| 章節 | 全民台語聖經全羅經文 | 註釋 |
| 22:1 | Hun-iàn ê Phì-jū( Lk 14: 15-24)I-é-su koh ēng phì-jū kā in kóng, | 註釋 串珠 盧華 盧導讀台 |
| 22:2 | " Thian-kok chhin-chhiūⁿ chi̍t-ê kok-ông kā i ê kiáⁿ pān hun-iàn. | 註釋 串珠 盧華 盧導讀台 |
| 22:3 | I chhe lô͘-po̍k khì kiò só͘ iau-chhiáⁿ ê lâng lâi hù hun-iàn, m̄ koh, in m̄ lâi. | 註釋 串珠 盧華 盧導讀台 |
| 22:4 | Kok-ông koh chhe kî-tha ê lô͘-po̍k, kā in kóng, ' Khì kā só͘ iau-chhiáⁿ ê lâng kóng, góa ê iàn-se̍k í-keng chún-pī hó-sè, góa ê gû kah pûi ê chengseⁿ mā í-keng thâi à. It-chhè lóng chún-pī hó à. Chhiáⁿ lín tio̍h lâi hù iàn-se̍k. ' | 註釋 串珠 盧華 盧導讀台 |
| 22:5 | Hiahê lâng bô khòaⁿ-chò iàu-kín, chò in khì; chi̍t-ê khì chhân-hn̂g chò-kang, chi̍t-ê khì chò senglí, | 註釋 串珠 盧華 盧導讀台 |
| 22:6 | Kî-tha ê lâng lia̍h i ê lô͘-po̍k lâi lêng-jio̍k, kā in thâi-sí. | 註釋 串珠 盧華 盧導讀台 |
| 22:7 | Kok-ông hui-siông siū-khì, chiū phài kun-peng châu-bia̍t hiahê hiong-chhiú, koh pàng hóe sio in ê siâⁿ. | 註釋 串珠 盧華 盧導讀台 |
| 22:8 | Jiân-āu kā i ê lô͘-po̍k kóng, ' hun-in ê iàn-se̍k í-keng chún-pī hó-sè, m̄ koh, só͘ iau-chhiáⁿ ê lâng lóng bē kham-tit lâi. | 註釋 串珠 盧華 盧導讀台 |
| 22:9 | Só͘-í, lín khì tōa lō͘-kháu, kā só͘ tú-.tio̍h ê lâng lóng chhiáⁿ lâi hù hun-iàn. ' | 註釋 串珠 盧華 盧導讀台 |
| 22:10 | Hiahê lô͘-po̍k chhut-khì lō͘-.ni̍h, kā só͘ tú-.tio̍h ê bô-lūn hó-pháiⁿ lóng chhiáⁿ lâi. Hun-iàn ê tōa thiaⁿ lâng-kheh chē kah móa-móa. | 註釋 串珠 盧華 盧導讀台 |
| 22:11 | Kok-ông ji̍p-khì khòaⁿ hiahê lâng-kheh, khòaⁿ tio̍h tī hia ū chi̍t-ê lâng bô chhēng lé-ho̍k, | 註釋 串珠 盧華 盧導讀台 |
| 22:12 | Chiū mn̄g i kóng, ' Pêng-iú, lí ji̍p-lâi chia ná ē bô chhēng lé-ho̍k? ' Hitê lâng tiām-tiām bô ìn. | 註釋 串珠 盧華 盧導讀台 |
| 22:13 | Hit sî, kun-ông kā chiahê lô͘-po̍k kóng, ' Kā i ê kha-chhiú pa̍k khí-.lâi, kā i hiat chhut-khì gōa-bīn o͘-àm ê só͘-chāi. Tī hia i ē thî-khàu, kā-gê chhiat-khí. ' | 註釋 串珠 盧華 盧導讀台 |
| 22:14 | In-ūi siū ho͘-tiàu ê lâng chē, siū kéng-soán ê lâng chió. " | 註釋 串珠 盧華 盧導讀台 |
| 22:15 | La̍p-sòe ê Būn-tê( Mk 12: 13-17; Lk 20: 20-26)Hit sî, Hoa-lí-sái phài ê lâng chhut-khì chham-siông, siūⁿ khòaⁿ beh án-chóaⁿ chhńg I-é-su ê ōe-phāng lâi kā I hām-hāi. | 註釋 串珠 盧華 盧導讀台 |
