| 章節 | 全民台語聖經全羅經文 | 註釋 |
| 4:1 | Ēng A-bu-la-hàm Chò Sìn-gióng ê Bô͘-hoānÁn-ne, tùi kah lán ū hiat-thóng koan-hē ê chó͘-sian A-bu-la-hàm, lán beh án-chóaⁿ kóng? I kám ū tit tio̍h siáⁿ-mi̍h? | 註釋 串珠 盧華 盧導讀台 |
| 4:2 | A-bu-la-hàm nā-sī tùi hêng-ûi lâi hō͘ Siōng-tè khòaⁿ-chò sī gī lâng, i chiū ū lí-iû thang khoa-kháu. M-koh tī Siōng-tè ê bīn-chêng, i bô siáⁿ-mi̍h thang khoa-kháu. | 註釋 串珠 盧華 盧導讀台 |
| 4:3 | In-ūi keng-tián ū ánne kóng, A-bu-la-hàm sìn Siōng-tè, só͘-í, Siōng-tè chiū kā i khòaⁿ-chò sī gī lâng. (chù, CSK 15:6) | 註釋 串珠 盧華 盧導讀台 |
| 4:4 | Kang-lâng tit tio̍h kang-chîⁿ bô sǹg-chò sī un-tián, in-ūi he sī i eng-kai tit ê. | 註釋 串珠 盧華 盧導讀台 |
| 4:5 | M̄ koh, hit-ê bô khò hêng-ûi, kantaⁿ sìn hit ūi ē kā chōe-jîn soan-phòaⁿ bô chōe ê Siōng-tè ê lô͘-po̍k, in-ūi i ū chit-ê sìn, Siōng-tè chiū kā i chheng-chò gī lâng. | 註釋 串珠 盧華 盧導讀台 |
| 4:6 | Ta-bi̍t mā ū kóng-khí, chi̍t-ê bô chò siáⁿ-mi̍h, chiū hō͘ Siōng-tè khòaⁿ-chò sī gī lâng ê, hit-ê lâng ū hok-khì. I ánne kóng, | 註釋 串珠 盧華 盧導讀台 |
| 4:7 | Kòe-sit tit tio̍h sià-bián, chōe-kò tit tio̍h siau-tû ê lâng, si̍t-chāi ū hok-khì! | 註釋 串珠 盧華 盧導讀台 |
| 4:8 | Chú bô kā i tēng chōe ê lâng, si̍t-chāi ū hok-khì! （ SPh 32:1-2) | 註釋 串珠 盧華 盧導讀台 |
| 4:9 | Taⁿ, chit-ê hok-khì sī chí ū beh hō͘ ū siū kat-lé ê lâng, sī-.bô? Á-sī mā beh hō͘ bô siū kat-lé ê lâng? In-ūi lán ū kóng, A-bu-la-hàm in-ūi ū sìn Siōng-tè, Siōng-tè chiū kā i khòaⁿ-chò sī gī lâng. | 註釋 串珠 盧華 盧導讀台 |
| 4:10 | A-bu-la-hàm sī tang-sî-chūn hō͘ Siōng-tè khòaⁿ-chò sī gī lâng? Sī siū kat-lé í-chêng á-.sī í-āu? Sī siū kat-lé í-chêng, m̄-sī í-āu. | 註釋 串珠 盧華 盧導讀台 |
| 4:11 | Āu-lâi, i ū siū kat-lé, chit-ê kat-lé sī chi̍t chióng kì-hō, chèng-si̍t i iáu-bōe siū kat-lé í-chêng to̍h in-ūi ū sìn, chiū hō͘ Siōng-tè kā i jīm-tēng chò gī lâng. Só͘-í, tùi hiahê bô siū kat-lé in-ūi ū sìn, chiū hō͘ Siōng-tè jīm-tēng chò gī lâng ê lâng lâi kóng, A-bu-la-hàm chiâⁿ-chò in ê chó͘-sian. | 註釋 串珠 盧華 盧導讀台 |
| 4:12 | I mā sī ū siū kat-lé ê lâng ê chó͘-sian, in-ūi in m̄ nā ū siū kat-lé, mā ū kin-tòe lán ê chó͘-sian A-bu-la-hàm iáu-bōe siū kat-lé í-chêng to̍h ū ê sìn-sim, ēng i chò bô͘-hoān teh seng-oa̍h. | 註釋 串珠 盧華 盧導讀台 |
