| 章節 | 全民台語聖經全羅經文 | 註釋 |
| 15:1 | Ki-tok ê Koh-oa̍hHiaⁿ-tī chí-mōe, góa beh kā lín thê-chhéⁿ, góa í-chêng thoân hō͘ lín ê hok-im, lín ū niá-siū, mā ū óa-khò che lâi chò sìn-gióng ê ki-chhó͘. | 註釋 串珠 盧華 盧導讀台 |
| 15:2 | Lín nā kian-siú góa thoân hō͘ lín ê hok-im tō-lí, lín ê sìn-gióng koh m̄-sī khang-khang, lín chiū ē khò chit-ê hok-im lâi tit-kiù. | 註釋 串珠 盧華 盧導讀台 |
| 15:3 | Góa í-keng kā góa só͘ niá-siū siōng tiōng-iàu ê sìn-sit thoân hō͘ lín, to̍h-sī chiàu keng-tián só͘ kì-chài, Ki-tok ūi tio̍h lán ê chōe sí, | 註釋 串珠 盧華 盧導讀台 |
| 15:4 | Bâi-chòng, koh chiàu keng-tián só͘ kì-chài, tē-saⁿ ji̍t koh-oa̍h. | 註釋 串珠 盧華 盧導讀台 |
| 15:5 | I ū tùi Piat-tò͘ hián-hiān, koh tùi cha̍p-jī-ê sù-tô͘ hián-hiān. | 註釋 串珠 盧華 盧導讀台 |
| 15:6 | Āu-lâi, I koh chi̍t pái tùi gō͘-pah gōa-ê hiaⁿ-tī chí-mōe hián-hiān; hiahê lâng ū ê í-keng sí-.khì, m̄ koh, tōa pō͘-hūn ê lâng iáu oa̍h-.leh. | 註釋 串珠 盧華 盧導讀台 |
| 15:7 | Āu-lâi, I tùi Iâ-kop hián-hiān, iū-koh chi̍t pái tùi só͘-ū ê sù-tô͘ hián-hiān. | 註釋 串珠 盧華 盧導讀台 |
| 15:8 | Chòe-āu I mā tùi góa chit-ê kahná iáu-bōe kàu goe̍h to̍h chhut-sì ê lâng hián-hiān. | 註釋 串珠 盧華 盧導讀台 |
| 15:9 | Góa sī sù-tô͘ tiong-kan siōng bî-sè-.ê, bē kham-tit kiò-chò sù-tô͘, in-ūi góa bat pek-hāi Siōng-tè ê kàu-hōe. | 註釋 串珠 盧華 盧導讀台 |
| 15:10 | Chóng-.sī, ū Siōng-tè ê un-tián chiah ū kin-á-ji̍t ê góa; I siúⁿ-sù hō͘ góa ê un-tián pēng bô óng-hùi. M̄ koh góa tian-tò pí kî-tha ê sù-tô͘ koh khah phah-piàⁿ; che kî-si̍t m̄-sī góa ê pún-léng, sī ū Siōng-tè ê un-tián kah góa tông-chāi. | 註釋 串珠 盧華 盧導讀台 |
| 15:11 | Bô-lūn sī góa á-.sī kî-tha ê sù-tô͘, goán ánne teh thoân, lín mā ánne teh sìn. | 註釋 串珠 盧華 盧導讀台 |
| 15:12 | Sìn-tô͘ ê Koh-oa̍hGoán só͘ thoân ê sìn-sit sī Ki-tok tùi sí-lâng tiong koh-oa̍h, lín tiong-kan ná ē ū lâng kóng bô sí-lâng koh-oa̍h ê tāichì? | 註釋 串珠 盧華 盧導讀台 |
| 15:13 | Nā bô sí-lâng koh-oa̍h, ánne, Ki-tok chiū bô koh-oa̍h. | 註釋 串珠 盧華 盧導讀台 |
| 15:14 | Ki-tok nā bô koh-oa̍h, goán só͘ thoân ê sī khang-hi bô si̍t, lín ê sìn mā sī khang-khang. | 註釋 串珠 盧華 盧導讀台 |
| 15:15 | Nā-sī ánne, goán to̍h-sī teh ūi Siōng-tè chò ké kiàn-chèng, in-ūi goán kiàn-chèng Siōng-tè í-keng hō͘ Ki-tok koh-oa̍h. Nā chin-chiàⁿ bô sí-lâng koh-oa̍h ê tāichì, Siōng-tè chiū bô hō͘ Ki-tok koh-oa̍h. | 註釋 串珠 盧華 盧導讀台 |
