| 章節 | 全民台語聖經全羅經文 | 註釋 |
| 9:1 | Sù-tô͘ ê Khoân-lī kah Chek-jīmGóa kám bô chū-iû? Góa kám m̄-sī sù-tô͘? Góa kám m̄ bat khòaⁿ tio̍h lán ê Chú I-é-su? Lín kám m̄-sī góa ūi Chú chò-kang ê sêng-kó? | 註釋 串珠 盧華 盧導讀台 |
| 9:2 | Tùi pa̍t lâng lâi khòaⁿ, góa kiámchhái m̄-sī sù-tô͘, tùi lín lâi kóng góa khak-si̍t sī, in-ūi lín kah Chú kiat-liân to̍h-sī góa chò sù-tô͘ ê chèng-kì. | 註釋 串珠 盧華 盧導讀台 |
| 9:3 | Tùi hiahê phoe-phêng góa ê lâng, góa ánne ūi kakī piān-kái. | 註釋 串珠 盧華 盧導讀台 |
| 9:4 | Goán kám bô koân thang lim thang chia̍h? | 註釋 串珠 盧華 盧導讀台 |
| 9:5 | Goán kám bô koân kah kî-tha ê sù-tô͘, Chú lāi ê hiaⁿ-tī í-ki̍p Piat-tò͘ kāng-khoán, thang chhōa sìn Chú ê chí-mōe chò bó͘ lâi chò-hóe lí-hêng? | 註釋 串珠 盧華 盧導讀台 |
| 9:6 | Kám kantaⁿ góa kah Ba-ná-ba it-tēng tio̍h chò-kang chiah ē-tàng seng-oa̍h? | 註釋 串珠 盧華 盧導讀台 |
| 9:7 | Kám ū lâng teh chò peng koh chia̍h kakī? Kám ū lâng chai phû-tô hn̂g bô chia̍h hn̂g lāi chhut-sán ê kóe-chí? Kám ū lâng chhī iûⁿ bô lim hit-ê iûⁿ-leng? | 註釋 串珠 盧華 盧導讀台 |
| 9:8 | Góa kóng chiahê kám sī chiàu lâng ê ì-kiàn? Lu̍t-hoat kám m̄-sī mā ánne kóng? | 註釋 串珠 盧華 盧導讀台 |
| 9:9 | Mô͘-se ê lu̍t-hoat kì-chài, gû teh lún ngó͘-kok ê sî, m̄ thang kā i kòa gû-chhùi-lom. (chù, SBK 25:4) Siōng-tè kám m̄-sī teh koan-sim gû? | 註釋 串珠 盧華 盧導讀台 |
| 9:10 | Mô͘-se kóng chiahê ōe, kám m̄-sī ūi tio̍h lán kóng ê? Tong-jiân sī! In-ūi keng-choh ê kah siu-koah ê lóng khǹg ǹg-bāng-.leh keng-choh, in kî-thāi ē-tàng chò-hóe ū hūn tit tio̍h ngó͘-kok. | 註釋 串珠 盧華 盧導讀台 |
| 9:11 | Goán kā sio̍k-lêng ê chéng-chí iā tī lín tiong-kan, ánne lâi tùi lín tit tio̍h bu̍t-chit siōng ê kiong-kip, kám ū kòe-hūn? | 註釋 串珠 盧華 盧導讀台 |
| 9:12 | Pa̍t lâng nā ū koân tùi lín iau-kiû, goán kám m̄-sī koh khah ū koân? Chóng-.sī, goán lóng m̄ bat sú-iōng chit-ê koân, tian-tò jím-nāi it-chhè, chiah bián hō͘ Ki-tok ê hok-im siū chó͘-gāi. | 註釋 串珠 盧華 盧導讀台 |
| 9:13 | Lín lóng chai, tī sèng-tiān teh kang-chok ê lâng tùi sèng-tiān tit tio̍h chia̍h-mi̍h; tī chè-tôaⁿ teh hiàn chè ê lâng pun tio̍h chè-tôaⁿ téng ê chè-mi̍h. | 註釋 串珠 盧華 盧導讀台 |
| 9:14 | Chhin-chhiūⁿ ánne, Chú ū hoan-hù thoân hok-im ê lâng, tio̍h tùi hok-im ê kang-chok lâi tit tio̍h seng-oa̍h hùi-iōng. | 註釋 串珠 盧華 盧導讀台 |
| 9:15 | M̄ koh, góa lóng m̄ bat sú-iōng chiahê koân; góa chitmá ánne siá, mā m̄-sī ài lâng ánne lâi khoán-thāi góa. In-ūi góa lêng-khó iau sí, mā bô ài hō͘ góa só͘ khoa-kháu ê tāichì piàn-chò ū-miâ bô-si̍t. | 註釋 串珠 盧華 盧導讀台 |
