 盧華 盧導讀台 |
| 11:22 | M̄ koh, góa kā lín kóng, tng sím-phòaⁿ ê ji̍t, Tu-lô kah Si-tòng ē pí lín siū khah khin ê hêng-hoa̍t. | 註釋 串珠 盧華 盧導讀台 |
| 11:23 | Ka-peh-ná-um, lí kám ài lâng kā lí phô͘-tháⁿ chiūⁿ thiⁿ? Siōng-tè ē kā lí hiat-lo̍h im-hú; in-ūi tī lí hia só͘ kiâⁿ ê sîn-jiah, nā kiâⁿ tī So͘-tóm, chit-ê siâⁿ chiū ē chûn-chāi kàu kin-á-ji̍t. | 註釋 串珠 盧華 盧導讀台 |
| 11:24 | M̄ koh, góa kā lín kóng, tī sím-phòaⁿ ê ji̍t, So͘-tóm só͘ siū ê hêng-hoa̍t ē pí lí khah khin. " | 註釋 串珠 盧華 盧導讀台 |
| 11:25 | Lâi Góa Chia Tit An-hioh( Lk 10: 21-22)Hit sî, I-é-su kóng, " Thiⁿ-pē ah, thiⁿ-tē ê Chú, góa kám-siā Lí, in-ūi Lí kā chiahê tāichì, tùi tì-hūi chhong-bêng ê lâng am-khàm khí-.lâi, khiok ū tùi sè-hàn gín'á khé-sī. | 註釋 串珠 盧華 盧導讀台 |
| 11:26 | Pē ah, sī lah, in-ūi che sī chiàu Lí ê chí-ì lâi chò ê. | 註釋 串珠 盧華 盧導讀台 |
| 11:27 | Góa ê Thiⁿ-pē í-keng kā it-chhè kau-thok góa, Thiⁿ-pē í-gōa, bô lâng bat Kiáⁿ; Kiáⁿ kah Kiáⁿ só͘ ài beh chí-sī ê lâng í-gōa, mā bô lâng bat Thiⁿ-pē. | 註釋 串珠 盧華 盧導讀台 |
| 11:28 | " Lô-khó͘ taⁿ tāng-tàⁿ ê, lóng tio̍h lâi góa chia, góa beh hō͘ lín an-hioh. | 註釋 串珠 盧華 盧導讀台 |
| 11:29 | Góa sim-lāi un-jiû khiam-sùn, lín tio̍h phāiⁿ góa ê ka-taⁿ lâi tùi góa ha̍k-si̍p, lín ê sim-sîn chiū ē tit tio̍h an-hioh; | 註釋 串珠 盧華 盧導讀台 |
| 11:30 | In-ūi góa ê ka-taⁿ hó-ēng, góa ê tàⁿ koh khin. " | 註釋 串珠 盧華 盧導讀台 |