| 章節 | 全民台語聖經全羅經文 | 註釋 |
| 12:1 | Sèng Sîn ê Un-sùHiaⁿ-tī chí-mōe, koan-hē Sèng Sîn ê siúⁿ-sù, góa ài lín liáu-kái khah chheng-chhó. | 註釋 串珠 盧華 盧導讀台 |
| 12:2 | Lín chai, lín iáu-bōe sìn Chú ê sî, chhut-chāi lâng ín-iú khì pài bē kóng-ōe ê ngó͘-siōng. | 註釋 串珠 盧華 盧導讀台 |
| 12:3 | Só͘-í, góa ài lín bêng-pe̍k, siū Siōng-tè ê Sèng Sîn kám-tōng ê lâng bē kóng " I-é-su tio̍h siū chiù-chó͘ "; bô siū Sèng Sîn kám-tōng ê lâng mā bē kóng " I-é-su sī Chú ". | 註釋 串珠 盧華 盧導讀台 |
| 12:4 | Un-sù ū bô kāng, m̄ koh, siúⁿ-sù un-sù ê Sèng Sîn sī kāng chi̍t-ê. | 註釋 串珠 盧華 盧導讀台 |
| 12:5 | Ho̍k-sāi ū chin chē khoán, m̄ koh, sī ho̍k-sāi kāng chi̍t-ê Chú. | 註釋 串珠 盧華 盧導讀台 |
| 12:6 | Kang-chok ū chin chē khoán, m̄ koh, hō͘ lâng ū lêng-le̍k khì chò ta̍k hāng tāichì ê sī kāng chi̍t-ê Siōng-tè. | 註釋 串珠 盧華 盧導讀台 |
| 12:7 | Sèng Sîn hián-bêng tī ta̍k lâng sin chiūⁿ, sûi-jiân chi̍t lâng chi̍t-khoán, m̄ koh, bo̍k-tek lóng sī ūi tio̍h beh hō͘ chèng lâng tit tio̍h lī-ek. | 註釋 串珠 盧華 盧導讀台 |
| 12:8 | Ū lâng tùi Sèng Sîn tit tio̍h thoân hok-im ê tì-hūi, ū lâng tùi kāng chi̍t-ê Sèng Sîn tit tio̍h tì-sek. | 註釋 串珠 盧華 盧導讀台 |
| 12:9 | Ū lâng tùi kāng chi̍t-ê Sèng Sîn tit tio̍h sìn-sim, ū lâng tùi kāng chi̍t-ê Sèng Sîn tit tio̍h i-pēⁿ ê un-sù. | 註釋 串珠 盧華 盧導讀台 |
| 12:10 | Ū lâng tit tio̍h kiâⁿ sîn-jiah ê lêng-le̍k, ū lâng tit tio̍h thoân Siōng-tè hok-im ê un-sù, ū lâng tit tio̍h hun-pia̍t ta̍k chióng sîn-lêng ê un-sù, ū lâng tit tio̍h kóng kok chióng ōe-gí ê un-sù, koh ū lâng tit tio̍h hoan-e̍k kok chióng ōe-gí ê un-sù. | 註釋 串珠 盧華 盧導讀台 |
| 12:11 | Chiahê lóng sī kāng chi̍t-ê Sèng Sîn teh ūn-chok, chiàu I kakī ê ì-sù kā bô kāng ê un-sù pun hō͘ ta̍k lâng. | 註釋 串珠 盧華 盧導讀台 |
| 12:12 | Chi̍t-ê Seng-khu Ū Chin Chē Ki-théChhin-chhiūⁿ seng-khu sī chi̍t-ê, m̄ koh ū chin chē ki-thé. Seng-khu ê ki-thé sûi-jiân chin chē, seng-khu khiok chí ū chi̍t-ê; Ki-tok mā sī ánne. | 註釋 串珠 盧華 盧導讀台 |
| 12:13 | Bô-lūn Iô-tá-iah lâng á-.sī Hi-la̍h lâng, lô͘-lē á-.sī chū-iû ê, lán lóng tùi kāng chi̍t-ê Sèng Sîn niá siū sé-lé lâi chiâⁿ-chò chi̍t thé, mā kiōng-tông niá-siū kāng chi̍t-ê Sèng Sîn. | 註釋 串珠 盧華 盧導讀台 |
| 12:14 | Seng-khu m̄-sī kantaⁿ chi̍t-ê ki-thé, sī ū chin chē ki-thé. | 註釋 串珠 盧華 盧導讀台 |
