| 章節 | 全民台語聖經全羅經文 | 註釋 |
| 2:1 | Ki-tok Hông Tèng Si̍p-jī-kè ê Sìn-sit Hiaⁿ-tī chí-mōe, góa í-chêng khì lín hia, pēng bô ēng súi ê giân-sû á-.sī tì-hūi lâi tùi lín thoân Siōng-tè ê ò-pì. | 註釋 串珠 盧華 盧導讀台 |
| 2:2 | In-ūi góa koat-tēng, tī lín tiong-kan tû-liáu I-é-su Ki-tok kah I hông tèng si̍p-jī-kè ê sìn-sit í-gōa, bô beh thê-khí kî-tha ê tāichì. | 註釋 串珠 盧華 盧導讀台 |
| 2:3 | Góa kah lín chò-hóe ê sî chin loán-jio̍k, iū-koh kiaⁿ kah phi̍h-phi̍h chhoah. | 註釋 串珠 盧華 盧導讀台 |
| 2:4 | Góa só͘ kóng ê ōe kah só͘ thoân ê sìn-sit, lóng bô ēng khiáu-biāu tì-hūi ê giân-sû, sī khò Sèng Sîn ê koân-lêng lâi chèng-si̍t. | 註釋 串珠 盧華 盧導讀台 |
| 2:5 | Góa ánne chò, sī beh hō͘ lín bô khò lâng ê tì-hūi lâi kiàn-li̍p sìn-gióng, sī khò Siōng-tè ê koân-lêng. | 註釋 串珠 盧華 盧導讀台 |
| 2:6 | Siōng-tè ê Tì-hūiChóng-.sī, tùi hiahê lêng-sèng sêng-se̍k ê lâng, goán mā ū kóng tì-hūi. To̍k-to̍k m̄-sī chit sè-kan ê tì-hūi, mā m̄-sī chit sè-kan chù-tiāⁿ ē sit-sè ê chiáng-koân-chiá ê tì-hūi. | 註釋 串珠 盧華 盧導讀台 |
| 2:7 | Goán só͘ kóng ê sī Siōng-tè ò-biāu ê tì-hūi, sī tùi lâng ún-ba̍t ê, to̍h-sī Siōng-tè tī chhòng-sè í-chêng to̍h tiāⁿ tio̍h beh hō͘ lán tit tio̍h êng-kng. | 註釋 串珠 盧華 盧導讀台 |
| 2:8 | Chit sè-kan ê chiáng-koân-chiá, bô chi̍t-ê bat chit-ê tì-hūi; in nā bat, chiū bē kā êng-kng ê Chú tèng-sí tī si̍p-jī-kè. | 註釋 串珠 盧華 盧導讀台 |
| 2:9 | Chiàu keng-tián só͘ kì-chài, Siōng-tè ūi tio̍h thiàⁿ I ê lâng só͘ chún-pī ê, sī ba̍k-chiu m̄ bat khòaⁿ-.tio̍h, hīⁿ-khang m̄ bat thiaⁿ-.tio̍h, lâng ê sim liāu-sióng bē kàu ê. (chù, ISI 64:4) | 註釋 串珠 盧華 盧導讀台 |
| 2:10 | M̄ koh, Siōng-tè ū thong-kòe Sèng Sîn, kā chiahê tāichì kā lán khé-sī, in-ūi Sèng Sîn bān sū lóng chai kah chin thiat-té, liân Siōng-tè chhim-ò ê chí-ì mā lóng chai. | 註釋 串珠 盧華 盧導讀台 |
| 2:11 | Lâng ê tāichì, chí ū i kakī ê sim-sîn chiah ē chai; chhin-chhiūⁿ ánne, Siōng-tè ê tāichì mā chí ū Siōng-tè ê Sèng Sîn chiah ē chai. | 註釋 串珠 盧華 盧導讀台 |
| 2:12 | M̄ koh, lán só͘ niá-siū ê, m̄-sī tùi sè-kan ê lêng, sī tùi Siōng-tè lâi ê Sèng Sîn, beh hō͘ lán chai Siōng-tè pe̍h-pe̍h siúⁿ-sù hō͘ lán ê un-tián. | 註釋 串珠 盧華 盧導讀台 |
| 2:13 | Só͘-í, goán tùi sio̍k-lêng ê lâng kái-soeh sio̍k-lêng ê tāichì, m̄-sī ēng lâng só͘ kà ê tì-hūi ê ōe, sī ēng Sèng Sîn só͘ kà-sī ê ōe. | 註釋 串珠 盧華 盧導讀台 |
| 2:14 | M̄ koh, sio̍k hiat-khì ê lâng bē tàng niá-siū Siōng-tè ê Sèng Sîn ê un-sù. In kā chiahê un-sù khòaⁿ-chò sī gû-gōng, mā bô hoat-tō͘ liáu-kái, in-ūi kantaⁿ sio̍k-lêng ê lâng chiah ē-tàng hiáu-ngō͘. | 註釋 串珠 盧華 盧導讀台 |
| 2:15 | To̍k-to̍k sio̍k-lêng ê lâng ē-tàng phòaⁿ-toàn bān-hāng sū, i kakī pún-sin ê tāichì mā bô lâng ē-tàng kā i phòaⁿ-toàn. | 註釋 串珠 盧華 盧導讀台 |
| 2:16 | Keng-tián ū kì-chài, siáⁿ lâng chai Chú ê sim-ì? Siáⁿ lâng ē-tàng thè I chhut chú-ì? (chù, ISI 40:13) M̄ koh, lán sio̍k-lêng ê lâng ū Ki-tok ê sim-chì. | 註釋 串珠 盧華 盧導讀台 |