| 22:16 | In chiū chhe-phài bûn-tô͘ kah He-lo̍t tóng ê lâng lâi kā I-é-su kóng, " Lāu-su ah, goán chai Lí sī láu-si̍t lâng, koh chiàu Siōng-tè ê chin-lí lâi kà-sī lâng. Lí m̄-kiaⁿ pòaⁿ-lâng, in-ūi Lí bô khòaⁿ lâng ê gōa-māu. | 註釋 串珠 盧華 盧導讀台 |
| 22:17 | Chhiáⁿ Lí kā goán kóng, la̍p-sòe hō͘ Lô-má ê hông-tè ū ha̍h lu̍t-hoat bô? " | 註釋 串珠 盧華 盧導讀台 |
| 22:18 | I-é-su chai-iáⁿ in ê pháiⁿ liām-thâu, chiū kóng, " Ké hó ê lâng, lín án-chóaⁿ beh lâi kā góa chhì-thàm? | 註釋 串珠 盧華 盧導讀台 |
| 22:19 | The̍h chi̍t-ê la̍p-sòe ê gîn-pè lâi hō͘ góa khòaⁿ. " In chiū the̍h chi̍t-ê gîn-pè hō͘ I-é-su khòaⁿ. | 註釋 串珠 盧華 盧導讀台 |
| 22:20 | I-é-su mn̄g in kóng, " Chit-ê siōng kah jī-hō sī siáⁿ lâng ê? " | 註釋 串珠 盧華 盧導讀台 |
| 22:21 | In ìn kóng, " Sī hông-tè ê. " I-é-su chiū kā in kóng, " Án-ne, lín tio̍h kā hông-tè ê mi̍h la̍p hō͘ hông-tè, kā Siōng-tè ê mi̍h la̍p hō͘ Siōng-tè. " | 註釋 串珠 盧華 盧導讀台 |
| 22:22 | In thiaⁿ tio̍h ánne chin tio̍h-kiaⁿ, chiū lī-khui I-é-su. | 註釋 串珠 盧華 盧導讀台 |
| 22:23 | Sí-lâng Koh-oa̍h ê Būn-tê( Mk 12: 18-27; Lk 20: 27-40)Kāng hit ji̍t, chi̍t-kóa chú-tiuⁿ lâng sí-liáu bô koh-oa̍h ê Sat-to-kai phài ê lâng lâi mn̄g I-é-su kóng, | 註釋 串珠 盧華 盧導讀台 |
| 22:24 | " Lāu-su ah, Mô͘-se kóng, ' Ū lâng bô seⁿ kiáⁿ to̍h sí-.khì, i ê sió-tī tio̍h chhōa hiaⁿ-só lâi chò bó͘, thang seⁿ kiáⁿ lâi ūi i ê a-hiaⁿ thoân-chong chiap-tāi. (chù, SBK 25:5) | 註釋 串珠 盧華 盧導讀台 |
| 22:25 | Taⁿ goán chia ū hiaⁿ-tī chhit lâng. Tōa-hiaⁿ chhōa bó͘ liáu chiū sí-.khì, bô kiáⁿ, kā i e bó͘ pàng hō͘ i ê sió-tī. | 註釋 串珠 盧華 盧導讀台 |
| 22:26 | Tē-jī-ê, tē-saⁿ-ê, kàu tē-chhit-ê lóng sī kāng-khoán chêng-hêng. | 註釋 串珠 盧華 盧導讀台 |
| 22:27 | Kàu bóe, hit-ê hū-jîn-lâng mā sí. | 註釋 串珠 盧華 盧導讀台 |
| 22:28 | Án-ne tī koh-oa̍h ê sî, chit-ê hū-jîn-lâng beh chò siáⁿ lâng ê bó͘? In-ūi chhit-ê hiaⁿ-tī lóng ū chhōa kòe i chò bó͘. " | 註釋 串珠 盧華 盧導讀台 |
| 22:29 | I-é-su ìn kóng, " Lín siūⁿ m̄ tio̍h à. Lín m̄ bat keng-tián kah Siōng-tè ê koân-lêng. | 註釋 串珠 盧華 盧導讀台 |
| 22:30 | In-ūi koh-oa̍h ê sî, in ē kah thiⁿ-téng ê thiⁿ-sài kāng-khoán, bô kè bô chhōa. | 註釋 串珠 盧華 盧導讀台 |