| 12:15 | Kha nā kóng, " Góa m̄-sī chhiú, só͘-í, bô sio̍k seng-khu. " kha bē in-ūi ánne chiū bô sio̍k seng-khu. | 註釋 串珠 盧華 盧導讀台 |
| 12:16 | Hīⁿ-á nā kóng, " Góa m̄-sī ba̍k-chiu, só͘-í, bô sio̍k seng-khu. " Hīⁿ-á bē in-ūi ánne chiū bô sio̍k seng-khu. | 註釋 串珠 盧華 盧導讀台 |
| 12:17 | Choân seng-khu nā lóng sī ba̍k-chiu, beh ēng siáⁿ-mi̍h lâi thiaⁿ? Choân seng-khu nā lóng sī hīⁿ-á, beh ēng siáⁿ-mi̍h lâi phīⁿ? | 註釋 串珠 盧華 盧導讀台 |
| 12:18 | Kî-si̍t, Siōng-tè chiàu I ê chí-ì, kā ta̍k-ê ki-thé sûi ê an-tì tī seng-khu. | 註釋 串珠 盧華 盧導讀台 |
| 12:19 | Nā pah-thé lóng kāng-khoán, ná ē-tàng chiâⁿ-chò chi̍t-ê seng-khu? | 註釋 串珠 盧華 盧導讀台 |
| 12:20 | Seng-khu sûi-jiân ū pah-thé, seng-khu khiok sī kantaⁿ chi̍t-ê. | 註釋 串珠 盧華 盧導讀台 |
| 12:21 | Ba̍k-chiu bē tàng tùi chhiú kóng, " Góa bô su-iàu lí. " thâu-khak mā bē tàng tùi kha kóng, " Góa bô su-iàu lín. " | 註釋 串珠 盧華 盧導讀台 |
| 12:22 | Kî-si̍t hiahê khòaⁿ khí-lâi khah nńg-chiáⁿ ê ki-thé, tian-tò koh khah ū pit-iàu. | 註釋 串珠 盧華 盧導讀台 |
| 12:23 | Lán khòaⁿ-chò khah bô kùi-khì ê ki-thé, tian-tò tio̍h kā in khah chiàu-kò͘; hiahê khah pháiⁿ-khòaⁿ ê ki-thé, lán tian-tò tio̍h kā in khah koan-sim. | 註釋 串珠 盧華 盧導讀台 |
| 12:24 | Hiahê khah hó khòaⁿ ê ki-thé bô su-iàu táⁿ-pān. Siōng-tè kā seng-khu an-tì hó-sè, hō͘ hiahê khah bô tiōng-iàu ê ki-thé koh khah siū chun-tiōng. | 註釋 串珠 盧華 盧導讀台 |
| 12:25 | Án-ne, chiah hō͘ seng-khu bē hun-lia̍t, tian-tò hō͘ pah-thé hō͘-siong chiàu-kò͘. | 註釋 串珠 盧華 盧導讀台 |
| 12:26 | Chi̍t-ê ki-thé nā siū khó͘, pah-thé chiū tâng siū khó͘; chi̍t-ê ki-thé nā tit tio̍h êng-kng, pah-thé chiū chò-hóe hoaⁿ-hí. | 註釋 串珠 盧華 盧導讀台 |
| 12:27 | Lín sī Ki-tok ê seng-khu, ta̍k lâng sī Ki-tok seng-khu ê ki-thé. | 註釋 串珠 盧華 盧導讀台 |
| 12:28 | Siōng-tè tī kàu-hōe só͘ an-tì ê, tē-it sī sù-tô͘, tē-jī sī sian-ti, tē-saⁿ sī kàu-su, koh ū kiâⁿ sîn-jiah ê, ū i-pēⁿ un-sù ê, pang-chān lâng ê, tī-lí sū-bū ê, kóng ta̍k chióng ōe-gí ê. | 註釋 串珠 盧華 盧導讀台 |
| 12:29 | Ta̍k lâng kám lóng sī sù-tô͘? Lóng sī sian-ti? Lóng sī kàu-su? Lóng sī kiâⁿ sîn-jiah ê? | 註釋 串珠 盧華 盧導讀台 |
| 12:30 | Kám lóng ū i-pēⁿ ê un-sù? Kám lóng ē kóng ta̍k chióng ê ōe-gí? Kám lóng ē hoan-e̍k bô kāng ê ōe-gí? | 註釋 串珠 盧華 盧導讀台 |
| 12:31 | Lín tio̍h pek-chhiat him-bō͘ koh khah tōa ê un-sù. Taⁿ góa kā lín chí-sī chi̍t tiâu siōng hó ê lō͘. | 註釋 串珠 盧華 盧導讀台 |