| 章節 | 全民台語聖經全羅經文 | 註釋 |
| 5:1 | Goán chai, lán tī tē-chiūⁿ teh tòa ê pò͘-pêⁿ nā húi-hoāi, Siōng-tè chiū ē hō͘ lán thiⁿ-téng ê chhù. He m̄-sī lâng ê chhiú khí-chō ê chhù, sī Siōng-tè khí-chō tī thiⁿ-téng éng-oán ê chhù. | 註釋 串珠 盧華 盧導讀台 |
| 5:2 | Lán chitmá tòa tī chit-ê pò͘-pêⁿ teh thó͘-khùi, khat-bōng thang khì tòa thiⁿ-téng ê chhù, chhin-chhiūⁿ kā saⁿ-chhēng lo̍h-.khì. | 註釋 串珠 盧華 盧導讀台 |
| 5:3 | In-ūi nā kā saⁿ-chhēng lo̍h-.khì, lán chiū bē thǹgpaktheh. | 註釋 串珠 盧華 盧導讀台 |
| 5:4 | Lán iáu tòa tī chit-ê pò͘-pêⁿ teh thoa-bôa thó͘-khùi, m̄-sī ài kā tē-chiūⁿ ê thé thǹg khí-.lâi, sī ài tha̍h sio̍k-thiⁿ ê thé, thang hō͘ oa̍h-miā lâi khek-ho̍k hit-ê ē sí ê thé. | 註釋 串珠 盧華 盧導讀台 |
| 5:5 | Siōng-tè hō͘ lán ū chit-ê kái-piàn, I mā sù Sèng Sîn lâi chò lán ê pó-chèng. | 註釋 串珠 盧華 盧導讀台 |
| 5:6 | Só͘-í, goán put-sî chhiong-móa ióng-khì. Goán chai, lán iáu-sī jio̍k-thé teh oa̍h ê sî, to̍h-sī kah Chú ūi lán chún-pī ê chhù lī-khui hn̄g-hn̄g. | 註釋 串珠 盧華 盧導讀台 |
| 5:7 | In-ūi lán teh oa̍h sī khò sìn-sim, m̄-sī khò ba̍k-chiu só͘ khòaⁿ-.tio̍h ê. | 註釋 串珠 盧華 盧導讀台 |
| 5:8 | Goán chhiong-móa ióng-khì, khah ài lī-khui tē-chiūⁿ ê seng-khu, khì kah Chú chò-hóe tòa. | 註釋 串珠 盧華 盧導讀台 |
| 5:9 | Só͘-í, bô-lūn sī tiàm tī tē-chiūⁿ ê seng-khu, á-.sī lī-khui seng-khu, goán só͘ tì-ì ê sī hō͘ Chú hoaⁿ-hí. | 註釋 串珠 盧華 盧導讀台 |
| 5:10 | In-ūi lán tāi-ke lóng tio̍h khiā tī Ki-tok ê bīn-chêng siū sím-phòaⁿ, ta̍k lâng lóng tio̍h chiàu kakī tī tē-chiūⁿ ê seng-khu só͘ chò ê tāichì, bô-lūn sī hó á-.sī pháiⁿ, lâi chiap-siū pò-èng. | 註釋 串珠 盧華 盧導讀台 |
| 5:11 | Thong-kòe Ki-tok Lâi kah Siōng-tè Hô-hóIn-ūi goán chai tio̍h kèng-ùi Siōng-tè, goán chiū ánne lâi khó͘-khǹg lâng. M̄ koh, Siōng-tè jīn-bat lán kah hui-siông chheng-chhó, góa mā ǹg-bāng lín ē tùi lín ê liông-sim lâi jīn-bat goán. | 註釋 串珠 盧華 盧導讀台 |
| 5:12 | Goán m̄-sī koh beh thui-chiàn kakī, sī beh hō͘ lín in-ūi goán ê iân-kò͘, ū thang khoa-kháu ê só͘-chāi, thang ìn-tap hiahê chù-tiōng gōa-māu bô chù-tiōng lāi-sim lâi khoa-kháu ê lâng. | 註釋 串珠 盧華 盧導讀台 |
| 5:13 | Goán nā chin-chiàⁿ khí-kông, sī ūi tio̍h Siōng-tè ê iân-kò͘; goán cheng-sîn nā chèng-siông, sī ūi tio̍h lín ê iân-kò͘. | 註釋 串珠 盧華 盧導讀台 |
| 5:14 | In-ūi Ki-tok ê thiàⁿ chhui-pek goán, hō͘ goán bêng-pe̍k, chi̍t-ê lâng thè chèng lâng sí, chèng lâng chiū lóng kah I tâng-sí. | 註釋 串珠 盧華 盧導讀台 |
| 5:15 | Ki-tok ūi tio̍h chèng lâng sí, sī beh hō͘ hiahê oa̍h-.leh ê lâng bô koh ūi tio̍h kakī lâi oa̍h, sī ūi tio̍h thè in sí koh-oa̍h ê Ki-tok lâi oa̍h. | 註釋 串珠 盧華 盧導讀台 |
| 5:16 | Só͘-í, tùi taⁿ í-āu, goán bô koh chiàu lâng ê phiau-chún lâi bat lâng; goán sûi-jiân bat chiàu lâng ê phiau-chún lâi bat Ki-tok, m̄ koh chitmá goán bô koh ánne chò. | 註釋 串珠 盧華 盧導讀台 |
| 5:17 | Bô-lūn siáⁿ-mi̍h lâng, nā kah Ki-tok kiat-liân, to̍h-sī sin chhòng-chō ê lâng; kū ê tāichì í-keng kòe-.khì, taⁿ lóng piàn-chò sin ê. | 註釋 串珠 盧華 盧導讀台 |
| 5:18 | Chiahê it-chhè lóng sī Siōng-tè ê chok-ûi, I thong-kòe Ki-tok hō͘ lán kah I koh-chài hô-hó, mā kā chit-ê khǹg lâng kah Siōng-tè koh-chài hô-hó ê chit-hūn kau hō͘ goán. | 註釋 串珠 盧華 盧導讀台 |
| 5:19 | Goán só͘ thoân ê hok-im to̍h-sī, Siōng-tè thong-kòe Ki-tok hō͘ sè-kan lâng kah I koh-chài hô-hó, bô koh tui-kiù in ê chōe-kò, mā kā I kah lâng koh hô-hó ê sìn-sit kau-thok goán. | 註釋 串珠 盧華 盧導讀台 |
| 5:20 | Só͘-í, goán chò Ki-tok ê sù-chiá, Siōng-tè thong-kòe goán lâi khǹg lín. Goán thè Ki-tok kā lín khún-kiû, Tio̍h kah Siōng-tè koh-chài hô-hó. | 註釋 串珠 盧華 盧導讀台 |
| 5:21 | Siōng-tè hō͘ bô chōe ê Ki-tok lâi taⁿ lán ê chōe, sī beh hō͘ lán kah I kiat-liân, lâi kah Siōng-tè kiàn-li̍p ha̍p-gî ê koan-hē. | 註釋 串珠 盧華 盧導讀台 |