| 15:16 | Sí-lâng nā bô koh-oa̍h, Ki-tok chiū bô koh-oa̍h. | 註釋 串珠 盧華 盧導讀台 |
| 15:17 | Ki-tok nā bô koh-oa̍h, lín ê sìn-gióng chiū bô lō͘-ēng, lín chiū iáu koh tī chōe-ok tiong. | 註釋 串珠 盧華 盧導讀台 |
| 15:18 | Án-ne, hiahê í-keng sí-.khì ê Ki-tok-tô͘ mā lóng sǹg sī bia̍t-bông ā. | 註釋 串珠 盧華 盧導讀台 |
| 15:19 | Lán chò Ki-tok-tô͘ ê ǹg-bāng nā kantaⁿ tī hiān-sè, lán to̍h-sī sè-kan lâng tiong-kan siōng khó-liân ê. | 註釋 串珠 盧華 盧導讀台 |
| 15:20 | Chóng-.sī, taⁿ Siōng-tè í-keng hō͘ Ki-tok tùi sí-lâng tiong koh-oa̍h, che sī beh chò í-keng sí-.khì ê lâng koh-oa̍h ê pó-chèng. | 註釋 串珠 盧華 盧導讀台 |
| 15:21 | In-ūi sí-bông thong-kòe （ A-tám ）Chi̍t-ê lâng lâi, sí-lâng ê koh-oa̍h mā sī thong-kòe （ I-é-su ）Chi̍t-ê lâng lâi. | 註釋 串珠 盧華 盧導讀台 |
| 15:22 | Tú chhin-chhiūⁿ jîn-lūi ūi tio̍h A-tám ê hoān chōe lóng tio̍h sí, in mā in-ūi Ki-tok lóng ē koh oa̍h. | 註釋 串珠 盧華 盧導讀台 |
| 15:23 | M̄ koh, ta̍k lâng lóng tio̍h chiàu kakī ê sūn-sū koh-oa̍h, thâu chi̍t-ê sī Ki-tok, sòa lo̍h-.lâi sī Ki-tok chài-lîm ê sî kui-sio̍k I ê lâng. | 註釋 串珠 盧華 盧導讀台 |
| 15:24 | Jiân-āu boa̍t-ji̍t chiah kàu, hit sî Ki-tok ē siau-bia̍t choân-pō͘ ê chip-chèng-chiá, chiáng-koân-chiá kah koân-lêng chiá, kā thóng-tī-koân kau hō͘ Thiⁿ-pē Siōng-tè. | 註釋 串珠 盧華 盧導讀台 |
| 15:25 | In-ūi Ki-tok it-tēng tio̍h thóng-tī, it-ti̍t kàu Siōng-tè só͘-ū ê tùi-te̍k lóng khut-ho̍k tī I ê kha-ē. (chù, SPh 110:1) | 註釋 串珠 盧華 盧導讀台 |
| 15:26 | Chòe-āu tio̍h húi-bia̍t ê tùi-te̍k to̍h-sī sí-bông. | 註釋 串珠 盧華 盧導讀台 |
| 15:27 | In-ūi keng-tián ū kóng, " I hō͘ bān-mi̍h lóng khut-ho̍k tī I ê kha-ē. " Chin bêng-hián, chia só͘ kóng ê" Bān mi̍h " pēng bô pau-hâm hō͘ bān-mi̍h khut-ho̍k tī Ki-tok kha-ē ê Siōng-tè. | 註釋 串珠 盧華 盧導讀台 |
| 15:28 | Kàu bān-mi̍h khut-ho̍k tī Ki-tok ê sî, Kiáⁿ mā ē khut-ho̍k tī hō͘ bān-mi̍h lóng khut-ho̍k ê Siōng-tè, thang hō͘ Siōng-tè oân-choân koán-hat bān-mi̍h. | 註釋 串珠 盧華 盧導讀台 |
| 15:29 | Nā m̄-sī ánne, lâng kā sí-lâng sé-lé beh chhòng siáⁿ? Nā bô sí-lâng koh-oa̍h ê tāichì, lâng ná tio̍h kā sí-lâng sé-lé? | 註釋 串珠 盧華 盧導讀台 |
| 15:30 | Koh-chài kóng, goán ná tio̍h sî-sî khek-khek lâi mō͘-hiám? | 註釋 串珠 盧華 盧導讀台 |
