| 章節 | 全民台語聖經全羅經文 | 註釋 |
| 6:1 | Lán tī Ki-tok Lāi-bīn ê Seng-oa̍hÁn-ne, lán tio̍h án-chóaⁿ kóng? Lán kám thang kè-sio̍k tī chōe-ok tiong seng-oa̍h, lâi hō͘ un-tián koh khah ke-thiⁿ? | 註釋 串珠 盧華 盧導讀台 |
| 6:2 | Choa̍t-tùi m̄ thang! Lán í-keng kah chōe-ok toān-choa̍t koan-hē, kám thang kè-sio̍k tī chōe-ok tiong seng-oa̍h? | 註釋 串珠 盧華 盧導讀台 |
| 6:3 | Lín kám m̄-chai lán lóng ū niá siū sé-lé lâi kah Ki-tok I-é-su kiat-ha̍p, to̍h-sī niá siū sé-lé lâi kah I chò-hóe sí? | 註釋 串珠 盧華 盧導讀台 |
| 6:4 | Thong-kòe sé-lé, lán kah Ki-tok tâng-chê sí, tâng-chê siū bâi-chòng; ná chhin-chhiūⁿ Ki-tok thong-kòe Thiⁿ-pē êng-kng ê koân-lêng tùi sí koh-oa̍h, lán mā ē-tàng kòe sin ê seng-oa̍h. | 註釋 串珠 盧華 盧導讀台 |
| 6:5 | Lán kì-jiân kah Ki-tok chiâⁿ-chò chi̍t thé lâi thé-giām sí, lán it-tēng mā ē kah I kiat-liân chiâⁿ-chò chi̍t thé lâi koh-oa̍h. | 註釋 串珠 盧華 盧導讀台 |
| 6:6 | Lán chai, lán kū ê chū-ngó͘ í-keng kah Ki-tok chò-hóe tèng si̍p-jī-kè, sī beh hō͘ lán chāi lâi siū chōe sok-pa̍k ê hit-ê chū-ngó͘ húi-bia̍t, hō͘ lán bô koh chò chōe ê lô͘-lē. | 註釋 串珠 盧華 盧導讀台 |
| 6:7 | In-ūi lâng it-tān sí-.khì, chiū tùi chōe tit tio̍h tháu-pàng. | 註釋 串珠 盧華 盧導讀台 |
| 6:8 | Lán kì-jiân kah Ki-tok chò-hóe sí, siong-sìn lán mā ē kah I chò-hóe koh-oa̍h. | 註釋 串珠 盧華 盧導讀台 |
| 6:9 | Lán chai Ki-tok í-keng tùi sí koh-oa̍h, I bē koh sí, sí bô koh kā I koán-hat. | 註釋 串珠 盧華 盧導讀台 |
| 6:10 | In-ūi Ki-tok sí chi̍t pái chiū kah chōe oân-choân toān-choa̍t koan-hē; I chitmá oa̍h-.leh, sī ūi tio̍h Siōng-tè teh oa̍h. | 註釋 串珠 盧華 盧導讀台 |
| 6:11 | Án-ne, lín mā tio̍h khòaⁿ kakī í-keng kah chōe toān-choa̍t koan-hē, chitmá kah Ki-tok I-é-su kiat-liân, ūi tio̍h Siōng-tè teh oa̍h. | 註釋 串珠 盧華 盧導讀台 |
| 6:12 | Só͘-í, m̄ thang koh kā ē sí ê seng-khu kau hō͘ chōe chi-phòe, khì sūn-ho̍k jio̍k-thé ê io̍k-bōng. | 註釋 串珠 盧華 盧導讀台 |
| 6:13 | Mā m̄ thang kā seng-khu ê ki-thé, kau hō͘ chōe khì chò put-gī ê kang-kū, tian-tò tio̍h chò chi̍t-ê tùi sí koh-oa̍h ê lâng, kā seng-khu hiàn hō͘ Siōng-tè, kā seng-khu ê kok ki-thé, hiàn hō͘ Siōng-tè chò gī ê kang-kū. | 註釋 串珠 盧華 盧導讀台 |
| 6:14 | M̄-thang hō͘ chōe kā lín chi-phòe, in-ūi lín m̄-sī oa̍h tī lu̍t-hoat ē-bīn, sī oa̍h tī un-tián ē bīn. | 註釋 串珠 盧華 盧導讀台 |
| 6:15 | Chōe Tit tio̍h Sià-biánÁn-ne, lán kì-jiân m̄-sī oa̍h tī lu̍t-hoat ē-bīn, sī tī un-tián ē bīn, chiū thang hoān chōe, sī-.bô? Choa̍t-tùi m̄-sī! | 註釋 串珠 盧華 盧導讀台 |
| 6:16 | Lín kám m̄-chai, lín nā kā kakī kau hō͘ bó͘-chi̍t-lâng chò lô͘-lē lâi sūn-ho̍k i, lín to̍h-sī hit-ê lâng ê lô͘-lē? Án-ne kóng-khí-.lâi, lín sī beh chò chōe ê lô͘-lē lâi kiâⁿ-ji̍p sí-bông, á-.sī beh chò Siōng-tè ê lô͘-po̍k lâi sūn-ho̍k I, kiat-kó kah I ū hô-hó ê koan-hē? | 註釋 串珠 盧華 盧導讀台 |
| 6:17 | Kám-siā Siōng-tè! Lín sûi-jiân bat chò chōe ê lô͘-lē, chitmá lín í-keng choân-sim sūn-ho̍k hit-ê thoân-siū hō͘ lín chò kui-hoān ê kà-sī. | 註釋 串珠 盧華 盧導讀台 |
| 6:18 | Lín í-keng tùi chōe tit tio̍h tháu-pàng, lâi chiâⁿ-chò gī ê lô͘-lē. | 註釋 串珠 盧華 盧導讀台 |
| 6:19 | Góa khióng-kiaⁿ lín bē liáu-kái, só͘-í, ēng it-poaⁿ lâng ē-tàng liáu-kái ê ōe kā lín soat-bêng. Lín í-chêng kā seng-khu oân-choân kau hō͘ ù-òe kah put-hoat chò lô͘-lē, tì-sú put-hoat ê tāichì jú lâi jú ke-thiⁿ. Chit-má lín tio̍h kā seng-khu oân-choân hiàn hō͘ gī chò sèng-kiat ê lō͘-ēng. | 註釋 串珠 盧華 盧導讀台 |
| 6:20 | Lín chò chōe-ok ê lô͘-lē ê sî-chūn, lín bô siū gī ê sok-pa̍k. | 註釋 串珠 盧華 盧導讀台 |
| 6:21 | Hit sî, lín chò chitmá khòaⁿ-chò kiàn-siàu ê tāichì, kiat-kó án-chóaⁿ? Kiat-kio̍k sī sí! | 註釋 串珠 盧華 盧導讀台 |
| 6:22 | Taⁿ lín í-keng tùi chōe tit tio̍h tháu-pàng, chiâⁿ-chò Siōng-tè ê lô͘-po̍k, kiat-kó sī chiâⁿ chò sèng-kiat, kiat-kio̍k sī éng-oán ê oa̍h-miā. | 註釋 串珠 盧華 盧導讀台 |
| 6:23 | In-ūi chōe ê tāi-kè sī sí; m̄ koh, Siōng-tè thong-kòe Chú Ki-tok I-é-su, pe̍h-pe̍h sù hō͘ lán ê un-tián sī éng-oán ê oa̍h-miā. | 註釋 串珠 盧華 盧導讀台 |