| 章節 | 全民台語聖經全羅經文 | 註釋 |
| 2:1 | Só͘-í, góa koat-tēng bô beh koh khì lín hia, chiah bián koh hō͘ lín kan-khó͘-sim. | 註釋 串珠 盧華 盧導讀台 |
| 2:2 | Góa nā hō͘ lín kan-khó͘-sim, tû-liáu lín chiahê ū kan-khó͘-sim ê lâng í-gōa, iáu ū siáⁿ lâng ē-tàng hō͘ góa hoaⁿ-hí? | 註釋 串珠 盧華 盧導讀台 |
| 2:3 | Páu-lô ê Chêng Chi̍t Tiuⁿ PhoeÍ-chêng góa siá hit-tiuⁿ phoe hō͘ lín, sī ūi tio̍h bián-tit góa khì lín hia ê sî, pún-lâi eng-kai hō͘ góa hoaⁿ-hí ê lâng, tian-tò hō͘ góa kan-khó͘-sim. Góa khak-sìn góa ê hoaⁿ-hí to̍h-sī lín tāi-ke ê hoaⁿ-hí. | 註釋 串珠 盧華 盧導讀台 |
| 2:4 | Góa tī iu-siong thòng-khó͘ tiong lâu chin chē ba̍k-sái, lâi siá hit-tiuⁿ phoe hō͘ lín, m̄-sī beh hō͘ lín kan-khó͘-sim, sī beh hō͘ lín chai-iáⁿ góa gōa-ni̍h-á thiàⁿ lín. | 註釋 串珠 盧華 盧導讀台 |
| 2:5 | Sià-bián Ū Kòe-sit ê LângNā ū lâng hō͘ lâng kan-khó͘-sim, m̄-sī hō͘ góa kan-khó͘-sim niā-niā, mā chì-chió hō͘ lín tiong-kan chi̍t-kóa lâng kan-khó͘-sim. Góa ánne kóng sī ūi tio̍h bián-tit hō͘ hiahê lâng kám-kak góa ê chek-pī siuⁿ tāng. | 註釋 串珠 盧華 盧導讀台 |
| 2:6 | Hit khoán lâng í-keng hō͘ lín tōa-to-sò͘ ê lâng chek-hoa̍t kah ū kàu-gia̍h ā. | 註釋 串珠 盧華 盧導讀台 |
| 2:7 | Lín tian-tò tio̍h kā i sià-bián, kā i an-ùi, chiah bián hō͘ hit khoán lâng kòe-thâu kan-khó͘-sim soah choa̍t-bāng. | 註釋 串珠 盧華 盧導讀台 |
| 2:8 | Só͘-í, góa khó͘-khǹg lín tio̍h hō͘ i chai-iáⁿ lín khak-si̍t ū teh thiàⁿ i. | 註釋 串珠 盧華 盧導讀台 |
| 2:9 | Chêng góa siá hit-tiuⁿ phoe sī ài beh chai-iáⁿ lín jím-siū khó-giām kàu siáⁿ-mi̍h thêng-tō͘, beh khòaⁿ lín ū sūn-ho̍k góa ê chí-sī á-bô. | 註釋 串珠 盧華 盧導讀台 |
| 2:10 | Lín sià-bián siáⁿ-mi̍h lâng, góa mā beh kā i sià-bián; góa sī tī Ki-tok ê bīn-chêng, ūi tio̍h lín ê iân-kò͘ lâi kā i sià-bián. | 註釋 串珠 盧華 盧導讀台 |
| 2:11 | Án-ne chiah bián hō͘ Sa-tán iâⁿ-kòe lán, in-ūi lán chin chheng-chhó Sa-tán ê kúi-kè. | 註釋 串珠 盧華 盧導讀台 |
| 2:12 | Páu-lô tī Tho͘-lo-a ê Chhau-hoânChêng góa khì Tho͘-lo-a thoân Ki-tok ê hok-im ê sî, Chú í-keng kā góa ê kang-chok khui lō͘. | 註釋 串珠 盧華 盧導讀台 |
| 2:13 | M̄ koh, in-ūi góa bô tú tio̍h góa ê hiaⁿ-tī Tî-to, só͘-í, góa ê sim-sîn bô pêng-an, chiū kah in sio-sî, khì Ma-ke-tó-niah. | 註釋 串珠 盧華 盧導讀台 |
| 2:14 | Óa-khò Ki-tok ê Tek-sèngKám-siā Siōng-tè, sî-siông ū Ki-tok chò thâu chhōa goán lâi tek-sèng, koh ēng goán tī ta̍k só͘-chāi hián-bêng hit-ê jīn-bat Ki-tok chiah ū ê phang-bī. | 註釋 串珠 盧華 盧導讀台 |
| 2:15 | Tī tit-kiù á-.sī tîm-lûn ê lâng tiong-kan, goán chiâⁿ-chò Ki-tok ê phang-bī hiàn hō͘ Siōng-tè. | 註釋 串珠 盧華 盧導讀台 |
| 2:16 | Tùi teh beh tîm-lûn ê lâng lâi kóng, che sī chhàu-bī; tùi tit-kiù ê lâng lâi kóng, sī oa̍h ê phang-bī. Nā ánne, siáⁿ lâng ē kham-tit tam-tng chit khoán tāichì? | 註釋 串珠 盧華 盧導讀台 |
| 2:17 | Goán bô chhin-chhiūⁿ chin chē lâng kā Siōng-tè ê tō-lí tòng-chò siong-phín lâi phah-bōe; goán tian-tò sī chò chi̍t-ê sêng-si̍t ê lâng, siū Siōng-tè ê chhe-phài, óa-khò Ki-tok lâi soan-káng tō-lí. | 註釋 串珠 盧華 盧導讀台 |