| 15:31 | Hiaⁿ-tī chí-mōe, góa ta̍k ji̍t teh piàⁿ-miā, in-ūi lán pêⁿ-pêⁿ sī kah Chú Ki-tok I-é-su kiat-liân, góa ūi tio̍h lín kám-kak chin kong-êng, só͘-í, góa káⁿ ánne kóng. | C註釋 註釋 串珠 盧華 盧導讀台 |
| 15:32 | Góa tī Ê-hu-soh kah hiahê ná chhin-chhiūⁿ iá-siù ê lâng tàu-cheng, nā-sī chhut tī lâng ê tōng-ki, tùi góa ū siáⁿ-mi̍h lī-ek? Sí-lâng nā bô koh-oa̍h, chiū ē chhin-chhiūⁿ lâng teh kóng, " Lán bîn-á-chài to̍h beh sí à, chò lán lim! Chò lán chia̍h! " (chù, ISI 22:13) | 註釋 串珠 盧華 盧導讀台 |
| 15:33 | M̄-thang hō͘ lâng bê-he̍k khì. Lām-sám kau-pôe pêng-iú ē pāi-hoāi phín-tek. | 註釋 串珠 盧華 盧導讀台 |
| 15:34 | Tio̍h kak-chhéⁿ, siūⁿ hō͘ chheng-chhó, m̄ thang koh hoān chōe, in-ūi iáu ū lâng m̄ bat Siōng-tè. Góa ánne kóng sī beh hō͘ lín chai thang kiàn-siàu. | 註釋 串珠 盧華 盧導讀台 |
| 15:35 | Jio̍k-thé ê Koh-oa̍hKiám-chhái ū lâng ē mn̄g, " Sí-lâng án-chóaⁿ koh-oa̍h? In ē ū siáⁿ-mi̍h khoán ê seng-khu? " | 註釋 串珠 盧華 盧導讀台 |
| 15:36 | Gōng lâng, lín iā lo̍h-.khì ê chéng-chí nā bô sí-.khì, kám ē oa̍h khí-.lâi? | 註釋 串珠 盧華 盧導讀台 |
| 15:37 | Koh-chài kóng, lín só͘ iā ê bô-lūn sī be̍h-á, á-.sī pa̍t chióng ê ngó͘-kok, chí-put-kò sī chi̍t lia̍p chéng-chí, m̄-sī āu-lâi sêng-tióng ê hêng-thé. | 註釋 串珠 盧華 盧導讀台 |
| 15:38 | Siōng-tè chiàu I ê chí-ì hō͘ chéng-chí ū hêng-thé; ta̍k-khoán chéng-chí ū i kakī ê hêng-thé. | 註釋 串珠 盧華 盧導讀台 |
| 15:39 | Ta̍k khoán ê jio̍k-thé mā lóng bô kāng-khoán; jîn-lūi ê jio̍k-thé chi̍t-khoán, siù-lūi ê jio̍k-thé chi̍t-khoán, chiáu-lūi ê jio̍k-thé chi̍t-khoán, hî-lūi ê jio̍k-thé koh chi̍t-khoán. | 註釋 串珠 盧華 盧導讀台 |
| 15:40 | Ū thiⁿ-téng ê thé, mā ū tē-chiūⁿ ê thé; chóng-.sī, thian-thé ê kng kah tē-chiūⁿ ê thé ê kng bô kāng-khoán. | 註釋 串珠 盧華 盧導讀台 |
| 15:41 | Ji̍t-thâu ū ji̍t-thâu ê kng, goe̍h ū goe̍h ê kng, chheⁿ ū chheⁿ ê kng, sīm-chì múi lia̍p chheⁿ ê kng to lóng bô kāng-khoán. | 註釋 串珠 盧華 盧導讀台 |
| 15:42 | Sí-lâng koh-oa̍h mā sī ánne. Bâi-chòng lo̍h thô͘ ê jio̍k-thé ē hiú-nōa, koh-oa̍h liáu-āu chiū chiâⁿ-chò bē hiú-nōa. | 註釋 串珠 盧華 盧導讀台 |
| 15:43 | Iā lo̍h-.khì ê sī pi-chiān ê, koh-oa̍h ê sī êng-kng ê; tâi lo̍h-.khì ê sī nńg-chiáⁿ ê, koh-oa̍h ê sī ióng-chòng ê; | 註釋 串珠 盧華 盧導讀台 |
| 15:44 | Tâi lo̍h-.khì ê sī hiat-khì ê jio̍k-thé, koh-oa̍h ê sī sio̍k-lêng ê thé. Kì-jiân ū hiat-khì ê jio̍k-thé, mā ū sio̍k-lêng ê thé, | 註釋 串珠 盧華 盧導讀台 |
