| 章節 | 全民台語聖經全羅經文 | 註釋 |
| 16:1 | Iau-kiû Sîn-jiah( Mk 8: 11-13; Lk 12: 54-56)Ū chi̍t pái, Hoa-lí-sái phài kah Sat-to-kai phài ê lâng lâi chhì-thàm I-é-su, iau-kiû I ēng tùi thiⁿ-téng lâi ê sîn-jiah hō͘ in khòaⁿ. | 註釋 串珠 盧華 盧導讀台 |
| 16:2 | I-é-su ìn kóng, " Beh àm á sî, lín kóng, ' In-ūi thiⁿ-sek âng, só͘-í, bîn-á-chài ē hó thiⁿ. ' | 註釋 串珠 盧華 盧導讀台 |
| 16:3 | Á chá-khí sî lín kóng, ' Kin-á-ji̍t ū hong-hō͘, in-ūi thiⁿ-sek o͘-àm koh âng. 'Lín ē-hiáu hun-pia̍t thiⁿ-sek, ná ē bē hiáu hun-pia̍t sî-tāi ê tiāu-thâu? | 註釋 串珠 盧華 盧導讀台 |
| 16:4 | Siâ-ok kan-îm ê sè-tāi siūⁿ beh kiû sîn-jiah? Iô-ná ê sîn-jiah í-gōa, Siōng-tè bô beh koh ū sîn-jiah hō͘ chit sè-tāi. " I-é-su kóng liáu, chiū lī-khui hia khì pa̍t-ê só͘-chāi. | 註釋 串珠 盧華 盧導讀台 |
| 16:5 | Hoa-lí-sái Phài kah Sat-to-kai Phài ê Kàⁿ-bó( Mk 8: 14-21)Bûn-tô͘ kòe-khì hit pêng hōaⁿ ê sî, chiah hoat kiàn bē kì-tit tòa piáⁿ. | 註釋 串珠 盧華 盧導讀台 |
| 16:6 | I-é-su kā in kóng, " Tio̍h kín-sīn thê-hông Hoa-lí-sái phài kah Sat-to-kai phài ê lâng ê kàⁿ-bó. " | 註釋 串珠 盧華 盧導讀台 |
| 16:7 | Bûn-tô͘ hō͘-siong gī-lūn, kóng, " Kám sī lán bô tòa piáⁿ I chiah ánne kóng? " | 註釋 串珠 盧華 盧導讀台 |
| 16:8 | I-é-su chai-iáⁿ, chiū kóng, " Lín ná ē hiah bô sìn-sim? Án-chóaⁿ teh gī-lūn bô tòa piáⁿ ê tāichì? | 註釋 串珠 盧華 盧導讀台 |
| 16:9 | Lín kám iáu koh bē liáu-kái? Lín kám bē kì-tit góa hō͘ gō͘-chheng lâng chia̍h gō͘ tè piáⁿ, chia̍h chhun lo̍h-.lâi ê léng ū khioh kúi nâ? | 註釋 串珠 盧華 盧導讀台 |
| 16:10 | Lín kám bē kì-tit góa hō͘ sì-chheng lâng chia̍h chhit tè piáⁿ, chia̍h chhun lo̍h-.lâi ê lín ū khioh kúi nâ? | 註釋 串珠 盧華 盧導讀台 |
| 16:11 | Lín án-chóaⁿ bē liáu-kái góa só͘ kā lín kóng ê, m̄-sī koan-hē piáⁿ ê tāichì? Tio̍h thê-hông Hoa-lí-sái phài kah Sat-to-kai phài ê lâng ê kàⁿ-bó. " | 註釋 串珠 盧華 盧導讀台 |
| 16:12 | Chit sî bûn-tô͘ chiah liáu-kái I-é-su só͘ kóng ê m̄-sī piáⁿ ê kàⁿ-bó, sī kiò in tio̍h thê-hông Hoa-lí-sái phài kah Sat-to-kai phài ê lâng ê kà-sī. | 註釋 串珠 盧華 盧導讀台 |
| 16:13 | Piat-tò͘ Soan-kò Sêng-jīn I-é-su Sī Ki-tok( Mk 8: 27-30; Lk 9: 18-21)I-é-su lâi-kàu Kai-sa-lī-a • Hui-li̍p-póe ê kéng-kài, mn̄g I ê bûn-tô͘ kóng, " Lâng teh kóng Jîn-chú sī siáⁿ lâng? " | 註釋 串珠 盧華 盧導讀台 |
| 16:14 | In ìn kóng, " Ū lâng kóng sī kiâⁿ sé-lé Iô-há-neh, ū lâng kóng sī E-li-iah, koh ū lâng kóng sī I-é-lí-miah á-.sī sian-ti tiong-kan ê chi̍t-ê. " | 註釋 串珠 盧華 盧導讀台 |
| 16:15 | I-é-su koh mn̄g kóng, " Á lín lè? Lín kóng góa sī siáⁿ lâng? " | 註釋 串珠 盧華 盧導讀台 |
