| 章節 | 全民台語聖經全羅經文 | 註釋 |
| 4:1 | Hûi-áng-á Lāi ê Pó-pòeKì-jiân Siōng-tè liân-bín goán, kā chit-ê jīm-bū kau-thok goán, goán chiū bô koh lóe-chì. | 註釋 串珠 盧華 盧導讀台 |
| 4:2 | Goán khì-sak ún-môa koh kiàn-siàu ê hêng-ûi, bô chò khi-phiàn lâng ê tāichì, bô khiok-kái Siōng-tè ê tō-lí, chí ū tī Siōng-tè ê bīn-chêng hián-bêng chin-lí, lâi khé-hoat ta̍k lâng ê liông-sim. | 註釋 串珠 盧華 盧導讀台 |
| 4:3 | Goán só͘ thoân ê hok-im nā ū jia-khàm bô chheng-chhó, mā chí ū tùi hiahê teh beh tîm-lûn ê lâng chiah ē jia-khàm bô chheng-chhó. | 註釋 串珠 盧華 盧導讀台 |
| 4:4 | Chit sè-kan ê sîn-bêng hō͘ hiahê m̄-sìn ê lâng ê sim-sîn chheⁿmê, bē tàng khòaⁿ-kìⁿ hok-im ê kng; chit-ê hok-im teh kiàn-chèng Ki-tok ê êng-kng, Ki-tok sī Siōng-tè ê hêng-siōng. | 註釋 串珠 盧華 盧導讀台 |
| 4:5 | Goán m̄-sī teh thoân kakī, sī teh thoân " Ki-tok I-é-su sī Chú "; goán kakī mā ūi tio̍h I-é-su ê iân-kò͘ chò lín ê lô͘-po̍k. | 註釋 串珠 盧華 盧導讀台 |
| 4:6 | Hitê bēng-lēng kng tio̍h tùi o͘-àm chiò chhut-.lâi ê Siōng-tè, to̍h-sī ēng kng chiò tī lán ê sim-lāi ê Siōng-tè, I hō͘ lán jīn-bat chiò tī I-é-su Ki-tok ê bīn hit-ê êng-kng. | 註釋 串珠 盧華 盧導讀台 |
| 4:7 | Jio̍k-thé kah Éng-oán ê Êng-iāuM̄ koh, goán chiahê ū chit khoán sio̍k-lêng pó-pòe ê lâng, tú chhin-chhiūⁿ thô͘ chō ê khì-kū, sī beh piáu-sī hit-ê ke̍k tōa ê koân-lêng sī sio̍k Siōng-tè, m̄-sī sio̍k goán. | 註釋 串珠 盧華 盧導讀台 |
| 4:8 | Goán sî-siông tú tio̍h hoān-lān, m̄ koh, bô khut-ho̍k; ū sî tú tio̍h giâu-gî, mā bô sit-bōng; | 註釋 串珠 盧華 盧導讀台 |
| 4:9 | Tú tio̍h pek-hāi, mā bô hō͘ Siōng-tè pàng-sak; siū phah tò, mā bô sí-bông. | 註釋 串珠 盧華 盧導讀台 |
| 4:10 | Goán ē sí ê seng-khu tiāⁿtiāⁿ ū tòa I-é-su ê sí, hō͘ I-é-su ê oa̍h-miā mā thang tī goán ê seng-khu hián-bêng. | 註釋 串珠 盧華 盧導讀台 |
| 4:11 | Goán oa̍h tī sè-kan, ūi tio̍h I-é-su tiāⁿtiāⁿ tú tio̍h sí ê gûi-hiám, thang hō͘ I-é-su ê oa̍h-miā tī goán ē sí ê seng-khu hián-bêng chhut-.lâi. | 註釋 串珠 盧華 盧導讀台 |
| 4:12 | Án-ne, goán tio̍h tiāⁿtiāⁿ bīn-tùi sí-bông, lín khiok in-ūi ánne tit tio̍h oa̍h-miā. | 註釋 串珠 盧華 盧導讀台 |
| 4:13 | Keng-tián ū kóng, " Góa ū sìn, só͘-í, góa chiah kóng. " (chù, SPh 116:10[115:1 LXX]) kin-kì chit khoán sìn-gióng, goán mā sìn, só͘-í, chiah ánne kóng chhut-.lâi. | 註釋 串珠 盧華 盧導讀台 |
| 4:14 | Goán chai, hō͘ Chú I-é-su koh-oa̍h ê Siōng-tè mā ē hō͘ goán kah I-é-su tâng-chê koh-oa̍h, koh ē ín-chhōa goán kah lín chò-hóe khì I ê bīn-chêng. | 註釋 串珠 盧華 盧導讀台 |
| 4:15 | Che it-chhè lóng sī ūi tio̍h lín, beh hō͘ koh khah chē lâng tit tio̍h Siōng-tè ê un-tián, thang hiàn koh khah chē ê kám-siā lâi êng-kng Siōng-tè. | 註釋 串珠 盧華 盧導讀台 |
| 4:16 | Sìn-gióng ê Seng-oa̍hSó͘-í, goán bô lóe-chì. Sûi-jiân goán ê jio̍k-thé chiām-chiām teh soe-jio̍k, m̄ koh, goán ê lāi-sim ji̍t-ji̍t teh ōaⁿ sin. | 註釋 串珠 盧華 盧導讀台 |
| 4:17 | Goán só͘ siū chiām-sî sió-khóa ê kan-khó͘, sī beh hō͘ goán tit tio̍h bô thang pí ê éng-oán ê tōa êng-kng. | 註釋 串珠 盧華 盧導讀台 |
| 4:18 | Goán só͘ tiōng-sī ê m̄-sī khòaⁿ ē tio̍h ê, sī khòaⁿ bē tio̍h ê; in-ūi khòaⁿ ē tio̍h ê sī chiām-sî, khòaⁿ bē tio̍h ê sī éng-oán. | 註釋 串珠 盧華 盧導讀台 |