| 章節 | 全民台語聖經全羅經文 | 註釋 |
| 23:1 | Keng-ha̍k Kàu-su kah Hoa-lí-sái Phài ê Hêng-ûiHit sî, I-é-su kā kûn-chiòng kah I ê bûn-tô͘ kóng, | 註釋 串珠 盧華 盧導讀台 |
| 23:2 | " Keng-ha̍k kàu-su kah Hoa-lí-sái phài ê lâng chē tī Mô͘-se ê ūi teh kái-soeh lu̍t-hoat. | 註釋 串珠 盧華 盧導讀台 |
| 23:3 | Só͘-í, in kā lín kóng ê, lín lóng tio̍h chun-siú lâi chò, chóng-.sī, m̄ thang chiàu in ê hêng-ûi lâi kiâⁿ; in-ūi in kóng chi̍t-khoán, chò koh lēng-gōa chi̍t-khoán. | 註釋 串珠 盧華 盧導讀台 |
| 23:4 | In kā tāng koh oh taⁿ ê tàⁿ pa̍k tòa lâng ê keng-kah-thâu téng, m̄ koh, in kakī liân chi̍t ki chéng-thâu-á to m̄-khéng tín-tāng. | 註釋 串珠 盧華 盧導讀台 |
| 23:5 | In só͘ chò ê tāichì lóng sī ūi tio̍h beh hō͘ chèng lâng khòaⁿ. In kā keng-bûn-tē chò khah khoah, saⁿ-á-ki ê chhiu chò khah tn̂g. | 註釋 串珠 盧華 盧導讀台 |
| 23:6 | In koh ài tī iàn-se̍k chē tōa-ūi, tī hōe-tn̂g lāi chē koân ūi, | 註釋 串珠 盧華 盧導讀台 |
| 23:7 | Iū-koh ài tī tōa lō͘-kháu hō͘ lâng chhéng-an, mā ài hō͘ lâng chheng-ho͘ in chò ' La̍h-bí'( lāu-su ). | 註釋 串珠 盧華 盧導讀台 |
| 23:8 | M̄ koh, lín m̄ thang hō͘ lâng kiò-chò " La̍h-bí ", in-ūi lín ê lāu-su chí ū chi̍t-ê, lín hō͘-siong lóng sī hiaⁿ-tī. | C註釋 註釋 串珠 盧華 盧導讀台 |
| 23:9 | Tī tē-chiūⁿ mā m̄ thang chheng lâng chò " Pē ", in-ūi lín ê Thiⁿ-pē chí ū chi̍t ūi, to̍h-sī tī thiⁿ-téng hit-ūi. | 註釋 串珠 盧華 盧導讀台 |
| 23:10 | Lín mā m̄ thang hō͘ lâng kiò-chò " Lāu-su ", in-ūi lín ê lāu-su chí ū chi̍t ūi, to̍h-sī Ki-tok. | 註釋 串珠 盧華 盧導讀台 |
| 23:11 | M̄ koh, lín tiong-kan chò tōa ê lâng tio̍h chò lín ê chhe-ēng. | 註釋 串珠 盧華 盧導讀台 |
| 23:12 | Hoān-nā kiau-ngō͘ ê lâng it-tēng ē hō͘ lâng ap-kē; chū-khiam ê lâng it-tēng ē hō͘ lâng ko-seng. " | 註釋 串珠 盧華 盧導讀台 |
| 23:13 | Khián-chek Keng-ha̍k kàu-su kah Hoa-lí-sái Phài ê Lâng( Mk 12:38-40; Lk 11: 37-52; 20:45-47)" Lín chiahê ké-hó ê keng-ha̍k kàu-su kah Hoa-lí-sái phài ê lâng, lín chhám à! In-ūi lín kā thian-kok ê mn̂g koaiⁿ khí-.lâi. Lín kakī bô beh ji̍p-.khì, mā m̄-chún hō͘ siūⁿ beh ji̍p-.khì ê lâng ji̍p-.khì. | 註釋 串珠 盧華 盧導讀台 |
| 23:14 | " Lín chiahê ké-hó ê keng-ha̍k kàu-su kah Hoa-lí-sái phài ê lâng, lín chhám à! Lín chhim-chiàm kóaⁿ-hū ê ke-hóe, koh ké-ì kî-tó chin kú. Lín it-tēng ē siū tio̍h koh khah giâm-tiōng ê hêng-hoa̍t. "（ Chù, goân e̍k-pún bô chit chat, ū ê chhau-pún ke chit chat ） | 註釋 串珠 盧華 盧導讀台 |