| 16:16 | Sí-mòng Piat-tò͘ ìn kóng, " Lí sī Ki-tok, éng-oán oa̍h ê Siōng-tè ê Kiáⁿ. " | 註釋 串珠 盧華 盧導讀台 |
| 16:17 | I-é-su ìn i kóng, " Iô-ná （ Chù, Iô-há-neh hok-im 21:16 kì chò " Iô-há-neh "）ê kiáⁿ Sí-mòng, lí si̍t-chāi chin ū hok-khì, in-ūi kā lí khé-sī ê, m̄-sī lâng, sī góa ê Thiⁿ-pē. | 註釋 串珠 盧華 盧導讀台 |
| 16:18 | Góa koh kā lí kóng, lí ê miâ kiò-chò Piat-tò͘, ì-sù sī chio̍h-pôaⁿ. Góa beh tī chit-ê chio̍h-pôaⁿ téng, khí-chō góa ê kàu-hōe; im-kan sí-bông ê koân-sè, mā bē iâⁿ-kòe kàu-hōe. | 註釋 串珠 盧華 盧導讀台 |
| 16:19 | Góa beh kā thian-kok ê só-sî kau hō͘ lí, lí tī tē-chiūⁿ só͘ kìm-chí ê, góa tī thiⁿ-téng mā beh kìm-chí; lí tī tē-chiūⁿ só͘ ín-chún ê, góa tī thiⁿ-téng mā beh ín-chún. " | 註釋 串珠 盧華 盧導讀台 |
| 16:20 | Jiân-āu I-é-su giâm-kìm bûn-tô͘, m̄ thang kā lâng kóng I to̍h-sī Ki-tok. | 註釋 串珠 盧華 盧導讀台 |
| 16:21 | I-é-su Tē-it pái Ī-giân I ê Sí-bông kah Koh-oa̍h( Mk 8:31-9:1; Lk 9: 22-27)Tùi hit sî khai-sí, I-é-su chiah bêng-khak hō͘ I ê bûn-tô͘ chai-iáⁿ, I it-tēng tio̍h khì Ê-lú-sa-lèm, ē hō͘ hiahê tiúⁿ-ló, chè-si-tiúⁿ, keng-ha̍k kàu-su pek-hāi, siū chin chē khó͘-lān, mā it-tēng ē hō͘ in hāi-sí, tē-saⁿ ji̍t Siōng-tè ē hō͘ I koh-oa̍h. | 註釋 串珠 盧華 盧導讀台 |
| 16:22 | Piat-tò͘ khiú I khì piⁿ-á, kā I khó͘-khǹg kóng, " Chú ah, chhian-bān m̄ thang ánne, chit-hāng tāichì choa̍t-tùi m̄ thang hoat-seng tī Lí sin chiūⁿ. " | 註釋 串珠 盧華 盧導讀台 |
| 16:23 | I-é-su oa̍t tńg-sin tùi Piat-tò͘ kóng, " Sa-tán, siám-khui! Lí sī góa ê chó͘-gāi, lí só͘ siūⁿ ê m̄-sī Siōng-tè ê tāichì, sī lâng ê tāichì. " | 註釋 串珠 盧華 盧導讀台 |
| 16:24 | Sèⁿ-miā ê Pó-chûn kah Sòng-sitJiân-āu I-é-su tùi bûn-tô͘ kóng, " Lâng nā ài beh tòe góa, tio̍h pàng-sak kakī, giâ i ê si̍p-jī-kè lâi tòe góa. | 註釋 串珠 盧華 盧導讀台 |
| 16:25 | In-ūi beh kiù kakī sèⁿ-miā ê lâng ē sòng-sit sèⁿ-miā; ūi tio̍h góa ê iân-kò͘ lâi sòng-sit sèⁿ-miā ê lâng, tian-tò ē tit tio̍h sèng-miā. | 註釋 串珠 盧華 盧導讀台 |
| 16:26 | Lâng nā tit tio̍h choân sè-kài lâi sòng-sit sèⁿ-miā, ū siáⁿ-mi̍h lī-ek? Lâng ē-tàng ēng siáⁿ-mi̍h tāi-kè lâi bé i ê sèⁿ-miā? | 註釋 串珠 盧華 盧導讀台 |
| 16:27 | Jîn-chú beh tī I ê Thiⁿ-pē ê êng-kng tiong kah I ê thiⁿ-sài chò-hóe lâi-lîm, hit sî I ē chiàu ta̍k lâng ê só͘ chò lâi kā in pò-siúⁿ á-.sī hêng-hoa̍t. | 註釋 串珠 盧華 盧導讀台 |
| 16:28 | Góa si̍t-chāi kā lín kóng, khiā tī chia ê lâng, ū lâng iáu-bōe sí í-chêng, to̍h ē khòaⁿ tio̍h Jîn-chú chò ông lâi-lîm. " | 註釋 串珠 盧華 盧導讀台 |