| 章節 | 全民台語聖經全羅經文 | 註釋 |
| 9:1 | Pang-chō͘ Tâng-sìn ê Hiaⁿ-tīKoan-hē chín-chè Iô-tá-iah sìn-tô͘ ê tāichì, góa m̄-bián koh siá phoe hō͘ lín. | 註釋 串珠 盧華 盧導讀台 |
| 9:2 | Góa chai lín jia̍t-sim pang-chān lâng, góa bat kā chit-hāng tāichì tùi Ma-ke-tó-niah lâng khoa-kháu, kóng, " A-kha-iah ê sìn-tô͘ tī kū-nî to̍h chún-pī piān. " Lín ê jia̍t-sim ū kám-tōng chin chē lâng. | 註釋 串珠 盧華 盧導讀台 |
| 9:3 | Góa chhe-phài chiahê hiaⁿ-tī khì lín hia, ǹg-bāng lín chiàu góa kóng ê seng chún-pī piān, chiah bián góa tī chit-hāng tāichì só͘ khoa-kháu ê piàn-sêng khang-chhùi pō͘-chi̍h. | 註釋 串珠 盧華 盧導讀台 |
| 9:4 | Nā bô, bān-it ū Ma-ke-tó-niah lâng kah góa chò-hóe khì, khòaⁿ tio̍h lín bô chún-pī piān, goán ē in-ūi siuⁿ-kòe siong-sìn, lín soah chin làu-khùi. Lín kám bē kám-kak koh khah làu-khùi? | 註釋 串珠 盧華 盧導讀台 |
| 9:5 | Só͘-í, góa siūⁿ tio̍h khǹg hiahê hiaⁿ-tī liōng-chá khì lín hia, hoan-hù kā lín í-chêng só͘ tap-èng ê hōng-hiàn seng chún-pī piān, ánne góa kàu-ūi ê sî, lín í-keng chún-pī piān, piáu-sī lín ê hōng-hiàn m̄-sī bián-kióng, sī kam-sim lo̍k-ì ê. | 註釋 串珠 盧華 盧導讀台 |
| 9:6 | Lín tio̍h ē kì-tit, chéng-chí iā chió ê lâng, siu-sêng to̍h chió; chéng-chí iā chē ê lâng, siu-sêng to̍h chē. | 註釋 串珠 盧華 盧導讀台 |
| 9:7 | Só͘-í, ta̍k lâng tio̍h chiàu kakī só͘ koat-tēng ê lâi hōng-hiàn, m̄ thang m̄-kam, m̄ thang bián-kióng, in-ūi Siōng-tè thiàⁿ hoaⁿ-hí hōng-hiàn ê lâng. | 註釋 串珠 盧華 盧導讀台 |
| 9:8 | Siōng-tè ē kā ta̍k hāng un-tián chhiong-móa tī lín tiong-kan, m̄ nā hō͘ lín sî-siông chhiong-chiok, koh ē-tàng chò ta̍k hāng hó sū. | 註釋 串珠 盧華 盧導讀台 |
| 9:9 | Tú chiàu keng-tián só͘ kì-chài, I khóng-khài chín-chè sànchhiah lâng, I ê jîn-chû éng-oán chûn-chāi. (chù, SPh 112:9) | 註釋 串珠 盧華 盧導讀台 |
| 9:10 | hit ūi siúⁿ-sù chéng-chí hō͘ iā chéng ê, mā siúⁿ-sù bí-niûⁿ hō͘ lâng chia̍h ê Siōng-tè, I ē siúⁿ-sù hō͘ lín su-iàu ê chéng-chí, mā ē ke-thiⁿ lín jîn-chû só͘ kiat ê kóe-chí. | 註釋 串珠 盧華 盧導讀台 |
| 9:11 | Siōng-tè ē sî-siông hō͘ lín hù-chiok, thang sûi-sî chín-chè su-iàu ê lâng, hō͘ chin chē lâng in-ūi thong-kòe goán chiap tio̍h lín ê hōng-hiàn lâi kám-siā Siōng-tè. | 註釋 串珠 盧華 盧導讀台 |
| 9:12 | In-ūi lín chit-ê ho̍k-sāi ê kang-chok, m̄ nā kái-koat sìn-tô͘ ê su-iàu, mā hō͘ chin chē lâng ke-thiⁿ in tùi Siōng-tè ê kám-siā. | 註釋 串珠 盧華 盧導讀台 |
| 9:13 | Thong-kòe lín só͘ chò ê chit-hāng chû-siān kang-chok, chèng-si̍t lín ū sūn-ho̍k lín só͘ sêng-jīn ê Ki-tok hok-im, iū-koh khóng-khài chín-chè sànchhiah lâng, thang kui êng-kng hō͘ Siōng-tè. | 註釋 串珠 盧華 盧導讀台 |
| 9:14 | Siōng-tè siúⁿ-sù hō͘ lín te̍k-pia̍t ê un-tián, hō͘ hiahê lâng koh khah kèng-ài lín, koh ūi lín kî-tó. | 註釋 串珠 盧華 盧導讀台 |
| 9:15 | Tio̍h kám-siā Siōng-tè, I siúⁿ-sù hō͘ lán bē tàng kó͘-kè ê un-tián. | 註釋 串珠 盧華 盧導讀台 |