| 章節 | 全民台語聖經全羅經文 | 註釋 |
| 19:1 | Koan-hē Lî-hun ê Kà-sī( Mk 10: 1-12)I-é-su kóng chiahê ōe liáu-āu, chiū lī-khui Ga-lí-la-iah séng khì Iol-tàn hô tùi-hōaⁿ ê Iô-tá-iah tē. | 註釋 串珠 盧華 盧導讀台 |
| 19:2 | Ū chin tōa-tīn ê lâng tòe I khì, I chiū tī hia kā in ê pēⁿ i hó. | 註釋 串珠 盧華 盧導讀台 |
| 19:3 | Ū chi̍t-kóa Hoa-lí-sái phài ê lâng lâi chhì-thàm I-é-su, kóng, " Lâng bô-lūn siáⁿ-mi̍h lí-iû lóng thang lî i ê bó͘, tio̍h bô? " | 註釋 串珠 盧華 盧導讀台 |
| 19:4 | I-é-su ìn kóng, " Lín kám bô tha̍k tio̍h chhòng-chō ê Chú, goân-khí-thâu chhòng-chō lâng ū lâm ū lí? (chù, CSK 1:27; 5:2) | 註釋 串珠 盧華 盧導讀台 |
| 19:5 | Koh kóng, in-ūi ánne, lâng beh lī-khui pē-bú kah i ê bó͘ kiat-liân, nn̄g-ê beh chiâⁿ-chò chi̍t thé. (chù, CSK 2:24) | 註釋 串珠 盧華 盧導讀台 |
| 19:6 | Án-ne khòaⁿ khí-.lâi, hu-hū bô koh chò nn̄g-ê, sī chò chi̍t thé, só͘-í, Siōng-tè só͘ phòe-ha̍p ê, lâng m̄ thang kā in thiah-khui. " | 註釋 串珠 盧華 盧導讀台 |
| 19:7 | Hoa-lí-sái phài ê lâng koh mn̄g kóng, " Nā-sī ánne, Mô͘-se án-chóaⁿ ē hoan-hù lâng ēng lî-hun-su hō͘ i, chiū thang kā i lī? " | 註釋 串珠 盧華 盧導讀台 |
| 19:8 | I-é-su ìn kóng, " Mô͘-se In-ūi lín ê sim ngē, chún lín lî bó͘, m̄ koh, Siōng-tè tī chhòng-sè ê goân-khí-thâu m̄-sī ánne. | 註釋 串珠 盧華 盧導讀台 |
| 19:9 | Góa kā lín kóng, nā m̄-sī ūi tio̍h bó͘ hoān kan-îm ê iân-kò͘, kā bó͘ lî tiāu-lâi chhōa pa̍t-ê bó͘, to̍h-sī hoān kan-îm. Chhōa chit-ê hông lî ê bó͘ ê lâng mā sī hoān kan-îm. " | 註釋 串珠 盧華 盧導讀台 |
| 19:10 | Bûn-tô͘ kā I kóng, " Lâng ê ang-bó͘ koan-hē Nā-sī ánne, lêng-khó mài kiat-hun khah hó. " | 註釋 串珠 盧華 盧導讀台 |
| 19:11 | I-é-su kā in kóng, " Chit-ê ōe m̄-sī ta̍k lâng lóng ē-tàng chiap-siū. Kan-taⁿ ū chit khoán un-sù ê lâng chiah ē. | 註釋 串珠 盧華 盧導讀台 |
| 19:12 | In-ūi ū lâng chhut-sì to̍h bô sek-ha̍p kiat-hun, mā ū jîn-ûi ê iân-kò͘, mā ū ūi tio̍h thian-kok ê iân-kò͘. Ē-tàng chiap-siū ê lâng chiah hó ánne chò. " | 註釋 串珠 盧華 盧導讀台 |
| 19:13 | I-é-su Chiok-hok Sè-hàn Gín-á( Mk 10: 13-16; Lk 18, 15-17)Ū lâng chhōa sè-hàn gín'á lâi I-é-su hia, ài I kā in hōaⁿ chhiú lâi kî-tó. Bûn-tô͘ chek-pī hiahê lâng. | 註釋 串珠 盧華 盧導讀台 |
| 19:14 | M̄ koh, I-é-su kóng, " Tio̍h hō͘ sè-hàn gín'á lâi góa chia, m̄ thang kā in chó͘-tòng, in-ūi chhin-chhiūⁿ chiahê gín'á ê lâng chiah ē-tàng chiâⁿ-chò thian-kok ê chú-bîn. " | 註釋 串珠 盧華 盧導讀台 |
| 19:15 | I-é-su kā in hōaⁿ chhiú liáu-āu, chiū lī-khui hia. | 註釋 串珠 盧華 盧導讀台 |