| 22:31 | Koan-hē sí-lâng koh-oa̍h ê tāichì, lín kám bô tha̍k tio̍h Siōng-tè só͘ kā lín kóng ê ōe, | 註釋 串珠 盧華 盧導讀台 |
| 22:32 | ' Góa to̍h-sī A-bu-la-hàm ê Siōng-tè, Í-sak ê Siōng-tè, Iâ-kop ê Siōng-tè' (chù, CAG 3:6; 15-16)? I m̄-sī sí-lâng ê Siōng-tè, sī oa̍h-lâng ê Siōng-tè. " | 註釋 串珠 盧華 盧導讀台 |
| 22:33 | Chèng lâng thiaⁿ tio̍h I-é-su ê kà-sī, chin tio̍h-kiaⁿ. | 註釋 串珠 盧華 盧導讀台 |
| 22:34 | Siōng Tiōng-iàu ê Kài-bēng( Mk 12: 28-34; Lk 10: 25-28)Hoa-lí-sái phài ê lâng thiaⁿ tio̍h I-é-su í-keng hō͘ Sat-to-kai phài ê lâng bô ōe thang ìn, chiū chū-chi̍p chò-hóe. | 註釋 串珠 盧華 盧導讀台 |
| 22:35 | Kî-tiong chi̍t-ê lu̍t-hoat kàu-su lâi beh chhì-thàm I-é-su, kóng, | 註釋 串珠 盧華 盧導讀台 |
| 22:36 | " Lāu-su ah, lu̍t-hoat tiong tó chi̍t tiâu kài-bēng siōng tiōng-iàu? " | 註釋 串珠 盧華 盧導讀台 |
| 22:37 | I-é-su ìn kóng, " Lí tio̍h chīn-sim, chīn-sèng, chīn-ì thiàⁿ Chú — lí ê Siōng-tè. | 註釋 串珠 盧華 盧導讀台 |
| 22:38 | Chit-ê siōng iàu-kín, mā sī thâu chi̍t-ê kài-bēng. | 註釋 串珠 盧華 盧導讀台 |
| 22:39 | Tē-jī tiâu mā kāng-khoán, tio̍h thiàⁿ chhù-piⁿ chhin-chhiūⁿ kakī. (chù, LBK 19: 18) | 註釋 串珠 盧華 盧導讀台 |
| 22:40 | Chit nn̄g tiâu kài-bēng sī choân-pō͘ lu̍t-hoat kah sian-ti kà-sī ê chóng-kin-thâu. " | 註釋 串珠 盧華 盧導讀台 |
| 22:41 | Ta-bi̍t ê Kiáⁿ-sun ê Būn-tê( Mk 12: 35-37; Lk 20: 41-44)Hoa-lí-sái phài ê lâng chū-chi̍p ê sî, I-é-su mn̄g in kóng, | 註釋 串珠 盧華 盧導讀台 |
| 22:42 | " Koan-hē Ki-tok ê tāichì lín siūⁿ án-chóaⁿ? I sī siáⁿ lâng ê kiáⁿ-sun? " In ìn I-é-su kóng, " Sī Ta-bi̍t ê kiáⁿ-sun. " | 註釋 串珠 盧華 盧導讀台 |
| 22:43 | I-é-su kā in kóng, " Án-ne, Ta-bi̍t hō͘ Sèng Sîn kám-tōng ê sî, ná ē chheng Ki-tok chò Chú, kóng, | 註釋 串珠 盧華 盧導讀台 |
| 22:44 | Chú kā góa ê Chú kóng, Lí chē góa ê tōa-pêng, thèng-hāu góa kā Lí ê tùi-te̍k khut-ho̍k tī Lí ê kha chêng. (chù, SPh 110: 1) | 註釋 串珠 盧華 盧導讀台 |
| 22:45 | Ta-bi̍t kì-jiân chheng-ho͘ Ki-tok chò Chú, Ki-tok ná ē lâi chò Ta-bi̍t ê kiáⁿ-sun? " | 註釋 串珠 盧華 盧導讀台 |
| 22:46 | In bô lâng ē-tàng ìn I-é-su pòaⁿ-kù ōe; tùi hit ji̍t khí, bô lâng káⁿ koh lâi mn̄g I-é-su jīm-hô būn-tê. | 註釋 串珠 盧華 盧導讀台 |