| 15:45 | Só͘-í, ū kì-chài, thâu chi̍t-ê lâng A-tám chiâⁿ-chò ū hiat-khì ê lâng; (chù, CSK 2:7) lō͘-bóe ê A-tám chiâⁿ-chò siúⁿ-sù oa̍h-miā ê sîn. | 註釋 串珠 盧華 盧導讀台 |
| 15:46 | Tāi-seng ū ê m̄-sī sio̍k-lêng ê thé, sī hiat-khì ê jio̍k-thé, jiân-āu chiah ū sio̍k-lêng ê thé. | 註釋 串珠 盧華 盧導讀台 |
| 15:47 | Thâu chi̍t-ê lâng sī tùi tē-chiūⁿ chhut, sī thô͘ chō ê; tē-jī-ê lâng sī tùi thiⁿ-téng lâi ê. | 註釋 串珠 盧華 盧導讀台 |
| 15:48 | Só͘-ū tē-chiūⁿ ê lâng, lóng kah hit-ê thâu chi̍t-ê ēng thô͘ chō ê lâng kāng-khoán; só͘-ū sio̍k-thiⁿ ê lâng, mā kah lō͘-bóe lâi ê hit ūi sio̍k-thiⁿ ê kāng-khoán. | 註釋 串珠 盧華 盧導讀台 |
| 15:49 | Tú chhin-chhiūⁿ lán ū hit-ê thâu chi̍t-ê ēng thô͘ chō ê lâng ê hêng-siōng, lán mā ē ū lō͘-bóe lâi ê hit ūi sio̍k-thiⁿ-.ê ê hêng-siōng. | 註釋 串珠 盧華 盧導讀台 |
| 15:50 | Hiaⁿ-tī chí-mōe, góa kā lín kóng, hiat-khì ê jio̍k-thé bē tàng sêng-siū Siōng-tè kok-tō͘. Chiū-sī kóng, ē hiú-nōa ê bē tàng sêng-siū bē hiú-nōa-ê. | 註釋 串珠 盧華 盧導讀台 |
| 15:51 | Taⁿ góa kā lín kóng chi̍t-ê ò-biāu ê tāichì, lán m̄-sī lóng ē sí. | 註釋 串珠 盧華 盧導讀台 |
| 15:52 | Boa̍t-ji̍t ê sàu-kak chi̍t ē tân, chi̍t-sî-á kú, ba̍k nih chi̍t ē, lán mā lóng ē kái-piàn. Chòe-āu ê sàu-kak tân ê sî, sí-lâng chiū ē koh oa̍h, piàn-chò bē hiú-nōa-ê; lán lóng ē kái-piàn. | 註釋 串珠 盧華 盧導讀台 |
| 15:53 | In-ūi chit-ê ē hiú-nōa ê tek-khak to̍h piàn-chò bē hiú-nōa-ê, chit-ê ē sí ê to̍h piàn-chò bē sí ê. | 註釋 串珠 盧華 盧導讀台 |
| 15:54 | Tng chit-ê ē hiú-nōa ê piàn-chò bē hiú-nōa-ê, ē sí ê piàn-chò bē sí ê sî, keng-tián só͘ kì-chài ê" Sí-bông ē hō͘ tek-sèng thun-chia̍h lo̍h-khì " (chù, ISI 25:8) chit kù chiū ē èng-giām. | 註釋 串珠 盧華 盧導讀台 |
| 15:55 | Sí-bông, lí ê sèng-lī tī tó-ūi? Sí-bông, lí ê to̍k-chhì tī tó-ūi? (chù, HSA 13:14) | 註釋 串珠 盧華 盧導讀台 |
| 15:56 | Sí-bông ê to̍k-chhì sī chōe, chōe ê koân-sè sī lu̍t-hoat. | 註釋 串珠 盧華 盧導讀台 |
| 15:57 | Kám-siā Siōng-tè! I thong-kòe lán ê Chú I-é-su Ki-tok hō͘ lán tek-sèng. | 註釋 串珠 盧華 盧導讀台 |
| 15:58 | Só͘-í, chhin-ài ê hiaⁿ-tī chí-mōe, lín tio̍h khiā ho͘ chāi, m̄ thang iô-tāng. Tio̍h tiāⁿtiāⁿ chīn-la̍t ūi Chú chò-kang, in-ūi lín chai ūi Chú sin-khó͘ chò-kang it-tēng bē khang-khang. | 註釋 串珠 盧華 盧導讀台 |