| 4:13 | A-bu-la-hàm Thong-kòe Sìn-gióng Lâi Niá-siū Siōng-tè ê Èng-ínSiōng-tè èng-ín A-bu-la-hàm, beh hō͘ i kah i ê kiáⁿ-sun sêng-chiap chit-ê sè-kài. Chit-ê èng-ín, m̄-sī thong-kòe lu̍t-hoat, sī thong-kòe sìn, chiah hō͘ i tit tio̍h Siōng-tè kā i chheng-chò gī lâng. | 註釋 串珠 盧華 盧導讀台 |
| 4:14 | Nā chun-chiàu lu̍t-hoat ê lâng chiah ē-tàng sêng-chiap Siōng-tè ê èng-ín, hit khoán ê sìn-gióng sī ū ná bô, hit-ê èng-ín mā bô lō͘-ēng. | 註釋 串珠 盧華 盧導讀台 |
| 4:15 | Lu̍t-hoat ē ín-khí Siōng-tè ê siū-khì; in-ūi nā bô lu̍t-hoat, chiū bô ûi-hoān lu̍t-hoat ê tāichì. | 註釋 串珠 盧華 盧導讀台 |
| 4:16 | Só͘-í, èng-ín sī ēng sìn chò kin-kì, che sī beh pó-chèng èng-ín sī chhut tī Siōng-tè pe̍h-pe̍h ê un-tián, beh hō͘ A-bu-la-hàm só͘-ū ê kiáⁿ-sun; m̄ nā sī ū siū kat-lé ê, mā pau-hâm kah A-bu-la-hàm kāng-khoán ū sìn-khò Siōng-tè ê lô͘-po̍k; A-bu-la-hàm sī lán chèng lâng ê chó͘-sian. | 註釋 串珠 盧華 盧導讀台 |
| 4:17 | Chiàu keng-tián só͘ kì-chài, góa siat-li̍p lí chò bān-bîn ê chó͘-sian. (chù, CSK 17:5) A-bu-la-hàm siong-sìn ē hō͘ sí-lâng koh-oa̍h, ē tùi bô chhòng-chō ū ê Siōng-tè, koh tùi I niá-siū èng-ín. | 註釋 串珠 盧華 盧導讀台 |
| 4:18 | A-bu-la-hàm tī bô ǹg-bāng ê sî, iáu koh phō tio̍h ǹg-bāng, siong-sìn i ē chiâⁿ-chò bān-bîn ê chó͘-sian, to̍h-sī chiàu èng-ín só͘ kóng ê, lí ē ū chin chē kiáⁿ-sun. (chù, CSK 15:5) | 註釋 串珠 盧華 盧導讀台 |
| 4:19 | Hit sî, i í-keng chiâⁿ-pah hòe, i chai-iáⁿ kakī ê seng-khu soe-jio̍k kah teh beh sí-.khì, i ê bó͘ Sa-la̍h mā í-keng bē seⁿ kiáⁿ, m̄ koh, A-bu-la-hàm bô in-ūi ánne lâi sit-khì sìn-sim. | 註釋 串珠 盧華 盧導讀台 |
| 4:20 | I tùi Siōng-tè ê èng-ín bô giâu-gî, i ê sìn-sim hoán-tńg ná kian-tēng, kā êng-kng kui hō͘ Siōng-tè. | 註釋 串珠 盧華 盧導讀台 |
| 4:21 | I khak-sìn Siōng-tè it-tēng ē si̍t-hiān I kakī ê èng-ín. | 註釋 串珠 盧華 盧導讀台 |
| 4:22 | In-ūi i ū chit khoán ê sìn-sim, Siōng-tè chiah kā i khòaⁿ-chò sī gī lâng. | 註釋 串珠 盧華 盧導讀台 |
| 4:23 | " Kā i khòaⁿ-chò sī gī lâng "（ Chù, CSK 15: 6) chit kù ōe, m̄-sī kantaⁿ ūi tio̍h A-bu-la-hàm lâi siá ê, | 註釋 串珠 盧華 盧導讀台 |
| 4:24 | Mā-sī ūi tio̍h lán chiahê lâng siá ê. In-ūi lán ū siong-sìn Siōng-tè hō͘ lán ê Chú I-é-su tùi sí-lâng tiong koh-oa̍h, só͘-í, lán mā ē hō͘ Siōng-tè khòaⁿ-chò sī gī lâng. | 註釋 串珠 盧華 盧導讀台 |
| 4:25 | Ūi tio̍h lán ê chōe-kò, Siōng-tè kā I-é-su kau hō͘ lâng hāi-sí, koh ūi tio̍h beh hō͘ lán kah Siōng-tè ū hô-hó ê koan-hē, Siōng-tè ū hō͘ I-é-su koh-oa̍h. | 註釋 串珠 盧華 盧導讀台 |