| 章節 | 全民台語聖經全羅經文 | 註釋 |
| 7:1 | Chhin-ài ê hiaⁿ-tī chí-mōe, lán kì-jiân tit tio̍h chiahê èng-ín, lán tio̍h chheng-khì kakī, tû-khì it-chhè jio̍k-thé kah sim-sîn ê lahsap, tio̍h kèng-ùi Siōng-tè lâi hō͘ seng-oa̍h oân-choân sèng-hòa. | 註釋 串珠 盧華 盧導讀台 |
| 7:2 | Páu-lô ê Hoaⁿ-híTio̍h khui-khoah lín ê sim-heng lâi chiap-la̍p goán. Goán m̄ bat khek-khui lâng, m̄ bat hāi lâng tūi-lo̍h, mā m̄ bat phiⁿ lâng. | 註釋 串珠 盧華 盧導讀台 |
| 7:3 | Góa kóng ánne, m̄-sī beh kā lín chek-pī, in-ūi góa bat kóng goán chin thiàⁿ lín, goān-ì kah lín tâng-sí tâng-oa̍h. | 註釋 串珠 盧華 盧導讀台 |
| 7:4 | Góa chin sìn-jīm lín, put-sî ēng lín chò khoa-kháu. Tī goán it-chhè ê hoān-lān tiong, góa móa-sim hoaⁿ-hí koh chhiong-móa an-ùi. | 註釋 串珠 盧華 盧導讀台 |
| 7:5 | Goán lâi-kàu Ma-ke-tó-niah í-āu, seng-khu m̄ nā lóng bô thang hioh-khùn, hoán-tńg ta̍k hāng tāichì tú tio̍h khùn-lân; gōa-bīn ū hun-cheng, lāi-bīn ū kiaⁿ-hiâⁿ. | 註釋 串珠 盧華 盧導讀台 |
| 7:6 | Chóng-.sī, hit ūi an-ùi sit-chì ê lâng ê Siōng-tè, chhe Tî-to lâi kā goán an-ùi. | 註釋 串珠 盧華 盧導讀台 |
| 7:7 | M̄-nā i ū lâi, mā ū kóng-khí lín án-chóaⁿ kā i kó͘-lē ê tāichì, í-ki̍p lín án-chóaⁿ khat-bōng kìⁿ góa, lín án-chóaⁿ ai-siong, lín án-chóaⁿ jia̍t-sim ūi góa piān-hō͘, só͘-í, hō͘ góa koh khah hoaⁿ-hí. | 註釋 串珠 盧華 盧導讀台 |
| 7:8 | Góa í-chêng hit-tiuⁿ phoe sûi-jiân ū hō͘ lín kan-khó͘-sim, góa pēng bô hō͘-hóe; taⁿ góa ū sió-khóa hō͘-hóe, in-ūi góa chai-iáⁿ hit-tiuⁿ phoe ū hō͘ lín chi̍t sî ê kan-khó͘-sim. | 註釋 串珠 盧華 盧導讀台 |
| 7:9 | Taⁿ góa chin hoaⁿ-hí, m̄-sī in-ūi lín kan-khó͘-sim, sī in-ūi lín ê kan-khó͘-sim ū hō͘ lín hóe-kái; Siōng-tè ū siān-iōng lín ê kan-khó͘-sim, só͘-í, goán bô hō͘ lín siū tio̍h siong-hāi. | 註釋 串珠 盧華 盧導讀台 |
| 7:10 | In-ūi Siōng-tè siān-iōng lín ê kan-khó͘-sim, lâi hō͘ lín hóe-kái thang tit-kiù, góa bô siáⁿ-mi̍h thang hō͘-hóe; m̄ koh, sio̍k sè-kan ê kan-khó͘-sim ē hō͘ lâng tì-sú sí-bông. | 註釋 串珠 盧華 盧導讀台 |
| 7:11 | Lín khòaⁿ, Siōng-tè hiahni̍h gâu siān-iōng lín ê kan-khó͘-sim, chiah hō͘ lín hiahni̍h jia̍t-sim lâi piān-kái lín kakī ê chheng-pe̍h, hiahni̍h hùn-khài, hiahni̍h kéng-séng, hiahni̍h khat-bōng, hiahni̍h jia̍t-chêng, hiahni̍h ke̍k-lia̍t khián-chek put-hoat; tī chiahê tāichì téng-bīn, lín í-keng chèng-bêng lín kakī sī chheng-khì ê. | 註釋 串珠 盧華 盧導讀台 |
| 7:12 | Só͘-í, góa sûi-jiân ū siá hit-tiuⁿ phoe hō͘ lín, m̄ koh m̄-sī ūi tio̍h kā lâng khek-khui, á-.sī hō͘ lâng khek-khui ê lâng siá ê, sī beh hō͘ lín tī Siōng-tè ê bīn-chêng bêng-pe̍k goán tùi lín ê jia̍t-sêng ū gōa chhim. | 註釋 串珠 盧華 盧導讀台 |
| 7:13 | Goán ū in-ūi ánne tit tio̍h an-ùi. Goán m̄ nā tit tio̍h an-ùi, mā in-ūi khòaⁿ tio̍h Tî-to ê hoaⁿ-hí, hō͘ goán koh khah chhiong-móa hoaⁿ-hí; i ê sim ū tùi lín tāi-ke lâi tit tio̍h hoaⁿ-hí. | 註釋 串珠 盧華 盧導讀台 |
| 7:14 | Góa bat tùi i khoa-kháu lín ê tāichì, lín si̍t-chāi bô hō͘ góa làu-khùi; góa ta̍k hāng tāichì lóng tùi lín kóng si̍t-chāi-ōe, góa tùi Tî-to khoa-kháu lín ê ōe mā sī chin-si̍t. | 註釋 串珠 盧華 盧導讀台 |
| 7:15 | Só͘-í, i nā siūⁿ-khí lín lóng án-chóaⁿ teh sūn-ho̍k i, koh kiong-kiong kèng-kèng kā i chiap-thāi, i tùi lín ê thiàⁿ-sim chiū ná chhim. | 註釋 串珠 盧華 盧導讀台 |
| 7:16 | Taⁿ góa hui-siông hoaⁿ-hí, in-ūi góa ē-tàng oân-choân sìn-jīm lín! | 註釋 串珠 盧華 盧導讀台 |