| 23:15 | Lín chiahê ké-hó ê keng-ha̍k kàu-su kah Hoa-lí-sái phài ê lâng, lín chhám à! In-ūi lín ūi tio̍h beh hō͘ chi̍t-ê lâng ji̍p-kàu, thiⁿ-piⁿ hái-kak kiâⁿ thàu-thàu. M̄ koh, hit-ê lâng ji̍p-kàu liáu-āu, lín soah hō͘ i piàn-chò pí lín ka-pōe pháiⁿ ê lâng. | 註釋 串珠 盧華 盧導讀台 |
| 23:16 | Lín chiahê chheⁿmê chò chí-tō chiá ê lâng chhám à! Lín kóng kí sèng-tiān lâi chiùchōa ê bô hāu-kó; to̍k-to̍k kí sèng-tiān ê kim-khì lâi chiùchōa ê chiah ū chún-sǹg. | 註釋 串珠 盧華 盧導讀台 |
| 23:17 | Lín chiahê gōng koh chheⁿmê ê lâng, sī kim-khì á-.sī hō͘ kim-khì chiâⁿ-chò sîn-sèng ê sèng-tiān, tó chi̍t hāng khah tiōng-iàu? | 註釋 串珠 盧華 盧導讀台 |
| 23:18 | Lín koh kóng kí-chè-tôaⁿ lâi chiùchōa ê bô chún-sǹg; to̍k-to̍k kí tôaⁿ téng ê chè-mi̍h lâi chiùchōa ê chiah tio̍h chun-siú. | 註釋 串珠 盧華 盧導讀台 |
| 23:19 | Lín chiahê chheⁿmê-.ê ah, sī chè-mi̍h á-.sī hō͘ chè-mi̍h chiâⁿ-chò sîn-sèng ê chè-tôaⁿ, tó chi̍t hāng khah tiōng-iàu ah? | 註釋 串珠 盧華 盧導讀台 |
| 23:20 | Só͘-í, lâng kí-chè-tôaⁿ lâi chiùchōa, sī kí-chè-tôaⁿ kah tôaⁿ téng ê chè-mi̍h lâi chiùchōa. | 註釋 串珠 盧華 盧導讀台 |
| 23:21 | Lâng kí sèng-tiān lâi chiùchōa, sī kí sèng-tiān kah tiàm tī hit lāi-bīn ê Siōng-tè lâi chiùchōa. | 註釋 串珠 盧華 盧導讀台 |
| 23:22 | Lâng kí thiⁿ lâi chiùchōa, sī kí Siōng-tè ê pó-chō kah chē tī hit téng-bīn ê Siōng-tè lâi chiùchōa. | 註釋 串珠 盧華 盧導讀台 |
| 23:23 | " Lín chiahê ké-hó ê keng-ha̍k kàu-su kah Hoa-lí-sái phài ê lâng, lín chhám ah! Lín to kā po̍k-hô, peh-kak, sió-hôe-hiong ê cha̍p hūn hiàn chi̍t hūn hō͘ Siōng-tè, m̄ koh, lín tian-tò hut-lio̍k lu̍t-hoat só͘ tiōng-sī ê kong-gī, liân-bín kah sìn-si̍t. Chóng-.sī, chiahê tio̍h eng-kai chun-siú, téng-bīn só͘ thê-khí hiahê koàn-lē mā m̄ thang hut-lio̍k. | 註釋 串珠 盧華 盧導讀台 |
| 23:24 | Lín chiahê chheⁿmê chò chí-tō chiá ê lâng, sè chiah báng-á lín to̍h kā i lī khí-.lâi, lo̍k-tô soah kui-chiah thun lo̍h-.khì. | 註釋 串珠 盧華 盧導讀台 |
| 23:25 | " Lín chiahê ké-hó ê keng-ha̍k kàu-su kah Hoa-lí-sái phài ê lâng, lín chhám ah! Lín kā poe kah pôaⁿ ê gōa-bīn sé chheng-khì, m̄ koh, hit lāi-bīn chhiong-móa tham-io̍k kah hòng-chhiòng. | 註釋 串珠 盧華 盧導讀台 |
| 23:26 | Lín chiahê chheⁿmê-.ê Hoa-lí-sái phài ê lâng, lín tio̍h tāi-seng kā poe-pôaⁿ ê lāi-bīn sé chheng-khì, gōa-bīn chū-jiân chiū ē chheng-khì. | 註釋 串珠 盧華 盧導讀台 |