| 19:16 | Hó-gia̍h ê Siàu-liân Lâng ê Gî-būn( Mk 10: 17-31; Lk 18: 18-30)Ū chi̍t-ê hó-gia̍h ê siàu-liân lâng lâi mn̄g I-é-su kóng, " Lāu-su, góa tio̍h chò siáⁿ-mi̍h hó sū chiah ē-tàng tit tio̍h éng-oán ê oa̍h-miā? " | 註釋 串珠 盧華 盧導讀台 |
| 19:17 | I-é-su ìn kóng, " Lí ná ē mn̄g góa siáⁿ-mi̍h sī hó sū? Oân-choân koh hó ê chí ū chi̍t ūi, chóng-.sī, lí nā ài chìn-ji̍p éng-oán ê oa̍h-miā, tio̍h chun-siú chiahê kài-bēng. " | 註釋 串珠 盧華 盧導讀台 |
| 19:18 | Hitê lâng mn̄g I-é-su kóng, " Sī siáⁿ-mi̍h kài-bēng? " I-é-su ìn kóng, " M̄-thang thâi-sí-lâng, m̄ thang kiâⁿ kan-îm, m̄ thang thau-the̍h, m̄ thang lāmsám chò kiàn-chèng, | 註釋 串珠 盧華 盧導讀台 |
| 19:19 | Tio̍h hàu-kèng pē-bú, (chù, CAG 20:12-16; SBK 5:16-20) tio̍h thiàⁿ chhù-piⁿ chhin-chhiūⁿ kakī. "( Chù, LBK 19:18) | 註釋 串珠 盧華 盧導讀台 |
| 19:20 | Siàu-liân lâng kóng, " Chiahê góa lóng ū teh chun-siú. Taⁿ iáu koh khiàm siáⁿ-mi̍h? " | 註釋 串珠 盧華 盧導讀台 |
| 19:21 | I-é-su kā i kóng, " Lí nā ài beh chò oân-choân ê lâng, tio̍h khì bē lí só͘-ū ê châi-sán lâi pun hō͘ sànchhiah lâng, ánne, lí tī thiⁿ-téng chiū ū châi-pó, jiân-āu chiah lâi tòe góa. " | 註釋 串珠 盧華 盧導讀台 |
| 19:22 | Siàu-liân lâng thiaⁿ tio̍h chiahê ōe chiū iu-iu chhiû-chhiû lī-khui, in-ūi i ū chin chē sán-gia̍p. | 註釋 串珠 盧華 盧導讀台 |
| 19:23 | Pàng-sak Sè-kan mi̍h ê Kà-sīI-é-su chiū kā bûn-tô͘ kóng, " Góa si̍t-chāi kā lín kóng, hó-gia̍h lâng beh chìn-ji̍p thian-kok si̍t-chāi chin khùn-lān! | 註釋 串珠 盧華 盧導讀台 |
| 19:24 | Góa koh kā lín kóng, lo̍k-tô chhng-kòe chiam-phīⁿ mā pí hó-gia̍h lâng ji̍p thian-kok khah kán-tan. " | 註釋 串珠 盧華 盧導讀台 |
| 19:25 | Bûn-tô͘ thiaⁿ-liáu tōa tio̍h-kiaⁿ, kóng, " Nā-sī ánne, siáⁿ lâng chiah ē-tàng tit-kiù? " | 註釋 串珠 盧華 盧導讀台 |
| 19:26 | I-é-su lia̍h in kim-kim khòaⁿ, kóng, " Lâng chò bē kàu ê tāichì, Siōng-tè bān sū lóng ū hoat-tō͘. " | 註釋 串珠 盧華 盧導讀台 |
| 19:27 | Piat-tò͘ chiū mn̄g I-é-su kóng, " Goán í-keng pàng-sak it-chhè lâi tòe Lí, ánne goán ē tit tio̍h siáⁿ-mi̍h? " | 註釋 串珠 盧華 盧導讀台 |
| 19:28 | I-é-su kā in kóng, " Góa si̍t-chāi kā lín kóng, chiong-lâi sin sè-kài lâi-lîm ê sî, Jîn-chú chē tī I êng-kng ê pó-chō, lín chiahê tòe góa ê lâng mā ē chē tī cha̍p-jī-ê pó-chō, lâi sím-phòaⁿ I-su-la-el cha̍p-jī-ê chi-cho̍k. | 註釋 串珠 盧華 盧導讀台 |
| 19:29 | Ūi tio̍h Góa ê miâ lâi pàng-sak chhù-the̍h á-.sī hiaⁿ-tī, chí-mōe, lāu-pē, lāu-bú, kiáⁿ-jî á-.sī chhân-hn̂g ê lâng, lóng ē tit tio̍h pah pōe ê pò-siúⁿ, koh sêng-chiap éng-oán ê oa̍h-miā. | 註釋 串珠 盧華 盧導讀台 |
| 19:30 | Chóng-.sī, chitmá chò tāi-seng ê lâng, chin chē ē piàn-chò lō͘-bóe; chitmá chò lō͘-bóe ê lâng, ē piàn-chò tāi-seng. " | 註釋 串珠 盧華 盧導讀台 |