| 章節 | 全民台語聖經全羅經文 | 註釋 |
| 4:1 | Kàu-hōe ê Ha̍p-itChò chi̍t-ê ūi tio̍h Chú chò siû-hoān ê lâng, góa khó͘-khǹg lín chò tāichì tio̍h hû-ha̍p Siōng-tè ê ho͘-tiàu. | 註釋 串珠 盧華 盧導讀台 |
| 4:2 | Hoân-sū tio̍h khiam-pi, un-jiû, jím-nāi, ēng thiàⁿ-sim hō͘-siong khoan-iông, | 註釋 串珠 盧華 盧導讀台 |
| 4:3 | Ēng hô-pêng hō͘-siōng kiat-liân, chīn-la̍t pó-chhî Sèng Sîn só͘ sù hō͘ lín ê ha̍p-it. | 註釋 串珠 盧華 盧導讀台 |
| 4:4 | Seng-khu chí ū chi̍t-ê, Sèng Sîn chí ū chi̍t-ê, tú chhin-chhiūⁿ Siōng-tè ho͘-tiàu lán lâi tit tio̍h ê ǹg-bāng mā sī chi̍t-ê. | 註釋 串珠 盧華 盧導讀台 |
| 4:5 | Chú chí ū chi̍t-ê, sìn-gióng chí ū chi̍t-ê, sé-lé mā chí ū chi̍t-ê. | 註釋 串珠 盧華 盧導讀台 |
| 4:6 | Siōng-tè chí ū chi̍t-ê, I chò jîn-lūi chèng lâng ê Thiⁿ-pē; I tī ú-tiū ê tiong-kan, koàn-chhoàn bān-mi̍h, koán-hat it-chhè. | 註釋 串珠 盧華 盧導讀台 |
| 4:7 | Chóng-.sī, lán ta̍k lâng lóng chiàu Ki-tok só͘ un-sù hō͘ lán ê hūn-gia̍h lâi niá-siū. | 註釋 串珠 盧華 盧導讀台 |
| 4:8 | Chiàu keng-tián só͘ kóng, I seng khì-kàu siōng koân ê thiⁿ-téng, tòa hiahê siū lia̍h ê chò-hóe khì, mā siúⁿ-sù un-tián hō͘ lâng. (chù, SPh 68:18) | 註釋 串珠 盧華 盧導讀台 |
| 4:9 | " I seng koân " Kám m̄-sī teh kóng I bat kàng lo̍h-khì tē-hā? | 註釋 串珠 盧華 盧導讀台 |
| 4:10 | Án-ne, " Kàng-lo̍h "ê hit ūi to̍h-sī " Seng-koân " kàu thiⁿ-téng ê hit ūi, thang lâi chhiong-móa ú-tiū bān-mi̍h. | 註釋 串珠 盧華 盧導讀台 |
| 4:11 | Siōng-tè siúⁿ-sù hō͘ lâng ê, ū sù-tô͘, ū sian-ti, ū thoân hok-im ê, ū bo̍k-chiá kah kàu-su. | 註釋 串珠 盧華 盧導讀台 |
| 4:12 | Án-ne chò sī beh chong-pī Siōng-tè ê chú-bîn, thang lâi chò chhe-ēng ê kang, khí-chō Ki-tok ê seng-khu. | 註釋 串珠 盧華 盧導讀台 |
| 4:13 | Chòe-āu, lán lóng thang tùi Siōng-tè ê Kiáⁿ ū it-tì ê sìn-gióng kah jīn-bat, chiâⁿ-chò chi̍t-ê oân-choân ê lâng, hō͘ Ki-tok chhiong-móa-lâi tióng-tōa sêng-jîn, ta̍t-kàu Ki-tok ê oân-choân kéng-kài. | 註釋 串珠 盧華 盧導讀台 |
| 4:14 | Án-ne, lán bô koh-chài sī gín'á, bē koh hō͘ ta̍k chióng kàu-gī ê hong iô-tāng phiau-liû, tiòng tio̍h lâng ê kúi-kè kah môa-phiàn, tì-sú hō͘ lâng ín-iú khì. | 註釋 串珠 盧華 盧導讀台 |
| 4:15 | Lán tian-tò tio̍h ēng thiàⁿ-sim kóng sêng-si̍t-ōe, ta̍k hong-bīn lóng o̍h Ki-tok ê bô͘-iūⁿ lâi chiām-chiām sêng-tióng, in-ūi Ki-tok sī lán ê thâu. | 註釋 串珠 盧華 盧導讀台 |
| 4:16 | Thong-kòe Ki-tok, kui seng-khu ê kok ki-thé kiat-ha̍p khí-.lâi, hō͘-siong chiap-èng, hoat-hui kok ki-thé ê kong-lêng, hō͘ seng-khu ná tióng-tōa, koh ēng thiàⁿ-sim lâi khí-chō kakī. | 註釋 串珠 盧華 盧導讀台 |
