| 章節 | 全民台語聖經全羅經文 | 註釋 |
| 1:1 | Sio-hòa-chè ê Kui-tēngSiōng-chú tùi hōe-bō͘ lāi kiò Mô͘-se, kā i kóng, | 註釋 串珠 盧華 盧導讀台 |
| 1:2 | " Lí tio̍h hoan-hù I-su-la-el lâng kóng: Lín tiong-kan nā ū lâng hiàn lé-mi̍h hō͘ Siōng-chú, tio̍h tùi gû-kûn, iûⁿ-kûn tiong hiàn chengseⁿ chò lé-mi̍h. | 註釋 串珠 盧華 盧導讀台 |
| 1:3 | " I ê lé-mi̍h nā tùi gû-kûn chhú-chò sio-chè, chiū tio̍h hiàn chi̍t chiah bô khoat-tiám ê gû-káng-á, tio̍h tī hōe-bō͘ mn̂g-kháu hiàn, chiah ē-tàng tī Siōng-chú ê bīn-chêng tit tio̍h chiap-la̍p. | 註釋 串珠 盧華 盧導讀台 |
| 1:4 | I tio̍h hōaⁿ-chhiú tī sio-chè ê chengseⁿ ê thâu-khak téng, chiū ūi tio̍h i siū chiap-la̍p, thè i kakī sio̍k-chōe. | 註釋 串珠 盧華 盧導讀台 |
| 1:5 | I tio̍h tī Siōng-chú ê bīn-chêng thâi gû-káng-á. A-lông ê kiáⁿ-sun chò chè-si ê, tio̍h hiàn hit-ê hoeh, kā hoeh hiù tī hōe-bō͘ mn̂g-kháu kah tôaⁿ ê sì-kho͘-ûi. | 註釋 串珠 盧華 盧導讀台 |
| 1:6 | I tio̍h pak sio-chè ê chengseⁿ ê phôe, kā i ê bah chhiat-chò chi̍t tè chi̍t tè. | 註釋 串珠 盧華 盧導讀台 |
| 1:7 | Chè-si A-lông ê kiáⁿ-sun tio̍h ēng hóe hē tī tôaⁿ téng, ēng chhâ pâi tī hóe ê téng-bīn. | 註釋 串珠 盧華 盧導讀台 |
| 1:8 | A-lông ê kiáⁿ-sun chò chè-si ê, tio̍h kā bah-tè, thâu kah iû, pâi tī tôaⁿ téng hóe-.ni̍h ê chhâ. | 註釋 串珠 盧華 盧導讀台 |
| 1:9 | To̍k-to̍k sio-chè ê pak-lāi kah thúi, i tio̍h ēng chúi sé chheng-khì; chè-si chiū tio̍h kā it-chhè lóng sio tī tôaⁿ téng chò sio-chè, hiàn hō͘ Siōng-chú chò phang-phang ê hóe-chè. | 註釋 串珠 盧華 盧導讀台 |
| 1:10 | " I ê lé-mi̍h nā tùi iûⁿ-kûn tiong lâi chò sio-chè, á-.sī mî-iûⁿ, á-.sī soaⁿ-iûⁿ, tio̍h ēng bô khoat-tiám ê kang ê lâi hiàn. | 註釋 串珠 盧華 盧導讀台 |
| 1:11 | Tio̍h tī tôaⁿ piⁿ ê pak pêng, tī Siōng-chú ê bīn-chêng kā i thâi. A-lông ê kiáⁿ-sun chò chè-si ê, tio̍h ēng i ê hoeh hiù tī tôaⁿ ê sì-kho͘-ûi. | 註釋 串珠 盧華 盧導讀台 |
| 1:12 | Tio̍h kā i chhiat-chò chi̍t tè chi̍t tè, liân thâu kah iû, chè-si tio̍h pâi tī tôaⁿ téng hóe-.ni̍h ê chhâ. | 註釋 串珠 盧華 盧導讀台 |
| 1:13 | To̍k-to̍k pak-lāi kah thúi, tio̍h ēng chúi sé chheng-khì, chè-si tio̍h kā choân-pō͘ lóng hiàn, sio tī tôaⁿ téng. Che sī sio-chè, hiàn hō͘ Siōng-chú chò phang-phang ê hóe-chè. | 註釋 串珠 盧華 盧導讀台 |
| 1:14 | " I hiàn hō͘ Siōng-chú ê lé-mi̍h, nā ēng chiáu-chiah chò sio-chè, chiū tio̍h hiàn pan-kah á-.sī hún-chiáu-kiáⁿ chò lé-mi̍h. | 註釋 串珠 盧華 盧導讀台 |
| 1:15 | Chè-si tio̍h tòa chiáu-á kàu tôaⁿ chêng, kā i ê thâu chūn-tn̄g, tio̍h hē tī tôaⁿ piⁿ, it-ti̍t kàu hoeh lâu kah ta chiah tī tôaⁿ téng sio. | 註釋 串珠 盧華 盧導讀台 |
| 1:16 | Koh tio̍h kā chiáu-á ê kui kah mn̂g tû-.khì, hiat tī tôaⁿ piⁿ ê tang pêng ū hóe-hu ê só͘-chāi. | 註釋 串珠 盧華 盧導讀台 |
| 1:17 | Tio̍h khiú chiáu ê siang si̍t, kā i thiah-khui, chóng-.sī, m̄ thang phòa hō͘ i tn̄g; chè-si tio̍h kā i sio tī tôaⁿ téng hóe-.ni̍h ê chhâ. Che sī sio-chè, hiàn hō͘ Siōng-chú chò phang-phang ê hóe-chè. | 註釋 串珠 盧華 盧導讀台 |