| 23:27 | " Lín chiahê ké-hó ê keng-ha̍k kàu-su kah Hoa-lí-sái phài ê lâng, lín chhám ah! Lín chhin-chhiūⁿ chhat kah pe̍h-siaksiak ê bōng, gōa-bīn khòaⁿ khí-lâi chin súi, m̄ koh, lāi-bīn chhiong-móa sí-lâng ê kut-thâu kah ta̍k hāng ê ù-òe. | 註釋 串珠 盧華 盧導讀台 |
| 23:28 | Lín mā chhin-chhiūⁿ ánne, gōa-bīn hō͘ lâng khòaⁿ-chò sī gī lâng, m̄ koh, lāi-bīn chhiong-móa ké-hó kah put-gī. " | 註釋 串珠 盧華 盧導讀台 |
| 23:29 | " Lín chiahê ké-hó ê keng-ha̍k kàu-su kah Hoa-lí-sái phài ê lâng, lín chhám ah! Lín khí-chō sian-ti ê bōng, chéng-siu gī lâng ê kì-liām-pi. | 註釋 串珠 盧華 盧導讀台 |
| 23:30 | Lín koh kóng, ' Goán nā oa̍h tī goán chó͘-sian ê sî-tāi, goán it-tēng bē kah in tàu-tīn sat-hāi sian-ti. ' | 註釋 串珠 盧華 盧導讀台 |
| 23:31 | Án-ne, lín kakī chèng-bêng lín sī chò-hóe sat-hāi sian-ti ê lâng ê kiáⁿ-sun. | 註釋 串珠 盧華 盧導讀台 |
| 23:32 | Chò lín khì kè-sio̍k oân-sêng lín chó͘-sian ok-to̍k ê tāichì. | 註釋 串珠 盧華 盧導讀台 |
| 23:33 | Lín chiahê to̍k-chôa ê kiáⁿ-sun ah! Kan-kúi-ê lâng ah! Lín ná ē-tàng tô-siám tē-ga̍k ê hêng-hoa̍t? | 註釋 串珠 盧華 盧導讀台 |
| 23:34 | Só͘-í, góa beh chhe-phài sian-ti, tì-hūi ê lâng kah keng-ha̍k kàu-su khì lín hia. Ū ê ē hō͘ lín sat-hāi á-.sī tèng si̍p-jī-kè; ū ê mā ē hō͘ lín tī hōe-tn̂g ēng piⁿ phah, tùi chit-ê siâⁿ kóaⁿ-tio̍k kàu hit-ê siâⁿ. | 註釋 串珠 盧華 盧導讀台 |
| 23:35 | Án-ne, lín tī tē-chiūⁿ só͘ lâu gī lâng ê hoeh, lóng kui tī lín, to̍h-sī tùi gī lâng A-bel ê hoeh kàu Ba-la-khiah ê kiáⁿ Cha-kha-lī-a tī tiān kah tôaⁿ ê tiong-kan só͘ lâu ê hoeh lóng kui tī lín. | 註釋 串珠 盧華 盧導讀台 |
| 23:36 | Góa si̍t-chāi kā lín kóng, chiahê hoeh-chè lóng beh kui tī chit tāi ê lâng. " | 註釋 串珠 盧華 盧導讀台 |
| 23:37 | I-é-su Ūi Ê-lú-sa-lèm Ai-khàu( Lk 13: 34-35)" Ê-lú-sa-lèm ah! Ê-lú-sa-lèm ah! Lín thâi-sí sian-ti, ēng chio̍h-thâu tìm-sí Siōng-tè chhe-phài lâi-kàu lín chia ê sù-chiá. Góa gōa chē pái ài beh chū-chi̍p lí ê kiáⁿ-jî, chhin-chhiūⁿ ke-bó chū-chi̍p ke-á-kiáⁿ tī si̍t-kó͘-ē, m̄ koh, lín lóng bô ài. | 註釋 串珠 盧華 盧導讀台 |
| 23:38 | Lí khòaⁿ! Lín ê chhù it-tēng ē pha-hng bô lâng tòa. | 註釋 串珠 盧華 盧導讀台 |
| 23:39 | Góa kā lín kóng, tùi taⁿ í-āu lín bē tàng koh khòaⁿ tio̍h góa, it-ti̍t kàu lín kóng, ' hōng Chú ê miâ lâi ê hit ūi eng-kai tit tio̍h oló. '" (chù, SPh 118:26) | 註釋 串珠 盧華 盧導讀台 |