| 4:17 | Ki-tok hō͘ Lán Chiâⁿ-chò Sin LângSó͘-í, góa hōng Chú ê miâ khó͘-khǹg lín, m̄ thang koh-chài kè-sio̍k kòe gōa-pang lâng hit khoán ê seng-oa̍h. In ê su-sióng khang-hi koh hàm-kó͘, | C註釋 註釋 串珠 盧華 盧導讀台 |
| 4:18 | In ê sim-su o͘-àm, keh-tn̄g Siōng-tè siúⁿ-sù ê oa̍h-miā, in-ūi in lóng bû-ti iū-koh kò͘-chi̍p. | 註釋 串珠 盧華 盧導讀台 |
| 4:19 | In sòng-sit liông-sim, chiū hòng-chhiòng kakī ê su-io̍k, koh tham-loân ta̍k chióng ù-òe ê hêng-ûi. | 註釋 串珠 盧華 盧導讀台 |
| 4:20 | M̄ koh, lín pēng m̄-sī ánne teh ha̍k-si̍p Ki-tok. | 註釋 串珠 盧華 盧導讀台 |
| 4:21 | Lín eng-kai ū thiaⁿ-kòe Ki-tok ê tāichì, koh ū ha̍k-si̍p I ê kà-sī; I-é-su pún-sin to̍h-sī chin-lí. | C註釋 註釋 串珠 盧華 盧導讀台 |
| 4:22 | Án-ne, lín tio̍h thoat-lī í-chêng ê seng-oa̍h, thǹg-khì kū ê lâng, kā kū ê" Góa " Ōaⁿ sin; kū ê" Góa " In-ūi su-io̍k ê ín-iú í-keng teh pāi-hoāi. | 註釋 串珠 盧華 盧導讀台 |
| 4:23 | Lín ê sim-su ì-liām mā tio̍h ōaⁿ sin, | 註釋 串珠 盧華 盧導讀台 |
| 4:24 | Tio̍h chiâⁿ-chò sin ê lâng, to̍h-sī chiàu Siōng-tè ēng chin-lí só͘ 產 seⁿ ê kong-gī kah sèng-kiat lâi chhòng-chō ê sin lâng. | 註釋 串珠 盧華 盧導讀台 |
| 4:25 | Só͘-í, lín tio̍h tû-khì pe̍h-chha̍t, ta̍k lâng kah i ê chhù-piⁿ kóng sêng-si̍t-ōe, (chù, CKL 8:16)In-ūi lán lóng sī Ki-tok ê ki-thé. | 註釋 串珠 盧華 盧導讀台 |
| 4:26 | Lín ê siū-khì m̄ thang tì-sú hoān chōe. (chù, SPh 4:4) M̄-thang siū-khì-kàu ji̍t lo̍h iáu-bōe soah, | 註釋 串珠 盧華 盧導讀台 |
| 4:27 | Mā m̄ thang hō͘ Mô͘-kúi ū khang-phāng thang ji̍p. | 註釋 串珠 盧華 盧導讀台 |
| 4:28 | Bat chò-chha̍t ê m̄ thang koh thau-the̍h, tio̍h lô-khó͘ chò-kang lâi tit tio̍h chèng-tong ê siu-ji̍p, chiah ē-tàng pang-chān khiàm-khoeh ê lâng. | 註釋 串珠 盧華 盧導讀台 |
| 4:29 | M̄-thang kóng pháiⁿ ōe, tian-tò tio̍h kóng ē chō-chiū lâng ê hó ōe, hō͘ thiaⁿ-.tio̍h ê lâng tit tio̍h lī-ek. | 註釋 串珠 盧華 盧導讀台 |
| 4:30 | Mā m̄ thang hō͘ Siōng-tè ê Sèng Sîn iu-siong, in-ūi Sèng Sîn sī Siōng-tè ê ìn-kì, pó-chèng lín ē tī chín-kiù ê ji̍t tit tio̍h tháu-pàng. | 註釋 串珠 盧華 盧導讀台 |
| 4:31 | Tio̍h tû-khì lín tiong-kan só͘-ū ê khó͘-to̍k, oàn-hūn, siū-khì, pháiⁿ sèng-tē, húi-pòng kah it-chhè ê ok-to̍k. | 註釋 串珠 盧華 盧導讀台 |
| 4:32 | Koh tio̍h ēng jîn-chû hō͘-siōng khoán-thāi, chûn liân-bín ê sim, tāi-ke hō͘-siōng sià-bián, tú chhin-chhiūⁿ Siōng-tè thong-kòe Ki-tok bat kā lín sià-bián kāng-khoán. | 註釋 串珠 盧華 盧導讀台 |