| 9:16 | Góa thoân hok-im pēng bô siáⁿ-mi̍h thang khoa-kháu, góa sī hōng bēng-lēng teh thoân; in-ūi nā bô thoân hok-im, góa chiū ē ū chai-hō. | 註釋 串珠 盧華 盧導讀台 |
| 9:17 | Góa nā kam-sim chò chit-ê kang chiū ū pò-siúⁿ; nā m̄-sī chhut tī kam-goān, mā tio̍h chip-hêng Siōng-tè kau-tài ê jīm-bū. | 註釋 串珠 盧華 盧導讀台 |
| 9:18 | Án-ne, góa ê pò-siúⁿ sī siáⁿ-mi̍h? Chiū-sī góa teh thoân hok-im, hō͘ lâng pe̍h-pe̍h tit tio̍h hok-im, góa khiok bô tit tio̍h thoân hok-im kai-tit ê khoân-lī. | 註釋 串珠 盧華 盧導讀台 |
| 9:19 | Góa sûi-jiân sī chū-iû ê lâng, bô siū lâng ê sok-pa̍k, ūi tio̍h beh hō͘ khah chē lâng lâi sìn Chú, góa chiâⁿ-chò chèng lâng ê lô͘-po̍k. | 註釋 串珠 盧華 盧導讀台 |
| 9:20 | Tùi Iô-tá-iah lâng kang-chok ê sî, góa chiū chhin-chhiūⁿ Iô-tá-iah lâng, sī in-ūi beh tit tio̍h Iô-tá-iah lâng lâi sìn Chú. Góa sûi-jiân sī bô sio̍k lu̍t-hoat koán-hat ê lâng, ūi tio̍h beh hō͘ khah chē siū lu̍t-hoat koán-hat ê lâng lâi sìn Chú, góa chiū chhin-chhiūⁿ siū lu̍t-hoat koán-hat ê lâng. | 註釋 串珠 盧華 盧導讀台 |
| 9:21 | Tùi lu̍t-hoat-gōa ê lâng, góa chiū chò lu̍t-hoat-gōa ê lâng, chiah thang tit tio̍h khah chē lu̍t-hoat-gōa ê lâng lâi sìn Chú. Án-ne chò, m̄-sī kóng góa bô chun-siú Siōng-tè ê lu̍t-hoat, kî-si̍t góa sī siū Ki-tok lu̍t-hoat ê koán-hat. | 註釋 串珠 盧華 盧導讀台 |
| 9:22 | Tùi sìn-sim nńg-chiáⁿ ê lâng, góa chiū chiâⁿ-chò nńg-chiáⁿ, sī in-ūi beh tit tio̍h khah chē nńg-chiáⁿ ê lâng lâi sìn Chú. Tùi tó chi̍t-khoán lâng, góa chiū chiâⁿ-chò hit khoán lâng; góa ēng ta̍k chióng hong-hoat thang ke kiù chi̍t-kóa lâng. | 註釋 串珠 盧華 盧導讀台 |
| 9:23 | Góa ánne sú-iōng ta̍k chióng hong-hoat, lóng sī ūi tio̍h hok-im, bo̍k-tek sī beh hun-hióng hok-im ê chiok-hok. | 註釋 串珠 盧華 盧導讀台 |
| 9:24 | Lín it-tēng chai, tī ūn-tōng-tiâⁿ chham-ka pí-sài ê lâng, lóng ū lo̍h-khì cháu, m̄ koh, tit tio̍h pò-siúⁿ ê chí ū chi̍t-ê. Lín tio̍h ánne phah-piàⁿ cháu, chiah ē-tàng tit tio̍h siúⁿ. | 註釋 串珠 盧華 盧導讀台 |
| 9:25 | Ta̍k-ê soán-chhiú lóng ū chiap-siū giâm-keh ê hùn-liān, bo̍k-tek sī beh tit tio̍h ē pāi-hoāi ê êng-koan; m̄ koh, lán sī beh tit tio̍h bē pāi-hoāi ê êng-koan. | 註釋 串珠 盧華 盧導讀台 |
| 9:26 | Góa ánne cháu, m̄-sī bô bo̍k-phiau teh cháu; góa phah-kûn, mā m̄-sī teh phah khong-khì. | 註釋 串珠 盧華 盧導讀台 |
| 9:27 | Góa giâm-keh toàn-liān góa ê seng-khu, kàu ē-tàng kā i oân-choân khòng-chè, chiah bián-tit góa chio lâng lâi chham-ka pí-sài, kakī soah tian-tò sit-khì chu-keh. | 註釋 串珠 盧華 盧導讀台 |